Hiob 24:9 - Katɔti Ɔku Kedee

⁹ Bebi bani na bana bati békpi ni, beeyé-ma taasiku bana beni kudɔ na bana bati kayu kenye.

Hiob 24:9 ပူးပေါင်းရင်းမြစ်များ

Baga 2 4:1

Ukpinele ɔdi na nka ɔgyani ɔ́kya kenye bediene lɛkpa kemmo úsie Elisa kudɔ na ɔ́su-nwu ɔnini, “Ati, mina ɔgyani úkpi. Na aani kalɛ na agyi ni, ɔdi ukyuli ɔni mɔɔyia Katɔti geen. Na mina ɔgyani ukyuli ɔni na ɔda kayu ɔdubo ubeti mina bebi bananabi inyɔ ɔtɔlɔku na bátátaabla-nwu kabla.”

Nehemia 5:5

Nsu ina ka abu ku Yudaƒuɔ benwi bɔdi na bula bebi lɛnɔ bese aani bana badi ni, búuti bula bebi badi búye búte-ma kalɛ na buti bɔƒɔ kayu kammɔ. Báƒɔ bula begblebi badi, na ɔƒɛni bɔsɔ bulati lɛla lɛni bɔbla. Ɔsika békpeli bula mmo ku adingyii mmo báƒɔ bula enu kemmo.”

Hiob 22:6

Áƒɔ bekyuli bamba ku bawabane ala ése ɔkpa na kayu kani na bada-a kenye na éƒie-ma adala áƒɔ na bakɛ kasɔngya.

Hiob 24:10

Ina kɔka kɔɔda-ma ni, beenye-ma lɛlɔ ka batuma. Na bakɛ kasɔngya ɔsika beeebo adala.

Hiob 24:8

Na si ɔƒɛƒɛɛ kpakplaa ku ɔnantu ɔɔna ni, atakpɛ abi kaƒɔna ku libu kemmo na beesié taatábɛ.

Hiob 29:12

Na baabla ɔmɛni ɔsika muudie bawabane ku bekpinebi bani muuwulo kɔnyana ka baawia kebunku na beeebo katamikukɔ kadi ɔsu.

Hiob 6:27

Mɔɔnu ka bɛdubɔkana na bɛtu egulabi na ukpinebi lili, na bɛsɔ bɛdi-nwu kuye, ina ka ɔdi bina ɔkpana ubidi!

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Lɛkpa Ulu 24:7

Na si ɔdi úƒie nwuna Israelni ɔkpana na úti ukyuli uƒiedi ɔmmɔ únwini ukyuli ɔni mɔɔbla kabla teete-nwu iye úti-nwu uuyé ni, ɔlɛka bebo ukyuli ɔni néƒie ɔkpanadi uuyé mmɔ badu. Na ulu ɔmɛni lɛlɔ na bɛdubo likpidi lɛmmɔ udu bɔda budie bina akɔ.