Hiob 38:11 - Katɔti Ɔku Kedee

¹¹ Ɔma nátina-nwu kesii kani na uyi ɔwɔ, na ɔ́su-nwu ɔnii nwuna ɔvɔlɔvɔ ani mɔɔta teebo atavia mmɔ?

Hiob 38:11 ပူးပေါင်းရင်းမြစ်များ

Kɔgya 89:9

Awɔ muuboku ɛpu bonwu ku nwuna lɛlɔ bɔnwanɛ ƒui kalɔ. Na aayala nwuna avlɔvɔ ammɔ buɛɛ.

Agba 8:29

Na mɔɔnu asa na ɔ́sia kalɔ ubili aani ɔmii úte ɛpu ɔmmɔ ƒui kalɛ na uleyi ulavia mmɔ. Na kalɛ na úse kalɔ kammɔ ɔka kalɔ ni, nnye mɔɔnu.

Yesaia 27:8

Kekpo ku bana bɔbɔku taatákya kɔlɔ bamba kemmo ndi lɛla lɛni na éti ékpoku-ma aani ɔƒɛƒɛɛ kpakplaa ɔni muukpó taasi ɔƒɛ katukɔ na uubó ala taatɔlɔku.

Hiob 2:6

Mmɔ na Unwoti ɔ́su Satan ɔnini, “Ɔdia lɛ́nyonu-nwu lɛ́kya-a lɛkɔkɔ akana na ekpoku-nwu ɔlɔna ku ɔlɛ biala kalɛ na aayɔ́, mmomu tadu-nwu.”

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Hiob 1:22

Na ɔmɛni ƒui kemmo ni, Hiob útasu lɛla lɛdi na ɔta unye Unwoti lɛlɔ iye ɔdu Unwoti kɔtɔ kɔdi.

Hiob 38:10

Ɔma násia ubili úte-nwu aani kalɛ na baakalɛ lɛla lɛdi taakya ɔban kemmo?

Hiob 38:12

“Hiob, na ƒula ngba emeyi kemmo ni, éebo ɔda éte limeyi lɛdi dii anii kadi kegye na ɔƒɛ ɔtu?

Kɔgya 104:9

Ásia ubili éte-mu kesii kani na bulakana buyi bɔvia. Na bɔsɔ buláƒɔ kalɔ ƒui lɛlɔ kudii.

Kɔgya 124:5

Nka ketu kani náƒɔ ntu mmɔ na kaatu teenwini kéti-bu ƒui kede kede.

Baga 1 13:28

Ɔmmɔ kama ni, ɔ́vi ɔ́lɛ útánu ka kenye udiene ɔmmɔ ukpine ɔtɛ kuludɔ. Na gyata ɔmmɔ ku nwuna ebuo ala utine ƒui bénye-nwu kudɔ. Na gyata ɔmmɔ útakun lɛna lɛmmɔ lɛdi iye ɔbla ebuo ala utine ɔmmɔ lɛla lɛdi.

Hiob 26:10

Ɔ́sia ɔmii na ɛpu kawɔkɔ úte usien ku kadi nwaa kasakɔ.

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.