Hiob 1:3 - Katɔti Ɔku Kedee

³ Na ubo baƒonu mpim maatɛ ku bebuo ala betine ku keƒu mpim ɛtɛ ku ɔmantɛ bakɔ ku kɔgba kɔni baabala-ma eti leevu ku bebuo ala betine eti leevu ku kabla bablane pii badi. Na ɔdi unengu geen na bekyuli bani nkya ɔƒɛ katukɔ kakɛ mmɔ ƒui akɔ.

Hiob 1:3 ပူးပေါင်းရင်းမြစ်များ

Ala Kalɔ Buse 12:16

Ɔ́da Abram kaduɛ na Sarai ɔsu na béte-nwu baƒonu ku ɔmantɛ bakɔ ku bebuo ala betine bagyani ku beledi ku bananabi kabla bablane ku belekubi kabla bablane ku baƒlumu lɛnɔ.

Ala Kalɔ Buse 12:5

Na útiku ulekudi ku ɔnwani ubidi Lot ku bana ala ani ƒui na bebo ku bana bebi ku kabla bablane bani ƒui na bákɛ básiku Haraan mmɔ badanku béselaku Kanaan, na bétéduo mmɔ sɔsɔ.

Ala Kalɔ Buse 13:6

Ɔmmɔ ɔsu ni, kalɔ kammɔ kétedu-ma ka bélie básala. Ɔsika bana ala ani na bebo emomo. Anwuɔsu na bátakana mmɔ buduku.

Ala Kalɔ Buse 24:35

Na Unwoti Katɔti úte mina ɔtɔlati kusɛ kusɛ geen na ubo lɛkɛ kaduɛ. Ubo baƒonu ku ɔmantɛ bakɔ ku sika ɔƒualadi ku ugyiedi. Ubo kabla bablane bananabi ku belekubi. Ubo bebuo ala betine benengudi bani mbo keƒu ku baƒlumu lɛnɔ.

Ala Kalɔ Buse 25:6

Nsu na nwuna ngba kemmo ni, úte nwuna bebi bani na beleku bamba báwɔ béte-nwu ƒui ɔdi biala nwuna kadikɔ na údie-ma ulu na úbu Isak lɛti pɛ.

Ala Kalɔ Buse 29:1

Ɔmmɔ kama ni, Yakob ɔ́sɔ úti ala na ɔ́yu ulu. Na úbedu kadi bekyuli bani nli ɔƒɛ katukɔ kakɛ akɔ.

Ala Kalɔ Buse 32:14

Etela ammɔ ndi bese beledi eti ene (200) ku betukpa aavlanyɔ. Baƒonu beledi eti ene ku bagyani aavlanyɔ.

Ala Kalɔ Buse 34:23

Bilánu ka bana bebuo ku akɛla lɛnɔ adi abu lɛnɔ adi si búnu ɔmɛni kalɔ? Ɔmmɔ ɔsu bɛya na bunu ɔmɛni kalɔ na bakya-bu akɔ.”

Samuel 2 12:2

Na ɔlakɛne ɔmɛni ubo baƒonu ku ɔmantɛ bakɔ, na bemomo geen.

Baga 1 4:30

Na Salomo lɛnunda litulo lɛnunda lɛni na banana bani ƒui na bakya kalɔ kammɔ ɔ́ƒɛ kanukɔ ku Egyipte ƒui bebo.

Baga 2 15:20

Na Menahem ɔ́ƒɔ sika ɔmɛni ɔ́siku Israelƒuɔ kudɔ. Na balakɛne bammɔ lɛlɔ na únye na ɔdi biala úte sika ɔƒualadi antabi lɛkyami bule lɛkpa lɛtɛdi unu.

Baga 2 3:4

Ɔƒɛni Mesa ɔni mɔɔdi lɛga na Moab kalɔ lɛlɔ ni, ɔɔtumini baƒonu kaduɛ ɔni na lɛkwa biala ni, uute Israelƒuɔ ɔga baƒonu bakɔdi mpim eti anyɔ (100,000). Na ɔsɔ ute-nwu baƒonu linwini lɛni békulo básiku baƒonu bagyani mpim eti anyɔ (100,000) lɛlɔ.

Ala Alɛdi 1 27:30

Na Obil ɔni ndi Ismael kaba kemmo ubi mmɔ mɔɔnu bebuo ala betine bani mbo keƒu mmɔ lɛlɔ. Na Yedeia ɔni nási Meronot mɔɔnu bebuo ala betine bebliidi lɛlɔ. Na Yasis ɔni ndi Hagritni mɔɔnu baƒonu ku bese lɛlɔ.

Ala Alɛdi 2 26:10

Na ɔ́tu kɔgyumanakɔ bamba únyene kalɔ kakwiidi kammɔ kemmo. Na ubo bebuo na bemomo-nwu geen na bakya abi ammɔ kaƒɔna ku kalɔ ƒiaa kani nwi mmɔ kemmo lɛnɔ. Ɔmmɔ ɔsu ɔ́ya na bátu abiɔ lɛnɔ na emomo kalɛ na utaaƒɔ ntu teete-ma uwi biala kemmo. Na ka ɔɔyɔ́ kemo busie ɔsu ni, ubo edula ku adingyii lidu mmo geen na abi lɛlɔ kesii kani na kalɔ kammɔ kadia geen ƒui na ɔ́ƒɔ bekyuli ɔ́kya mmɔ na baanu mmo bɔmmɔ lɛlɔ na ɔɔƒɔ-ma kayu.

Ala Alɛdi 2 32:29

Katɔti úse ɔ́ya na kɔnu kemmo kadia Hesekia geen, anwuɔsu ɔ́sɔ úye bese ku baƒonu pii úbu ku ɔmantɛ bɔkɔ lɛnɔ. Na ɔ́da akpakɔlɔ pii ute-ma.

Hiob 1:10

Ɔɔɔdi awɔ nágyi ɔba ákya-nwu, na aagyumana nwuna bebi ku ala ani ƒui na ubo? Na ɔɔɔdi awɔ náya na kusɛ kusɛ ɔsiaku-nwu, na ala ani ƒui na ɔɔbla aatɛ teete-nwu, na bumomo kani na nwuna bebuo beemomo na báaƒɔ kalɔ lɛlɔ ƒui munuu?

Hiob 1:4

Nwuna bebi bammɔ béteesie lɛlɔ kudɔ taatádi emeyi na bana kɔduli. Na baalɔ bana banwani belekubi lɛnɔ na baasiaku-ma teesie emeyi amɛni udu kadikɔ taatáni na badi.

Hiob 21:28

Anwuɔsu na biiye bɛnini, ‘Wɛ na ukyuli unengudi ɔni náƒɔ lɛnyi, nsu alaekpidi kani na úlie útaabla mmɔ kaduli kávi tɔ?’

Hiob 29:25

Líti lɛ́sia lɛlɔ aani bana ɔtɔnkune kalɛ na ńtaatina-ma kasiakɔ kabuni aani kalɛ na bekpone unengu ɔɔtɔnku nwuna bekpone. Na mɔɔyala-ma kɔƒɔ na mɔɔkya-ma ogya si enu áƒɛ-ma.”

Hiob 31:25

Na ńtakun lɛmɛnɛ lɛnɔ na lɛkɛ lɛmmɔ lɛdi lɛlɔ.

Hiob 31:37

Na lɛla biala na lɛ́bla ni, ndubuse anumi na linye Katɔti anumi na lɛsu-nwu ana ƒui kede kede aani ɔga ubi kalɛ.

Hiob 42:10

Ka Hiob ɔ́kpali Katɔti na úvele úte nwuna bakpana ɔ́wɔlɔ lɛni ni, Katɔti ɔ́sɔ ɔ́bla na Hiob únwini ɔlakɛne na ɔ́kɛ ala ani nése-nwu akpa anyɔ.

Hiob 42:12

Na Katɔti úte Hiob kusɛ kusɛ útulo kudeedi ƒui. Na ɔ́ya na ɔ́kɛ baƒonu mpim leevu-ine ku bebuo ala betine benengudi mpim ɛku ku ɔmantɛ bakɔ mpim inyɔ ku bebuo ala betine apim unwi.

Agba 10:22

Unwoti kusɛ kusɛ mɔɔyá na ukyuli uunwíni ɔlakɛne, na kɔnyana kɔdi kulásia ɔmmɔ lɛlɔ.

Yeremia 49:28

Binu lɛla lɛni na Unwoti ɔ́su ɔ́siku Kedar kɔdua bekyuli ku akpaklɔ lɛma lɛni na ketele kalɔ kakwiidi kammɔ lɛlɔ na Babilon kalɔ lɛlɔ. “Amii Kedarƒuɔ, ku adua bamba ani na akya kalɔ kakwiidi kani néti kése ɔƒɛ katukɔ mmɔ binu. Lɛ́ɛsu Nebukadnesar nnii ukpoku-mii na ɔyila-mii udu ƒui.

Bumomo Bɔka 23:7

Mmɔ na Bileam úse kalɔ ɔɔsu nwuna litemi lɛni Unwoti úti ɔkya-nwu kenye. Na úse kalɔ ɔnini, “Aram na Balak úti-mi ɔ́siku, Na Moab ɔga úti-mi ɔsiku ɔƒɛ katukɔ abi lɛlɔ. Na ɔ́su ɔnini, ‘Wida Yakob te-mi Na aya na Israel kaba kayii.’

Litemi Batɛne 6:3

Na uwi biala na Israelƒuɔ bákya edula ni, na Midianƒuɔ ku Amalekƒuɔ ku bekyuli bamba bani nási ɔƒɛ katukɔ kakɛ beebo teebeyu-ma taatu na bekpoku-ma.

Litemi Batɛne 6:5

Beeti bana bebuo lisu bonwu ku bana nvo teeboku, na bebewi mmɔ aani baalɔlɔ, na bebile ala ƒui ɔni na lɛla lɛdi lɛsɔ lilebu. Na ukyuli ɔdi ulakana-ma bɔka na bana bumomo ɔsu.

Litemi Batɛne 7:12

Midianƒuɔ ku Amalekƒuɔ ku kadi bamba bekyuli bani nási ɔƒɛ katukɔ ƒui bábla kakyakɔ na kɔwɛ kɔmmɔ kemmo na lisu bonwu kemmo aani baalɔlɔ. Na bana bebuo ala betine ku keƒu bemomo geen aani ɛpu kɔnwinimi, na balakana-ma bɔka.

Litemi Batɛne 8:10

Ɔƒɛni ni, Seeba ku Salmuna bákya kesii kani na baalɔ banii Karkor ku bana bekpone bani ƒui nébu-ma ɔ́si kalɔ kammɔ ɔƒɛ katukɔ mmɔ. Na bana bumomo ndi mpim leevu-ɛlɔ (15,000). Na bakladi bani békpi ni, ama ndi kuwii badane mpim eti anyɔ ku aavlanyɔ (120,000).

Samuel 1 25:2

Ɔlakɛne ɔdi ɔ́kya Karmel ɔma kemmo na Maon kalɔ kakwiidi kemmo mmɔ, na ubo egulabi geen. Ubo bese apim unwi ku baƒonu mpim ɛtɛ. Na úteekulo-ma linwini na Karmel mmɔ.

Samuel 1 27:9

Na uwi biala na Dawid úsie útékpoku lɛma lɛmɛni ni, ɔɔdú bekyuli bani nli mmɔ ƒui na uƒie bana baƒonu ku ɔmantɛ bakɔ ku bebuo ala betine ku baƒlumu ku bana adala taaƒɔ asa na ɔsɔ unwini usie Akis kudɔ.