3 Nwuna bukeye bɔ́bwɛ ogya bɔ́vi kayaa kammɔ ƒui.
Ɔsika anwu kani mɔɔnu kayawi kamɛni ƒui kesii biala teetédu kawɔlɔkɔ, ɔ́si katɔ ƒui kesii kani na uli mmɔ.
Anwu nébo ɔda úte ɔnantu bɔna, na ɔ́tina kesii kani na ɔnantu ku ɔƒɛƒɛɛ kpakplaa ukpo ɔvi.
Ɔɔyá na liƒlukutu lɛɛdanku ntu na lɛɛbwɛ ogya na kayaa kammɔ ƒui.
Katɔti ɔɔyá na liƒlukutu lɛmmɔ lɛɛkɛ taavi kayawi kemodi kammɔ lɛlɔ ƒui taabla lɛla lɛni na úbo-nwu ɔda ɔnii ɔbla.
Ɔmmɔ ƒui kama ni, línu-nwu lɛdi kalɛ na ɔɔkwanyi, na nwuna lɛdi lɛni mbo ogya lɛɛbla kudu momoomo. Na lɛni kani na kayaa kaabwɛ ogya.
Na áaya na bukeye bɔmmɔ búsie bútéwi kayawi kammɔ ekpo ƒui, na ábɔku bekyuli bekpidi bani naaawia bukeye na békeli bátɔlɔ?
Munuu kayaa na adubɔkana bɔya na kabwɛ ogya si édie lɛdi ákya-ka?
Katɔti, ƒula kasiakɔ ƒui kese kedee. Na beleti baƒiɔ badi balákɔku-ɔ.
Na nwuna kɔnyi kɔ́ya na kayaa kaabwɛ ogya teewi kayawi, na liƒu bonwu líƒie bayawine.
Ɔdubo bunyene aƒlaga ɔdi ute kadi ƒui bekyuli, na ɔkpanku Israel kadi bekyuli bani na béƒie bésienku kɔlɔ bamba ku Yudaƒuɔ bani na bégyingya bakya ƒui ɔsiku kayawi lɛƒɛnyi ine bɔmmɔ ƒui ubasala.
Ɔsika ami Ukyuli Ɔyawine Ubi ndubudie mina lɛlɔ keyi aani kalɛ na ɔnantu ɔdubo bɔna na ɔɔbwɛ bukeye taasi kayaa na ɔƒɛ katukɔ taatálɛ kanukɔ.
Amu na bálɛmi Katɔti kakpakɔ kedee, na bánu Bunyimi Adaka kedee ka use mmɔ. Na kayaa kábwɛ ogya ku kɔku bonwu. Na katɔ keedu taasia kama. Kalɔ kákunku, na etubankɛ áyu pii!
