Hiob 1:6 - Katɔti Ɔku Kedee

⁶ Limeyi linwi ni, kayaa bayikune lidu ƒui bébo Katɔti anumi, na Satan lɛnɔ ɔkya-ma akɔ.

Hiob 1:6 ပူးပေါင်းရင်းမြစ်များ

Ala Kalɔ Buse 6:2

ɔni na kayaa batu bani náyila bana kenyekɔ na Katɔti kudɔ ni, bánu kalɛ na beleku bammɔ baadia bɔnu ɔsu ni, béti bani na baayɔ́.

Ala Kalɔ Buse 6:4

Na uwi ɔmmɔ kemmo ku nwuna kama ni, bekyuli bani nákuku na bebo ɔlɔkplu bákya. Na bekyuli bamɛni badi ayu ani nébo kalɔ na Katɔti anumi na bana kasikɔ kási beleku bani na bekyuli báwɔ na kalɔ lɛlɔ. Na badi banana bani náƒɔ lɛnyi geen bábavi.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Ala Alɛdi 1 21:1

Satan, ukisine ɔmmɔ, ɔ́lɛ ugyii ka uti ɔgbankpi uboku Israel lɛlɔ. Anwuɔsu na ɔ́ya na Dawid ɔ́bla kasusu ka ɔdi lɛla lɛbuni ka ɔka nwuna bekyuli na ɔti bana bumomo na Israel ku Yuda.

Ala Alɛdi 2 18:20

Kawɔlɔkɔ ni, kɔyu kunwi kɔ́lɛ kúbenye Unwoti anumi na ɔ́su-nwu ɔnini, ‘Ndubɔkana na ntátɔlɔ-nwu.’ “Mmɔ na Unwoti úye-ku ɔnini, ‘Dɛ na adubo bɔbla?’

Hiob 2:1

Limeyi lɛdi lɛ́sɔ lídu na kayaa bayikune lidu bammɔ básɔ bébo Unwoti kudɔ na Satan lɛnɔ ɔkya-ma akɔ.

Hiob 2:3

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi. Na ina ka útabla lɛla lɛdi asa na énye-mi lɛlɔ anii nte-ɔ kuƒi na ekpoku-nwu muedi ni, ɔmu unye nwuna kenyekɔ na ɔɔdi mina litemi lɛlɔ.”

Hiob 38:7

asa na únwini lɛlɔyɔ lɛnu na ɔtanta lɛyabi ku katɔ batu beete yiiduu?

Kɔgya 103:20

Amii Katɔti batu bayikune ƒui bani muunú-nwu litemi bibo na bibemwi Unwoti.

Daniel 3:25

Na ɔga ɔmmɔ ɔ́sɔ ɔ́su ɔnini, “Nsu nkyuli ine na mɔɔnu ka bakɛ beesié taavi na ogya ɔmmɔ kemmo, na bétenyimi bana ɔdi. Ɔdi lɛnɔ ulátina ka ogya ɔmmɔ ɔ́kyula-nwu na ɔ́ƒɔ ɔlɛ. Na si aanu ukyuli unedi ɔmmɔ ni, ɔ́lɛ aani kayaa ɔtu na ɔdi.”

Sakaria 3:1

Bédie lɛla bamba bátina-mi. Na uwi ɔmɛni kemmo ni, lɛ́nu ka ɔkpane unengudi Yosua unye Katɔti ɔtu ɔmmɔ anumi, na Satan lɛnɔ unye kagyumana na Yosua kɔdianu kakɛ ka ɔdu-nwu kɔtɔ.

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Luka 22:31

Mmɔ na Yesu ɔ́su Simon Petro ɔnini, “Simon, Simon! Se atu! Katɔti úte Satan kuƒi ka ɔkɔku-mii ɔnu na ule bani ndia ku bani naaadia ntɛ aani kalɛ umonsene ɔɔƒɛ́ kamu ebi taalɛku ligyɔ kemmo.

Luka 3:38

ɔni ɔti ɔdi Enos ɔni ɔti ɔdi Set ɔni ɔti ɔdi Adam ɔni ɔti ɔdi Katɔti.

Yohane 6:70

Amu na Yesu údie kenye ɔnini, “Ami náƒuna bina leevu-inyɔ bamɛni ina ka bina akɔ unwi ɔdi ukisine.”