Hiob 14:4 - Katɔti Ɔku Kedee

⁴ Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Hiob 14:4 ပူးပေါင်းရင်းမြစ်များ

Ala Kalɔ Buse 5:3

Adam ɔ́ƒɔ akwa eti anyɔ ku avlaatɛ (130) na ɔ́wɔ ubi ɔnanabi na ɔ́lɛ-nwu na nwuna udu kenye. Na ɔ́sia-nwu lɛnyi ɔnii Set.

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Kɔgya 90:5

Aayá na bula ngba uwi ɔɔví na kalɔ kamɛni lɛlɔ aani kalɛ na kɔna bugye buse. Na búlieku kalɛ na ɔtanta livo lise.

Agba 20:9

Ɔma ndubɔkana bɔsu ɔnini, “Ɔƒɛni amu lɛ́bla mina kayi sɛɛn, na nse kedee ɔsu likpidi lɛdi lɛsɔ lɛɛɛma-mi lɛlɔ?”

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Yohane 3:6

Ɔsika ukyuli ɔni na ɔlɔna kemmo na básia báwɔ-nwu ni, ɔdi ɔlɔna kani. Nsu Katɔti Kɔyu kɔdubɔwɔ kɔyu kemmo bekyuli.

Romaƒuɔ 5:12

Likpidi lɛ́sia ukyuli unwi lɛlɔ na líbo kayawi, na likpidi lɛmmɔ lɛdanku kukpi líboku kayawi. Ɔmɛni ɔsu kukpi kúbo ukyuli biala lɛlɔ. Ɔsika ukyuli biala ɔ́bla likpidi.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.