7 asa na únwini lɛlɔyɔ lɛnu na ɔtanta lɛyabi ku katɔ batu beete yiiduu?
Katɔti ɔ́bla bukeye bonwu akpa anyɔ. Bukeye bunengudi bɔni ndi ɔƒɛ bɔdanku kadi nwaa, na kɔbuli kɔni nsia lɛnɔ kɔdanku usien. Na ɔ́bla ayabi lɛnɔ.
Limeyi linwi ni, kayaa bayikune lidu ƒui bébo Katɔti anumi, na Satan lɛnɔ ɔkya-ma akɔ.
Limeyi lɛdi lɛ́sɔ lídu na kayaa bayikune lidu bammɔ básɔ bébo Unwoti kudɔ na Satan lɛnɔ ɔkya-ma akɔ.
Na éti ɔƒɛƒɛɛ ábla ƒula batalane. Na éti ogya linyemi ƒula kabla bablane.
“Na kɔbi kɔni na aanu na ƒula anumi mmɔ ni, badubo-ku bɔbwɛ búwi kalɔ kpɛtɛ kpɛtɛ. Na edie kakpakɔ lɛtabi lɛni náƒɔ kuye geen litulo ƒui mmɔ alɛku, na bɛdububo kudu momoomo bɛnini, ‘Unwoti ɔ́bla-bu lɛƒɔndia, na lɛtabi lɛmmɔ lɛdia geen!’ ”
Ndubute-nwu bukeye aani ɔtanta lɛyabi lɛnɔ.
“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”
Ka lɛ́sɔ lɛ́nu ni, lɛ́nu katɔ batu mpim ɛlɛ ɛlɛ ku mpim leevu akpa leevu alɛ alɛ ka bénye bámana lɛgaboku lɛmmɔ ku ngba batu ine ku benengu bammɔ.