Hiob 5:13 - Katɔti Ɔku Kedee

¹³ Bana kayawi lɛnunda ƒui lɛɛwɔ́ ulu. Na bana ablala eenwíni kɔkpagyuɛ na kuudie-ma.

Hiob 5:13 ပူးပေါင်းရင်းမြစ်များ

Samuel 2 15:31

Na ɔƒɛni ni, bábasu Dawid banini, “Ahitoƒel lɛnɔ ɔkya Absalom badi bani nása lili likpidi ƒula lɛlɔ akɔ.” Mmɔ na Dawid ɔ́kpali katɔ ɔnini, “O Unwoti, nwini Ahitoƒel kasusu kani na ɔɔkya-ma bla adɔlɔla.”

Samuel 2 15:34

Ɔmmɔ ɔsu nwini teesie Absalom kudɔ na Yerusalem na atásu-nwu anini, ‘O mina ɔga, ndubunwini ƒula kabla ɔblane. Nka kudeedi ni, ńtaabla kabla teete ƒ'ɔti. Nsu ɔƒɛni ni, awɔ na ndubɔbla kabla lite.’ Ulu ɔmɛni lɛlɔ na adubɔsia na eƒu Ahitoƒel kasusu kani na wakya Absalom na kalálɛ ɔbuni.

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Hiob 15:5

Na ƒula ekpidi pii ani na aabla ni, anya náya na éti kasusu kani ɔsu na aasu kenye kamɛni udu.

Hiob 37:24

Ɔmmɔ ɔsu na abu bekyuli bɔɔyia Katɔti, ɔsika bekyuli bani mɔɔtalaku lɛlɔ katɔ na baakali ka báda anu ni, Katɔti ulánu-ma ɔnii badi lɛla lɛdi na nwuna anumi.”

Kɔgya 18:26

Na bani mɔɔsia bana ablala anu ni, awɔ lɛnɔ aasia ala anu teete-ma. Na bani na balásia bana ablala anu ni, aaní-ma kɔtu na bana ablala kenye.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Agba 3:32

Bekyuli bekpidi bammɔ ala eesé Unwoti lɛlɔ geen. Nsu bekyuli bani nse siin ni, ulábɛla-ma nwuna kasusu.

Yesaia 19:3

Na enu adubɔƒɛ Egyipteƒuɔ. Na libile bana kɔkwɛ ƒui, na beye kasiakɔ basiku bana baƒiɔ ku bekpine, ku bekebone ku bevone kudɔ banɔ.

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Yeremia 49:7

Unwoti Ɔyikune Ƒui ɔ́su ɔ́siku Edomƒuɔ lɛlɔ ɔnini, “Lɛnunda ku kasusu kása na Teman ɔma kemmo. Na ndubo bɔya na ɔgbankpi ubo-mii lɛlɔ liti lɛni amii Esau bebi ku bawɔ kɔtu. Anwuɔsu ɔdi biala nási Dedan ɔma ɔsɔ unwini na ukeli ɔtɔlɔ uteesie ɔma mmomu.

Yeremia 8:8

“Bɛɛsu bɛnini, ‘Bɔ́da anu, ɔsika bula enu kemmo na Unwoti ala ani na ɔɔtina ku nwuna ɔda bubo ƒui bɔkya.’ Nsu mɔɔyá na bɛti ka bina ala batinane ƒui bátu mina etemila bénwini ɔkɔ ala!

Yeremia 8:9

Bina banundane béni mina etemila ani na lɛ́su, anwuɔsu basɔ beeebo lɛnunda lɛdi. Na ala ényimi-ma na kɔƒa kuukpó-ma na basɔ baaagyi lɛla lɛni na babla.

Yeremia 9:22

Unwoti ɔ́su-bu ka bula bekyuli badubo bukpi buwi kalɔ ƒui bɔka bɔmana aani kalɛ na kamu kaayɛɛlɛ teewi kalɔ na bátanwa-ka iye alakpi ani na bébo béwi kalɔ na ute-ka lɛmwi.

Bumomo Bɔka 22:25

Na ka ebuo ɔmmɔ ɔ́nu Unwoti ɔtu ɔmmɔ ni, úti lɛlɔ útámana lɛwoduku lɛmmɔ na lɛɛmana Bileam ɔgba momoomo. Ɔmmɔ ɔsu Bileam ɔ́sɔ úbi ebuo ɔmmɔ kugyiimi ubu.

Luka 1:51

Údie nwuna ɔyikun keyi, na úgyingya bekyuli bani mɔɔtalaku lɛlɔ katɔ.

Korintoƒuɔ 1 3:19

Ɔsika lɛla lɛni na bayawine baanu aani lɛnunda na kayawi ni, ani ndi kɔdɔlɔ na Katɔti anumi. Na lɛni na Bunweni Kedee Ɔku ɔ́su ɔnini, “Banundane kakwɛ na Katɔti uuti taakywɛ ama alati kakpagyuɛ.”