Hiob 22:6 - Katɔti Ɔku Kedee

⁶ Áƒɔ bekyuli bamba ku bawabane ala ése ɔkpa na kayu kani na bada-a kenye na éƒie-ma adala áƒɔ na bakɛ kasɔngya.

Hiob 22:6 ပူးပေါင်းရင်းမြစ်များ

Hiob 24:3

Na béƒie bekpinebi ku bekpinele bebuo ala betine ku ɔmantɛ bakɔ bagyani báƒɔ na kayu kenye.

Hiob 24:7

Kɔyɔ lɛlɔ na baatɛ, ɔsika beeebo adala ani na bebi lɛlɔ.

Hiob 29:12

Na baabla ɔmɛni ɔsika muudie bawabane ku bekpinebi bani muuwulo kɔnyana ka baawia kebunku na beeebo katamikukɔ kadi ɔsu.

Israelƒuɔ Bɔlɛ 22:26

Na si ɔdi ɔ́ƒɔ ɔkpanadi kɔdi ɔkpa ni, na ɔsɔku-ku ute-nwu asa na ɔƒɛ ɔnu.

Esekiel 18:12

Na ɔɔnya bawabane taakya, na uuyú bekyuli. Ɔƒɛni lɛnɔ ni, ala ani na bekyuli béti bése lɛlɔ kama béte-nwu ni, ulásɔku teete-ma. Na ɔɔkpá baƒiɔ, na ɔɔbla ala ani muusé lɛlɔ.

Esekiel 18:16

Ulanya bekyuli taakya. Na ulaƒɔ lɛla lɛdi teese kama si bévo-nwu lɛla lɛdi. Uleyu bekyuli. Uute bawabane adila. Na bani nkɛ ku kasɔngya ni, uute-ma adala.

Esekiel 18:7

Na ulanya ukyuli taakya iye uyu ɔdi lɛnɔ. Na lɛla biala na ukyuli ɔdi úti úse lɛlɔ kama úte-nwu asa na úvo lɛla lɛdi ni, ɔɔsɔku-ni teete-nwu. Na uleyu bekyuli. Na uute bawabane adila. Na bani nkɛ ku kasɔngya ni, uute-ma adala.

Amos 2:8

Na adala ani na báƒɔ ɔkpa básiku bekyuli kudɔ na kayu kenye na baavá taatɛ na kakpakɔ biala. Na kɔyu kɔni na bákya bekyuli ni, beeti egulabi ammɔ teeye ntɛ na baaní-mu muedi na Unwoti kakpakɔ mmɔ.

Lɛkpa Ulu 24:6

Na si ɔdi úvo lɛla lɛdi úte ɔkpanadi ni, utaƒɔ nwuna kukɔ iye lɛklɔyi lɛni na uuti taakɔ ɔlaaƒɔ utése ɔkpa. Si ɔdi ɔ́bla lɛni ni, ukyuli ɔmmɔ údie nwuna ɔkpanadi ɔmmɔ lɛdila ɔ́lɛku ɔnwani kenye kemmo. Ɔsika kukɔ kɔmmɔ na uuti taakɔ ɔlaaƒɔ na anwu ku nwuna kaduli bekyuli baadi.