Hiob 1:16 - Katɔti Ɔku Kedee

¹⁶ Kabla ɔblane ɔmɛni útawɔlɔ tɔ kenye kamɛni bɔsu asa na ɔbamba ɔ́da úbalɛ ɔnini, “Katɔti ɔ́ya na katɔ kábwɛ ogya na úbewi ƒula baƒonu ku bana badane lɛlɔ na bákywi ƒui na ami kani nébu na líbo nnii mbasu-ɔ!”

Hiob 1:16 ပူးပေါင်းရင်းမြစ်များ

Ala Kalɔ Buse 19:24

Uwi ɔmmɔ kemmo na Katɔti ɔ́ya na ɔgya atabi adi áyu ási Katɔti ɔlati kudɔ aani kalɛ na ɔnantu ɔɔna. Na ébewi Sodom ku Gomora lɛlɔ mmɔ.

Baga 1 18:38

Amu na kɔnakunwi ni, Unwoti ogya ɔ́si katɔ na úbakyula akpala ammɔ ku ekyweni ammɔ ku atabi ammɔ ku lɛti lɛni nwi mmɔ. Na ogya ɔmmɔ ɔ́ta útéduo ntu bɔni béku ubu na buwi-nwu kemmo mmɔ na ɔ́da na ɔkyula-mu ƒui kede kede.

Baga 2 1:10

Amu na Elia údie-nwu kenye ɔnini, “Si Katɔti ukyuli na ndi ni, na ogya ɔsi katɔ na ubakyula awɔ ku ƒula bekyuli liti bammɔ!” Mmɔ na ogya ɔ́si katɔ na úbakyula ɔtɔnkune ɔmmɔ ku nwuna bekyuli bammɔ ƒui.

Baga 2 1:12

Amu na Elia údie kenye ɔnini, “Si Katɔti ukyuli na ndi ni, na ogya ɔsi katɔ na ubakyula awɔ ku ƒula nkyuli liti bammɔ.” Mmɔ kani na ogya ɔ́si katɔ na úbakyula anwu ku nwuna bekyuli liti bammɔ.

Baga 2 1:14

Nu! Ogya ɔ́si katɔ na úbakyula batɔnkune inyɔ bedeedi ku bana bekyuli ƒui. Nsu ami muuvele-ɔ ka ti ɔbu te mina ngba!”

Kɔgya 45:3

O Ɔga ɔni ntulo ƒui, ti ƒula kewii bala ƒula kavobi. Na ada agala ani muukeye.

Israelƒuɔ Bɔlɛ 9:28

Anwuɔsu kpali Unwoti na evele-nwu ete-bu, ɔsika etubankɛ ku katɔ budu ɔgbankpi ɔmɛni údu-bu ɔkwɛ. Ndubudie-mii ulu ɔƒɛni amu, ɔsika ɔ́sɔ útalɛka bɛsɔ bɛkya mɛni lɛnɔ.”

Lewiƒuɔ Ɔda Bubo 10:2

Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ.

Lewiƒuɔ Ɔda Bubo 9:24

Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Amos 7:4

Unwoti Katɔti údie ɔ́tina-mi na kɔyu kemmo ka ɔdubɔya na ogya bonwu ɔdi ubo na ubakyula ɛpu ɔmmɔ na ɔkyula kalɔ kammɔ ƒui.

Budie Taatina 13:13

Eƒiebuo unyɔdi ɔmɛni údie akɔla ɔ́tina-ma, na ɔ́ya na ogya muedi ɔ́si katɔ úbo kalɔ lɛlɔ na ukyuli biala anumi.

Samuel 1 14:15

Ɔmɛni ɔsu ni, Ƒilistiƒuɔ bekpone lisu limodi lɛmmɔ ku bani nkya bana nvo kemmo ku bani nnye muukpó ƒui béƒu. Na Katɔti ɔ́ya na kalɔ kammɔ kákunku na liƒu lɛ́da-ma líbu. Na Katɔti ɔlati náya na liƒu bonwu lɛmɛni líbo-ma lɛlɔ.