Hiob 40:11 - Katɔti Ɔku Kedee

¹¹ Die ƒula kɔnyi keyi, na eboku bekyuli bani mɔɔtalaku lɛlɔ katɔ kalɔ.

Hiob 40:11 ပူးပေါင်းရင်းမြစ်များ

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Yesaia 42:25

Úti kɔnyi ɔ́kya-ma, anwuɔsu na ɔ́ni-ma kɔtu na kekpo kénwini ogya na ɔɔda na bana kɔlɔ lɛlɔ. Nsu ɔmɛni ƒui útabla-ma lɛla lɛdi na benu-nwu litemi. Na baaadaku-ni ina dɛ na ogya ɔmmɔ ɔ́ka ɔ́mana-ma na uuƒí-ma muedi.

Kɔgya 144:6

Na aya na kayaa kataabwɛ ogya na ugyingya ƒula bekisine bammɔ ƒui. Bo ƒula atula lɛ-ma na ayila-ma udu.

Hiob 27:22

Na ɔɔɔdubo-ma buse buɛɛ, ina dɛ na bákali banii beekeli ɔƒɛƒɛɛ ɔmmɔ kenye, ɔsika ɔdubuti-ma ku ɔƒɛɛlɛ ɔtɔlɔku.

Hiob 20:23

Si uwi ɔni na bádi na bémo báwɔlɔ ni, uwi ɔmmɔ na Katɔti uubó-ma taaƒiɛmi kalɔ ku kɔnyi na ɔya na nwuna lɛbibo ku lɛtuni limo-ma aani kalɛ na baanina ukyuli na ubweli lɛla biala.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 15:6

“Unwoti, ƒula kɔdianu kɔnu kɔɔtina lɛgadi ɔyikun. Unwoti, ƒula kɔdianu kɔnu nákɔ ukisine ɔmmɔ ɔ́bwɛ kpɛtɛ kpɛtɛ.

Hiob 4:9

Unwoti kɔnyi kuubo-ma lɛlɔ aani kalɛ na ɔƒɛƒɛɛ kpakplaa uukpó taayila lɛla lɛdi udu.

Hiob 21:30

si ɔgbankpi ɔdi ɔ́lɛ ni, bekyuli bekpidi mmomu na lɛla lɛdi lilábla?

Yesaia 22:19

Ndubukpeli-ɔ libo ƒula kabla kablakɔ, na lɛƒɔ ƒula kenyekɔ lɛlɛku-ɔ enu kemmo.

Yesaia 23:9

Unwoti Katɔti Ɔyikune Ƒui nábla lɛla lɛmɛni udu, kalɛ na ala ani lɛlɔ lɛmɛne bekyuli baakun ka eekeye ayii udu. Na bani na báƒɔ lɛnyi na kalɔ lɛnɔ mɛni uboku-ma kalɔ.

Yesaia 25:11

Na beteebo enu ka balɛ mmɔ aani kalɛ na ukyuli ɔni muubumo ketu uubó enu. Nsu ina bi na bana enu aata ala lɛlɔ na bebo kɔkwɛ muedi ni, Unwoti ɔdubo-ma bɔyila na bana lɛlɔtina ku ulikplu ala bɔbla ɔsu.

Yesaia 26:5

Na bekyuli bani mɔɔkɔliku lɛlɔ katɔ ni, uuboku-ma kalɔ. Na lɛma linengudi lɛni bekyuli mɔɔnu lɛlɔ katɔ katɔ ni, uutú-ni teegyingya na lɛɛbla kpɛtɛ kpɛtɛ teenwini ɔtumu.

Yeremia 48:29

“Ngyi kalɛ na bɛɛtalaku lɛlɔ katɔ na bígyingya enu bɛɛkun lɛmɛnɛ taavi.

Daniel 4:24

“Ɔga Ɔbune, Katɔti Ɔni Ntulo Ƒui néti linyesia lɛmɛni úmene-ɔ ɔkɛnku kɔna kɔni na égye lɛlɔ, na kuna kalɔ budie ndi ɔmɛni.

Nahum 1:8

Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Hiob 9:5

“Nwuna kɔnyi kulákada teese asa na ɔɔgyú abi enengudi ana kenyekɔ na ɔyila-nya udu.

Kɔgya 94:2

Awɔ mɔɔtɛku bayawine ƒui litemi. Bo na ebedie bekyuli bani mɔɔkɔliku lɛlɔ katɔ kasi kani námanku-ma.