Hiob 2:12 - Katɔti Ɔku Kedee

¹² Ka bakɛ ɔgyu bésela na bánu-nwu bémene ni, béteyile-nwu bɔnu bɔti banii anwu na ɔdi mmɔ. Na litemi lɛmmɔ lɛ́bla-ma kɔnyana, anwuɔsu báni bana lɛwu bábwɛ na báma ɔtumu béwi eli na beewulo momoomo na anwu ɔsu.

Hiob 2:12 ပူးပေါင်းရင်းမြစ်များ

Ala Kalɔ Buse 27:34

Ka Esau únu lɛla lɛni na ɔti ɔ́su ni, úduo-nwu geen na úwulo keku momoomo. Na ɔ́su ɔti ɔnini, “Ati, te-mi ƒula kusɛ kusɛ, ami lɛnɔ!”

Samuel 2 13:36

Ka ɔ́wɔlɔ bɔtɛmi kani na baga bebi bammɔ béduo kaduli ku keku momoomo. Lɛni kani na ɔga ku nwuna kaduli bekyuli ƒui beewulo geen na kalɛ na lɛla lɛmmɔ liikpóku-ma ɔsu.

Esra 9:3

Amu ka línu ɔmɛni ni, lɛ́ni mina awu lɛ́bwɛ na lɛ́gyɔ mina lili linwini ku ukwi! Na lɛ́yu lílie kalɔ ku bɔyia geen ku kɔnyana.

Nehemia 9:1

Na limeyi aavlanyɔ-ine na kɔbuli kɔmmɔ lɛlɔ kani kemmo ni, Israelƒuɔ básala lisu na bényimi kenye, na béti adikpi adi bényimi lɛlɔ, na béti ntɔ báwɛɛ bana eli.

Ester 4:1

Ka Mordekai únu ɔku ɔmmɔ kenye ni, ɔ́ni nwuna awu ɔni na ɔkya ɔ́bwɛ, na úti adikpi ɔ́sabla, na ɔ́kpi ntɔ anumi, na ɔkɛ uuwulo momoomo taavi na Susa ɔma ɔmmɔ ƒui kemmo.

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Hiob 19:14

Na banwa ku bakpana bammɔ ƒui báda-mi bése.

Kɔnyana Buwulo 2:10

Sion batɔnkune ƒui bába lɛsɛ kpoo, na beli kalɔ kplu beebó ɔtumu teewi lɛlɔ, na benyimi adikpi. Na nwuna begblebi basɔ beeebo lɛla lɛdi, na babla utulo ka benye bataanu kalɔ kpoo.

Esekiel 27:30

na beewulo teete-ɔ ku kɔnyana na ƒula ɔgbankpi ɔsu na baakpí ɔtumu teebo lɛti teewi lili taatina kalɛ na lɛla lɛni mɔɔlɛ́ku-ɔ liikpóku-ma.

Yosua 7:6

Amu na lɛla lɛni nálɛ mɛni ɔsu ni, ɔ́bla Yosua ku Israelƒuɔ benengu kalɛ kadi. Na báni bana lɛwu bábuɛ na báyu bébi kalɔ na Unwoti Bunyimi Adaka anumi. Na bébi kalɔ mmɔ úti útédu useyi uwi. Na béti ɔtumu bewi lili úti ɔɔtina kalɛ baadu kɔnyana.

Budie Taatina 18:19

Amu na béti enu béwi lili na béwulo kɔnyana geen na básu banini, “ ‘Bɔbuɛ, bɔbuɛ na buute ɔma unengudi ɔmɛni. Kesii kani na bekyuli bani mbo lɛkɔlɔ bonwu na beesiénku-ni ntu anumi bákɛ bana lɛkɛ! Ɔdɔ bubo unwi kemmo kani ni, lɛla biala líbie!

Litemi Batɛne 2:4

Uwi ɔni na Katɔti ɔtu ɔmɛni ɔ́tɛmi úte Israelƒuɔ bamɛni ɔ́wɔlɔ ni, bana ƒui báda lɛdi bedie na béwulo.

Samuel 1 11:4

Amu na batalane bammɔ báyu ulu na bátɔlɔ na bétédu Gibea kesii kani na Saul uli. Ka básu bekyuli bammɔ kenye kammɔ ni, bana ƒui béwulo momoomo.

Samuel 1 30:4

Anwuɔsu Dawid ku nwuna bekyuli bése kalɔ beewulo laa útédu ka lɛlɔ lítu-ma na basɔ balakana buwulo muedi.

Samuel 1 4:12

Limeyi lɛni kani lɛlɔ na Eli bebi békpi mmɔ ni, ɔnana ɔdi ɔ́si Benyamin kɔdua kemmo úkeli ɔ́si kekpokɔ mmɔ úsie Silo. Nwuna adala áduli ƒui na ɔtumu uwi-nwu kuli.