Hiob 41:10 - Katɔti Ɔku Kedee

¹⁰ Na si ebuo ɔmɛni lɛlɔ libo liƒu ɔni na ukyuli ɔdi ulakana bɔsu ɔnii utékpoku-nwu ni, ɔma geen ndubɔkana bɔsu ɔnii uunye ɔsiaku ami?

Hiob 41:10 ပူးပေါင်းရင်းမြစ်များ

Ala Kalɔ Buse 49:9

Yuda, gyata ubi na adi. Ebuo keƒiekɔ na ási ébo. Aabɛ́bɛ taayu teebi kalɔ aani gyata uwele. Na ɔma ndubuse kayi ɔnii utágya-a?

Hiob 3:8

Ya na bevone ƒui bakanti bakya limeyi lɛmmɔ ku ewida.

Hiob 3:9

Ayabi ani mɔɔtu limeyi lɛmmɔ ɔtanta ƒui abla suu, na lɛla lɛla litatina ka bukeye bɔdi bɔkya limeyi lɛmmɔ kemmo.

Hiob 40:9

Bɔbla na ƒula kɔnu kɔɔbla ɔyikun ala, na ƒula lɛdi lɛnɔ libo ogya mina kalɛ?

Hiob 41:9

Ɔtɔtɔ ɔni lɛti ndubo-ɔ bɔgyu si éti lɛnumi ánu-nwu muedi ni, alasu anii eeƒie-nwu ataanyuɛ.

Hiob 9:4

Nwuna lɛnunda kemmo kágyu, na nwuna ɔyikun uuubo bɔka. Ɔma náta únye Unwoti lɛlɔ dii na úse-nwu buɛɛ?

Yeremia 12:5

Unwoti ɔnini, “Yeremia, si anii eekeli ada bekyuli na lɛlɔ líitu-ɔ lɛni ni, dɛ na aakali ka adubɔkana bukeli bɔda bapɔnkɔ? Na si kalɔ ntɛ nwaa mɛni na adaku bubuli ni, bi ndubo bɔlɛ na lɛku kemmo na Yordan Ketu kɔtu?

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Yeremia 50:44

Ndubo awɔ Babilon bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Bumomo Bɔka 24:9

Na kadi bekyuli bammɔ bese aani gyata ɔyikune ɔdi. Na si ɔtɛ ɔlɛɛ ni, lɛla biala lɛɛyia-nwu bɔgyila. “Ukyuli biala mete Israel kusɛ kusɛ ni, kusɛ kusɛ ɔdubɔsiaku-nwu. Na ukyuli biala mewida Israel ni, ewida adubɔsiaku-nwu.”

Korintoƒuɔ 1 10:22

Munuu bɛɛyɔ́ ka Blɔti uti nwuna kɔnyi ɔkya-bu? Bitaya bɔkali bɔnii bubo ɔyikun butulo-nwu.