Hiob 10:9 - Katɔti Ɔku Kedee

⁹ Kali nu ka awɔ návɔ-mi aani kalɛ na beeti lɛvɔti taavɔ lɛla lɛdi. Na butu na adubɔsɔ etu-mi abwɛ na linwini lɛti?

Hiob 10:9 ပူးပေါင်းရင်းမြစ်များ

Ala Kalɔ Buse 2:7

Unwoti Katɔti ɔ́vɔ ukyuli ɔ́lɛku kalɔ kammɔ lɛti kemmo. Na ɔ́nwuna ɔƒɛƒɛɛ ɔni muute ngba ɔ́kya ukyuli ɔmmɔ enwu kemmo aani ɔyawine.

Ala Kalɔ Buse 3:19

Na adubuni ewulu na ƒula lɛtɛntɛ asa na akɛ ƒula lɛdila weti wetédu uwi ɔni na adubɔsɔ enwini esie kalɔ kemmo. Ɔsika aka na líti lɛ́vɔ-ɔ. Lɛti na adi na lɛti kani na adubɔsɔ enwini.”

Hiob 10:10

Kalɛ na baasála ɔlaaƒɔ ku ntu na uunwíni kana ni, lɛni na ɔkɛnku mina ɔti lɛlɔ na ávɔ-mi ákya mina uni kaƒɔ kemmo.

Hiob 17:14

Ndubuti kaƒiɔtɔ linwini mina ɔti, na liti beklubi bammɔ linwini mina uni ku banwani belekubi.

Hiob 33:6

Lɛti na béti bávɔ bula ƒui, na Katɔti ulánu ukyuli ɔdi anumi taabla lɛla lɛdi.

Hiob 34:15

bukpi kani na bula ƒui bɔdubo na bɔsɔ bunwini lɛti.

Hiob 4:19

Na dɛ na ɔdubo buse bute ukyuli ɔni na lɛti na béti bávɔ-nwu na ɔtumu kani na ɔdi? Bakana na banya-nwu babwɛ aani agyangbaala!

Hiob 7:21

Na bi ɔsu na eléti mina alaekpidi alakyiɛ-mi na anu-mi kɔnyana? Úbu blii kani na badubo-mi lɛti bubi ɔni na adubɔwia-mi anɔ na asɔ alanu-mi.”

Hiob 7:7

O Unwoti, tayiƒala ka mina ngba buse aanii kalɛ na banwuna ɔƒɛƒɛɛ ukplodi. Na mina anumi asɔ aaadubo ebiti adi bɔnu kudii.

Kɔgya 103:14

Ɔsika ɔgyi ka lɛti na úti ɔvɔ-bu na lɛti kani na bɔdubɔsɔ bunwini.

Kɔgya 104:29

Si áda anumi édie-ma lɛlɔ blii ni, liƒu lɛɛda-ma. Na si áda ƒula ɔƒɛƒɛɛ édie-ma lɛlɔ kemmo ni, beekpi na basɔ benwini lɛti.

Kɔgya 106:4

Unwoti, tayiƒala-mi uwi ɔni na adubɔbla lɛbuni ete bekyuli bani na áƒuna. Nyimo-mi uwi ɔni na adubɔƒɔ-ma.

Kɔgya 22:15

Mina ɔyikun ɔ́sa aani libui lɛni nábwɛ kɔkɛ kɔkɛ. Na mina unyemi ɔ́du ɔ́ma-mi kenye kemmo. Na áya na bébi-mi kukpi ɔtumu.

Kɔgya 25:18

Nu ala ani muukpóku-mi ku kalɛ na muunú ɔlɛ na mina lɛlɔ kemmo, na eti mina alaekpidi akyiɛ-mi.

Kɔgya 78:39

Katɔti ɔ́kali ɔ́nu ka bekyuli keeke kani na bayawine badi na bana uwi use aani ɔƒɛƒɛɛ ɔni muukpó taabavi mɔɔnwuna taavi na ɔsɔ ulenwini teebo.

Kɔgya 89:47

O Unwoti, kali nu ka mina ngba emeyi étedu ku lɛla na mmomu édie-bu na bɔdi bayawine ku ɔlɔna ɔni muukpi.

Kɔgya 90:3

Awɔ mɔɔyá na ukyuli uukpi na aasu anii ɔsɔ unwini lɛti.

Etemila 12:7

Lɛni na bula ɔlɔna ɔɔsɔ teenwini teesie kalɔ kemmo na ɔƒɛƒɛɛ ɔni nkya-bu lɛlɔ kemmo uute-bu ngba mmɔ ɔsɔ uunwíni teesie Katɔti kudɔ.

Yesaia 45:9

“Libui lɛvɔdi lilákyaku nwuna ɔvɔne unyeƒi. Anwuɔsu ni, Israel, eeebo kuƒi kɔdi ka awɔ ku ƒula Udiene bɛkya unyeƒi ɔdi, ɔsika lɛvɔbui kani na adi na ɔvɔne ɔ́vɔ-ɔ kalɛ na ɔɔyɔ́. Na lɛvɔbui liléye nwuna ɔvɔne ɔnini, ‘Bi ɔsu na ávɔ-mi lɛni iye átati-mi bɔvɔ na átabla-mi lɛmɛni ku lɛni ngye?’

Yesaia 64:7

Ukyuli ndi ukyuli ɔsɔ ulákpali-ɔ lɛnyi iye unye kpakplaa ute-ɔ, ɔsika ábɛla-bu ƒula anumi. Na bubie kani náƒɔ-bu keliela ƒui na bɔɔyii udu na bula alaekpidi ammɔ ɔsu.

Yesaia 64:8

Nsu ni, Unwoti awɔ ndi bula ɔti. Lɛvɔti na abu bɔdi na awɔ ndi ɔvɔne ɔmmɔ. Ɔsika bula ƒui ƒula enu kabla na bɔdi.

Yeremia 18:6

“Amii Israel kadi bekyuli, ami Unwoti mbo ɔyikun na bina lɛlɔ aani kalɛ na ala ɔvɔne ɔmɛni ubo ɔyikun na nwuna lɛvɔti lɛlɔ.

Romaƒuɔ 9:21

Ɔmɛni kama ni, ukyuli ɔni mɔɔvɔ́ ebwi ubo kuƒi na ɔbla lɛvɔti lɛmmɔ kalɛ biala na ɔɔyɔ́. Na ɔkana na ɔvɔ ebwi anyɔ ɔlɛku lɛvɔti linwi lɛmmɔ kemmo, kalɛ na uti libwi linwi use ute limeyi bɔdi. Na uti libwi linyɔdi utaaƒuƒwɛ.

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.