Hiob 1:12 - Katɔti Ɔku Kedee

¹² Mmɔ mmɔ ni, Katɔti ɔ́su Satan ɔnini, “Ɔdia, amu líte-ɔ kuƒi na nwuna ala ƒui lɛlɔ, mmomu ƒula lɛnimi litetuku-nwu ɔlɔna lɛlɔ kesii biala anii aabla-nwu lɛla lɛdi.” Amu na Satan ɔ́gyu Katɔti anumi mmɔ ɔ́tɔlɔ.

Hiob 1:12 ပူးပေါင်းရင်းမြစ်များ

Ala Kalɔ Buse 16:6

Amu na Abram ɔ́su Sarai ɔnini, “Ƒula ubi ulekubi na ɔdi ɔsu lɛla lɛni na ánu ka lɛ́manku ni, na ablaku-nwu.” Anwuɔsu Sarai úse kalɔ ɔɔbla-nwu ulikplu ala. Na ɔmmɔ ɔsu ulekubi ɔmmɔ úkeli-nwu kudɔ.

Baga 1 22:22

“Amu na Unwoti úye-nwu ɔnini, ‘Ulu ɔmani lɛlɔ?’ “Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’

Baga 1 22:23

“Anwuɔsu ni, Ahab, lɛla lɛni na mɔɔsu mɛni geen nálɛku-ɔ lɛni kani pɛpɛɛpɛ. Unwoti ɔ́ya na ƒula kenye bediene bányi ɔkɔ bátɔlɔ-ɔ, na ɔgyi lɛnɔ ka blii kani nébu na badubo-ɔ udu bɔyila ƒui kede kede.”

Ala Alɛdi 2 18:21

“Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’

Hiob 1:11

Na si aawia-mi ɔkɔ ni, na ayila ala ani ƒui na ubo udu, na anu si ulata ulenye-ɔ anumi na utaakywɛ-ɔ animi teewida-a uwi biala.”

Hiob 1:13

Limeyi linwi ni, Hiob bebi bananabi bammɔ ku bana banwani belekubi básɔ badaku limeyi lɛdi bɔdi na bana ɔnwani unengudi kesii.

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Yesaia 27:8

Kekpo ku bana bɔbɔku taatákya kɔlɔ bamba kemmo ndi lɛla lɛni na éti ékpoku-ma aani ɔƒɛƒɛɛ kpakplaa ɔni muukpó taasi ɔƒɛ katukɔ na uubó ala taatɔlɔku.

Yeremia 38:5

Amu na Sedekia ɔ́su-ma ɔnini, “Bɛbla-nwu lɛla lɛni na bɛɛyɔ́, ɔsika lɛɛɛdubo-mii bɔkana bɔbala.”

Luka 12:23

Ngba bɔ́ƒɔ kuye butulo adila, na ɔlɔna lɛnɔ ɔ́ƒɔ kuye utulo adala.

Yohane 19:11

Mmɔ ni, Yesu údie kenye ɔnini, “Nka alákɛ ɔyikun ɔdi na mina lɛlɔ si ɔɔɔdi Katɔti néte-ɔ kuƒi kɔmmɔ. Anwuɔsu ukyuli ɔni néti-mi ɔ́kya-a kɔnu kemmo ni, ɔ́bla likpidi útulo-ɔ.”

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.