Hiob 38:1 - Katɔti Ɔku Kedee

¹ Katɔti ɔ́tɛmiku Hiob ɔ́siku ɔƒɛƒɛɛ kpakplaa kemmo ɔnini,

Hiob 38:1 ပူးပေါင်းရင်းမြစ်များ

Ala Kalɔ Buse 9:10

Na linyese lɛmɛni lɛdanku baasɛ ku ɔmantɛ bebuo ku beƒiebuo bani nákya-a kudɔ na bálɛ ɔkɔlɔ bonwu ɔmmɔ kemmo.

Baga 1 19:11

Amu na Unwoti údie kenye ɔnini, “Lɛ ténye kɔbi kɔmmɔ lɛlɔ na Unwoti anumi. Ɔsika Unwoti ɔdubo ubasia mmɔ ɔvi.” Amu na ɔƒɛƒɛɛ ubendi ɔdi úkpo, na úle kɔbi kɔmmɔ kemmo inyɔ, na úgyingya atakpɛ ammɔ na Unwoti anumi. Nsu Unwoti uuubo ɔƒɛƒɛɛ ɔmmɔ kemmo. Na ɔƒɛƒɛɛ ɔmmɔ kama ni, kalɔ kákunku, nsu Unwoti uuubo kalɔ bɔkunku bɔmmɔ kemmo.

Baga 2 2:1

Uwi ɔni na Unwoti ɔɔyɔ́ ka uti Elia usienku katɔ na ɔƒɛƒɛɛ ɔni mɔɔkya ligede kemmo ni, Elia ku Elisa báta bási Gilgal.

Baga 2 2:11

Na uwi ɔni na bátɛmi bésela ni, kɔnakunwi kani na ɔpɔnkɔ kɛɛkɛ ɔni na ɔɔda ku ogya ku bapɔnkɔ bani mɔɔda ku ogya báda bálɛ na béle Elia ku Elisa ntɛ. Na Elia ɔ́kɔ úduo bapɔnkɔ kɛɛkɛ ɔmmɔ kemmo na béti-nwu bésienku katɔ.

Hiob 11:5

O, si nka Unwoti ɔmmɔ ɔlati ubimi kenye na udie-ɔ lɛla lɛmɛni kenye ni, nka ɔdia-mi.

Hiob 26:10

Ɔ́sia ɔmii na ɛpu kawɔkɔ úte usien ku kadi nwaa kasakɔ.

Hiob 37:14

“Hiob, wi lɛlɔ buɛɛ na asɔku kasusu abla asiku Katɔti akɔla ala budie taatina lɛlɔ.

Hiob 37:9

Na ɔƒɛƒɛɛ ɔni ndanku kɔyɔ kpakplaa uubo teebekpo, na ɔɔkya ligede uwi biala.

Hiob 40:1

Unwoti ɔ́su Hiob ɔnini,

Hiob 40:6

Amu na Katɔti ɔ́tɛmiku Hiob ɔ́siku ɔƒɛƒɛɛ kpakplaa ɔmmɔ kemmo ɔnini,

Esekiel 1:4

Amu na lɛ́nu ka ɔƒɛƒɛɛ kpakplaa ɔdi úse kalɔ úkpo kpakplaa ɔ́si katɔ kakɛ ɔdubo. Na kayaa kaabwɛ ogya taasi liƒlukutu bonwu lɛdi kemmo na kayaa kana ƒui keekeye na ɔɔtu anumi. Na liƒlukutu lɛmmɔ ntɛ kesii kani na ogya ɔmɛni ɔɔbwɛ taasi ni, use aani lɛbuala lɛni na békuo-ni suɛlɛ suɛlɛ na uukeye geen.

Nahum 1:3

Unwoti use buɛɛ na uleyile kɔnyi buti, nsu ubo ɔyikun. Anwuɔsu bani ƒui mɔɔƒiɔ́-nwu ni, ɔɔnu ka ɔ́ni-ma kɔtu, na ɔdi ulekeli lɛtuni lɛmmɔ. Nwuna ablala eedie lɛlɔ keyi na ɔƒɛƒɛɛ kpakplaa ɔni mɔɔkya ligede kemmo. Na nwuna lɛgba kalɔ ɔtumu ndi liƒlukutu lɛni bɔɔnu.