10 Ɔsika ani néti-mi líboku lɛbibo ngba bɔmɛni kemmo.
ɔsika nka Katɔti útile Abimelek ku nwuna kaduli bekyuli ƒui kɔwɔ kenye, ɔkɛnku Abraham ulekudi Sara litemi lɛmɛni ɔsu.
Ka Unwoti Katɔti ɔ́nu ka Yakob ulayɔ Lea kaduɛ ɔsu ni, ɔ́lɛmi-nwu kaƒɔ mmomu na anwu mɔɔwɔ. Na Rahel anwu uláwɔ.
“Unwoti, lɛ́ɛnɔ ku mina ngba ɔƒɛni amu. Anwuɔsu na mɔɔkpali-ɔ taasiku mina kayi kemmo ƒui, ɔsika lɛ́yila lɛnunsia biala.
“Ɔmwi lɛnɔ ni, nsɔ ndubo bɔdɔ geen, ɔsika Katɔti unye ɔɔní-mi kɔtu kpakplaa geen ina ɔni na muudumo momoomo mɛni.
“Si bukpi na líkpi na kawɔkɔ mmɔ, iye kaƒɔ kemmo mmɔ muedi nka ɔdia utulo. Na lɛɛɛgyi lɛla lɛni ɔsu na bemonku-mi bɔwɔ bɔkya ngba bɔmɛni kemmo.
Ayabi ani mɔɔtu limeyi lɛmmɔ ɔtanta ƒui abla suu, na lɛla lɛla litatina ka bukeye bɔdi bɔkya limeyi lɛmmɔ kemmo.
Taya na kasusu kekpoku-ɔ na ulu biala lɛlɔ na akya lɛlɔ ɔlɛ, ɔsika lɛkloƒu uwi ala abuni ammɔ adubo abavi ɔƒɛni kani.
Ɔlɛka nka bukpi na anwu lɛnɔ ukpi na ɔni na úni na útadu-mi asa na lɛlɛ mbewi kalɔ banii ubi na báwɔ ɔsu. Nka mina uni kaƒɔ kemmo ndubunwini mina kaƒiɔtɔ.
Nsu ulekudi Hana anwu ni, uute-nwu lɛna lɛni na úte bakladi akpa anyɔ, ɔsika ɔɔyɔ́-nwu geen, nsu Katɔti útete-nwu kɔwɔ.
