Hiob 19:9 - Katɔti Ɔku Kedee

⁹ Údie ɔbu biala na mina lɛlɔ, na úbimi-mi kagabwa lɛnɔ na mina lili.

Hiob 19:9 ပူးပေါင်းရင်းမြစ်များ

Hiob 12:17

“Unwoti ɔɔyila kadi benengu kasusu betene udu, na ɔɔyá na bana etemila batɛne beenwíni badɔlɔdi.

Hiob 12:19

Ɔɔbɔku bakpane teedie bana kunyekɔ. Na bayikune bani náƒɔ lɛnyi ni, uukpeli-ma taava kalɔ.

Hiob 16:15

“Anwuɔsu na líti kɔnyana ala lɛ́da na mina lɛbibo ku lɛƒɛda kemmo, na líbo nli ɔtumu akɔ na mɛni.

Hiob 30:1

“Ɔmwi ni, bakloƒu bákɛ-mi benye beedumi ɔni na nka bana bati muedi ni, bátamanku mina bakpewe bani mɔɔnu-mi baƒonu lɛlɔ na babla kabla basala.

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Kɔgya 89:40

Na áƒɛ ɔban awodu ani náka ámana ɔ́ma ɔmmɔ ku nwuna kagyumanakɔ ƒui éwi kalɔ kpɛtɛ kpɛtɛ.

Kɔgya 89:44

Ékpeli-nwu ɔgagyii áƒɔ na édi-nwu ébo nwuna lɛgaboku lɛlɔ.

Agba 27:24

Ɔsika lɛlakɛ lilese uwi ƒui. Na kagabwa lɛnɔ kelébi ukyuli lili taasi kaba útédu kaba.

Yesaia 61:6

Nsu ama alati ama badubunwini bakpane ku kabla bablane bete bula Unwoti. Kadi bamba bekyuli akɛla ƒui adubunwini bana ɔdi na baƒɔ lɛnyi.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Hosea 9:11

“Ɔmmɔ ɔsu ni, amii Israelƒuɔ bɛdubo bina bukeye bɔyila aani kalɛ na aasɛ uuveyi taatɔlɔ kesii kadi. Na bina beleku basɔ baaadubo kaƒɔ bɔda na bawɔ.