Hiob 2:3 - Katɔti Ɔku Kedee

³ Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi. Na ina ka útabla lɛla lɛdi asa na énye-mi lɛlɔ anii nte-ɔ kuƒi na ekpoku-nwu muedi ni, ɔmu unye nwuna kenyekɔ na ɔɔdi mina litemi lɛlɔ.”

Hiob 2:3 ပူးပေါင်းရင်းမြစ်များ

Ala Kalɔ Buse 6:9

Noa ngba litemi na bɔdubo bunu mɛni. Noa ɔdi ukyuli ɔni nse siin na likpidi lɛdi lɛɛɛda-nwu na bakladi akɔ. Na ɔ́siaku Katɔti kama geen.

Samuel 2 20:20

Amu na Yoab úveli enu ɔnini, “Oowo, énu! Lɛɛɛdanku lɛmmɔ udu nnii mbebile iye lɛyila ɔma ɔmmɔ udu.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Hiob 1:11

Na si aawia-mi ɔkɔ ni, na ayila ala ani ƒui na ubo udu, na anu si ulata ulenye-ɔ anumi na utaakywɛ-ɔ animi teewida-a uwi biala.”

Hiob 1:6

Limeyi linwi ni, kayaa bayikune lidu ƒui bébo Katɔti anumi, na Satan lɛnɔ ɔkya-ma akɔ.

Hiob 1:8

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi.”

Hiob 13:15

Ina bɔdu na ɔnii wadu-mi muedi ni, nwuna lɛlɔ kani na mina anu asia. Na anwu na ndubudie ala ani muukpóku-mi lɛsu.

Hiob 2:2

Amu na Unwoti úye-nwu ɔnini, Wɛ na ási ébo aalɛ́ mɛni? Mmɔ na Satan údie kenye ɔnini, “Bɔkɛ kani na nkɛ mɔɔví kalɔ kammɔ lɛlɔ.”

Hiob 2:4

Amu na Satan ɔ́su ɔnini, “Lɛla lɛdi lileƒi ukyuli ɔlɛ teetulo si anwu ɔlati nwuna ɔlɔna uunú ɔlɛ. Anwuɔsu na ɔkana na uni lɛla biala na uti lɛla lɛni na lɛ́ƒɔ-nwu kuye geen muedi ɔvumana na ɔkɛ nwuna ngba.

Hiob 9:17

Ɔƒɛƒɛɛ kpakplaa na ɔdubo bɔya na uteebo-mi taavinku. Na ɔya na lɛsɔ lɛƒɔ lɛlɛ lidu lɛsia lɛlɔ ƒui, ina ka ńtaƒiɔ-nwu.

Hiob 9:20

Si ina ńtaƒiɔ ni, mina kenye etemila ndubo-mi budie bute na adu-mi kɔtɔ.

Kɔgya 26:1

Unwoti, tina ka lɛla lɛdi lɛɛɛda-mi na ete-mi ubo. Ɔsika lɛ́da lɛlɔ lídie likpidi ulu biala lɛlɔ na nsiku-ɔ kama siin na ntedeyi kesii bamba.

Kɔgya 37:37

Se ukyuli ɔbuni ɔni ablala nkɛ ulu lɛlɔ likpo kaduɛ. Ukyuli ɔmɛni keyi kadanku lɛlɔyɔ ku keyi buɛɛ.

Kɔgya 41:12

Na ami ni, awɔ kani ndubo-mi bubunku. Na éti-mi enyene ƒula anumi uwi ƒui, ɔsika ánu ka lɛla lɛdi lɛɛɛda-mi.

Agba 11:8

Unwoti uudie bekyuli babuni na ɔgbankpi kemmo. Na balalane ama uunye taanu na beesié taatátua ɔgbankpi ɔmmɔ.

Agba 13:6

Ngba buni bulie buubunku ukyuli nwuna ngba emeyi kemmo ƒui. Nsu bekyuli bekpidi ama ni, bana kalala ndubɔya na bayii udu.

Agba 14:2

Bekyuli bani mɔɔsia ulu ɔbuni lɛlɔ ni, baayia Unwoti. Na bani mɔɔsia ulu ukpidi lɛlɔ beení Unwoti.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 16:17

Ukyuli ɔni mɔɔsia nwuna ablala anu kaduɛ ni, nwuna ulu ulásia likpidi kavinkɔ. Na ukyuli biala nda nwuna ngba lɛni ni, ubo bɔƒɔ.

Yohane 9:3

Amu na Yesu údie kenye ɔnini, “Ɔnana ɔmɛni anumi ani nábwɛ-nwu ni, aaadanku nwuna ekpidi iye nwuna bawɔne ekpidi ani na bábla ɔsu. Mmomu anumi ábwɛ-nwu kalɛ na bekyuli banu Katɔti ɔyikun bati na ukyuli ɔmɛni lɛlɔ.

Ƒilipiƒuɔ 3:12

Na ɔɔɔdi bɔsu na nda nnii lɛ́ɛdi lɛlɔ iye ami lɛ́ɛbla sɛɛn lɛ́wɔlɔ. Mmomu nnye kpakplaa ka lɛkɛ lɛyuƒɔla lɛni na Kristo Yesu ubo ute-mi. Na ani ndi ka ɔya na línwini nwuna ɔdi.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.