Hiob 1:5 - Katɔti Ɔku Kedee

⁵ Uwi biala na bádi limeyi báwɔlɔ lɛni ni, Hiob ɔɔta ɔtanta tutuutu na ɔɔsia kama taalɔ-ma taasala, na babla lɛlɔ bɔbla sɛɛn ɔdi na ɔdi biala lili, ku kasusu ka ɔdi ɔdubɔƒiɔ Katɔti ɔsu. Na ɔmɛni únwini lɛla lɛni na ɔɔbla bɔbla bɔbla.

Hiob 1:5 ပူးပေါင်းရင်းမြစ်များ

Ala Kalɔ Buse 22:3

Ka kadi kégye lɛdigye tutuutu ni, Abraham ɔ́ta na útile nwuna ebuo ala utine ala na ɔ́bala-nwu ala kaduɛ. Amu na útiku nwuna kabla bablane inyɔ ku ubidi Isak. Na ka ɔ́yɔ ekyweni pii na edu kalɛ na weti wakyula akpala ammɔ ni, ɔ́yu ulu úsie kesii kani na Katɔti ɔ́tina-nwu mmɔ.

Ala Kalɔ Buse 6:5

Unwoti ɔ́nu kalɛ na ukyuli likyulikpi lɛ́ƒɔ kalɔ lɛlɔ. Na likpidi kasusu kani na ukyuli uuti uwi biala.

Ala Kalɔ Buse 8:20

Amu na Noa ɔ́tu lɛkpabi lɛdi úte Unwoti na mmɔ. Na ɔmmɔ kama ni, úƒie bebuo bani nse sɛɛn mmɔ akɔ badi ku baasɛ bani nse sɛɛn na úti ɔ́kpa úte Unwoti na lɛkpabi lɛmmɔ lɛlɔ.

Baga 1 18:31

Amu na Elia úti atabi leevu-anyɔ. Na lɛtabi biala linye lite Israel kaba kenwi na bebi bani na Yakob ɔ́wɔ kenye. Anwu ndi ukyuli ɔni lɛlɔ na Unwoti ɔ́su kenye kamɛni ɔnii, “Ƒula lɛnyi ndi Israel.”

Baga 1 21:10

Na bɛwia banana inyɔ bani mbo likyulikpi na bada-nwu kenye ka ɔ́kya uuwida Katɔti ku Israelƒuɔ ɔga. Na ɔmmɔ kama na bɛkpanku-nwu bɛlɛku ɔma ɔmmɔ kemmo na bibo-nwu atabi bɛdu.”

Baga 1 21:13

Ɔmmɔ kama báwia nkyuli inyɔ bani mbo likyulikpi na bénye bekyuli akɔ mmɔ na báda Nabot kenye banini, “Nabot ɔkya uuwida Katɔti ku Israelƒuɔ ɔga.” Ɔmmɔ ɔsu bákpanku-nwu bálɛku ɔma ɔmmɔ kemmo na bébo-nwu atabi bádu.

Nehemia 12:30

Amu ka bakpane bammɔ ku Lewiƒuɔ bábla sɛɛn bɔbla ɔdi béte bana lɛlɔ ni, bábla lɛni kani béte bekyuli bammɔ ku kɔyakun kɔmmɔ ku awodu ammɔ.

Hiob 1:11

Na si aawia-mi ɔkɔ ni, na ayila ala ani ƒui na ubo udu, na anu si ulata ulenye-ɔ anumi na utaakywɛ-ɔ animi teewida-a uwi biala.”

Hiob 1:4

Nwuna bebi bammɔ béteesie lɛlɔ kudɔ taatádi emeyi na bana kɔduli. Na baalɔ bana banwani belekubi lɛnɔ na baasiaku-ma teesie emeyi amɛni udu kadikɔ taatáni na badi.

Hiob 2:9

Amu ka ulekudi ɔ́da úbalɛ ni, úye-nwu ɔnini, “Bi? Bɔsiaku na amu asiaku Unwoti kama? Wida-nwu na ekpi!”

Hiob 27:10

Na lɛni geen na ɔlɛka Katɔti ɔbla, ɔsika bekyuli bammɔ balayɔ-nwu na bátakpali-nwu bétevele lɛla lɛdi kudii.

Hiob 41:25

Na si uwi ɔni na liƒu kebweyi kani mbo kudu mɛni káda kálɛ ni, bayikune geen muedi beenwíni kama taatɔlɔ ku liƒu.

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Hiob 6:14

“Na lɛbibo lɛmɛni udu kemmo ni, amii mina bakpana na ɔlɛka bibunku-mi, ina úbo úte ka nnye Unwoti anumi mɔɔtɛmi ku kayi.

Hiob 8:4

Alaekpidi ani na ƒula bebi bábla ni, nwuna kɔtu na ɔ́ni-ma.

Kɔgya 5:3

Mina Unwoti, ɔtanta tutuutu biala ni, mɔɔda mina etemila taava-a anumi na muuti mina lɛlɔ ku ala ani muuvele-ɔ taakya-a enu kemmo kalɛ na abla-nya ete-mi.

Israelƒuɔ Bɔlɛ 18:12

Amu na Mose aasi ɔmɛni úte bebuo ku akpala bamba na béti bákpa béte Katɔti. Na Aaron ku Israelƒuɔ batɔnkune bésie na bátádiku-ma bodobodo na Unwoti anumi.

Israelƒuɔ Bɔlɛ 19:10

Amu na Unwoti ɔ́su Mose ɔnini, “Sie na atáya na baklibi lɛlɔ bese sɛɛn ɔmwi ku kɔnaadi. Na baƒɔ bana adala.

Israelƒuɔ Bɔlɛ 24:5

Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Esekiel 14:14

Ina Noa ku Daniel ku Hiob bakya kalɔ kammɔ kemmo ni, kalɛ na basiaku-mi kama siin ɔɔɔdubo kalɔ kammɔ bɔƒɔ, mmomu ama alati kani ndubɔkɛ bɔƒɔ.

Luka 1:75

Na ɔdubɔbla-bu kedee na buse siin na nwuna anumi na bula ngba emeyi kemmo ƒui.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Yohane 11:55

Uwi ɔmmɔ kemmo ni, Yudaƒuɔ Kukpi Lili Bɔvia Limeyi bɔdi ɔ́ɔkpɛ úde. Na bekyuli pii bási kalɔ kammɔ ekpo ƒui bésie Yerusalem bátátaabla lɛlɔ bɔƒɔ ɔdi ɔmmɔ batáklibi lɛlɔ bete limeyi lɛmmɔ bɔdi.

Batalane Kabla 21:26

Anwuɔsu ka kadi kégye ni, Paulo útiku banana bammɔ na bésie batábla lɛlɔ buveli ɔdi ɔmmɔ. Nwuna kama úsie Yudaƒuɔ kakpakɔ na útéte bakpane bɔti emeyi ani kama asa na lɛlɔ buveli ɔdi ɔmmɔ webo kawɔlɔkɔ kalɛ na beti etela beboku na babla akpala na bana lili.

Batalane Kabla 8:22

Da anumi die kasusu kekpidi kamɛni lɛlɔ na akpali katɔ. Ɔƒaalɛ Katɔti ɔdubuti ƒula likpidi ɔkyiɛ-ɔ na ƒula kasusu kekpidi kamɛni lɛlɔ.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Samuel 1 16:5

Mmɔ na údie kenye ɔnini, “Ɛɛn, use buɛɛ ƒui! Na akpala adi na líbo mbabla lite Unwoti. Anwuɔsu bɛklibi lɛlɔ na bibo bibasiaku-mi na butábla akpala ammɔ bɔsala.” Na ɔ́ya na Yisai ku nwuna bebi lɛnɔ báklibi lɛlɔ na bébo mmɔ.