Hiob 4:14 - Katɔti Ɔku Kedee

¹⁴ Liƒu lɛdi udu líƒie-mi, na mina lɛlɔ ƒui lɛɛtɔ́ útálɛku mina ekubi kemmo muedi.

Hiob 4:14 ပူးပေါင်းရင်းမြစ်များ

Hiob 33:19

Na uwi bamba lɛnɔ ni, Katɔti ɔɔyá na ɔlɛ kpakplaa ubo ukyuli, na lɛlɔ ekpo ku kɔsakɔ ƒui kɔɔdu-nwu momoomo. Na ɔɔsia ulu ɔmɛni lɛnɔ lɛlɔ na ɔbla ukyuli sɛɛn kede kede ƒui.

Hiob 4:13

Uwi ɔni na nka lɛlɛɛ líiti-mi líselaku ɔgyu ƒui ni, kɔna kemmo liƒu ala bɔnu bɔmɛni bɔ́gyila-mi.

Hiob 4:15

Na ɔ́bla aani kɔyu kɔdi návi-mi anumi, ɔni na mina lɛlɔ linwini ƒui lɛ́ta línye-mi lɛlɔ.

Hiob 7:14

Nsu uwi ɔmmɔ na eedie liƒu ala taatina-mi na kɔna kemmo, na ulaya na mɔɔkana bɔlɛɛ.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Daniel 10:11

Na ɔ́su-mi ɔnini, “Daniel, ƒula Katɔti ɔɔbla-a lɛlɔ kasusu kenengudi geen na anwu nátala-mi. Anwuɔsu ta nye, na enu lɛla lɛni na ndubo-ɔ bɔsu.” Mmɔ na lɛ́ta línye na lɛlɔ lɛɛtɔ́-mi kpakpaakpa.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Luka 1:12

Na ɔni na Sakaria ɔ́nu-nwu ni, liƒu lɛ́da-nwu geen.

Luka 1:29

Ɔtu ɔmɛni kenye kani na ɔ́su ɔ́ya na Maria kasusu kéƒu, ɔsika útenu kenye kammɔ kalɔ.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.