Hiob 26:7 - Katɔti Ɔku Kedee

⁷ Anwu nli nwuna keliekɔ kakaaka na úbimi kayaa ɔ́ƒala katɔ, na ɔ́ya na kalɔ kammɔ ƒui lɛnɔ kaƒa na lɛla lɛdi lɛɛɛda-ka.

Hiob 26:7 ပူးပေါင်းရင်းမြစ်များ

Hiob 38:6

Kayawi kammɔ kalɔ ɔka ni, akpa amani nda-nwu? Na ɔma nékpo awodu ammɔ atu,

Hiob 9:8

Anwu lɛti nédie katɔ na úbimi-ka ɔ́ƒala kayaa, na ɔ́kɔliku nwuna ɔgba ɔ́nya ɛpu ɔni mɔɔnwanɛ lɛlɔ mmɔ lɛlɔ.

Kɔgya 24:2

Ɛpu bonwu ku ntukpa bɔni nkya kalɔ kemmo mmɔ lɛlɔ na ɔ́tu kayawi kammɔ ɔ́sia.

Kɔgya 89:12

Kayawi kemodi ɔ́si ɔƒɛnyi unwi útédu ɔkladi ƒui awɔ nédie-ka. Lɛlɔ lɛɛyɔ́ Tabor ku Hermon abi na eedie ƒula bumwi keyi.

Kɔgya 89:13

Ebo ɔyikun geen na ƒula ɔyikun use kpakplaa etulo lɛla biala.

Yesaia 40:21

Bɔgyi na bɛɛɛgyi tɔ ukyuli ɔni na Katɔti ɔdi? Munuu bítenu tɔ? Na ɔdi lɛnɔ útasu-mii tɔ ɔ́si kalɔ kesekɔ? Bítenu tɔ ɔmɛni kalɔ ɔ́si ɔni na údie kayawi?

Yesaia 40:22

Anwu ɔni nédie kayawi ni, uli nwuna lɛgaboku lɛlɔ na ɔɔdi kayawi bekyuli ƒui lɛlɔ ɔ́ka ɔ́mana ɔ́si kayaa katɔ katɔ ƒui. Údie kayaa kammɔ na kebi bekyuli lɛlɔ na bakya-nwu kemmo aani kɔdi kevo bonwu, na ɔɔnu-ma teemene aani bakpɔtilikpɔ.

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Yesaia 42:5

“Ami ndi Unwoti Katɔti ɔni nédie katɔ lɛ́ƒala kayaa. Na ami nédie kalɔ ku ala ani na akya-ka kemmo ƒui. Na bekyuli bani ƒui nli kalɔ lɛlɔ ni, ami muute-ma ngba ku ɔƒɛƒɛɛ ɔni na baanwuna.

Sakaria 12:1

Linyesia lɛmɛni lɛdanku Israel na lɛ́si Unwoti kudɔ lɛnini, “Ami ndi Unwoti! Na ami nébimi kayaa lɛ́ƒala katɔ, na lɛ́ya na kalɔ kenye kana ɔka lɛlɔ, na líti ɔƒɛƒɛɛ líte ukyuli na ɔɔnwuna.