Hiob 1:10 - Katɔti Ɔku Kedee

¹⁰ Ɔɔɔdi awɔ nágyi ɔba ákya-nwu, na aagyumana nwuna bebi ku ala ani ƒui na ubo? Na ɔɔɔdi awɔ náya na kusɛ kusɛ ɔsiaku-nwu, na ala ani ƒui na ɔɔbla aatɛ teete-nwu, na bumomo kani na nwuna bebuo beemomo na báaƒɔ kalɔ lɛlɔ ƒui munuu?

Hiob 1:10 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Ala Kalɔ Buse 26:12

Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.

Ala Kalɔ Buse 30:30

Bebuo ɛlɛɛ bani na ebo asa na líbo ni, béemomo geen. Na Unwoti Katɔti kusɛ kusɛ ɔ́siaku lɛla biala lɛni na lɛ́bla líte-ɔ. Nsu Ɔƒɛni ni, uwi ɔmani na ami lɛnɔ ndubɔbla lɛla lɛdi lite lɛlɔ na meti mada mina kaduli?”

Ala Kalɔ Buse 30:43

Na ɔmmɔ ɔsu Yakob ɔ́kɛ lɛkɛ pii. Nwuna bebuo bemomo. Na ubo kabla bablane bananabi ku belekubi pii lɛnɔ. Na nwuna bebuo ala betine bani mbo keƒu ku bani neeebo keƒu lɛnɔ bémomo.

Ala Kalɔ Buse 39:5

Na ɔ́si uwi ɔni na Potiƒar úti-nwu únyene ka utaanu nwuna kaduli ala lɛlɔ na úti nwuna lɛla biala lɛni na ubo ɔ́kya Yoseƒ enu kemmo ni, lɛla biala liisié anumi kaduɛ na kaduli kammɔ kemmo na Yoseƒ ɔsu. Unwoti Katɔti kusɛ kusɛ ɔsiaku Potiƒar ala ƒui ani na mmo ku ɔmantɛ.

Ala Kalɔ Buse 49:25

Na Unwoti Katɔti ɔni ndi ƒula bati Katɔti muubunku-ɔ. Na ɔdubute-ɔ ntu bɔsiku katɔ ku kalɔ ƒui. Na ɔdubɔya na beleku bawɔ na bete bebi anyii ntu.

Hiob 1:3

Na ubo baƒonu mpim maatɛ ku bebuo ala betine ku keƒu mpim ɛtɛ ku ɔmantɛ bakɔ ku kɔgba kɔni baabala-ma eti leevu ku bebuo ala betine eti leevu ku kabla bablane pii badi. Na ɔdi unengu geen na bekyuli bani nkya ɔƒɛ katukɔ kakɛ mmɔ ƒui akɔ.

Hiob 29:2

“Muunyimo uwi ɔni na Katɔti ɔ́da-mi kaduɛ mmɔ, na mɔɔwia ka nka emeyi ammɔ asɔ enwini ebo-mi.

Hiob 29:6

Uwi ɔmmɔ na mbo ala geen, na bebuo bákya-mi kaduɛ. Na mbo nnɔ ntulo kalɛ na mɔɔwia muedi.

Hiob 31:25

Na ńtakun lɛmɛnɛ lɛnɔ na lɛkɛ lɛmmɔ lɛdi lɛlɔ.

Hiob 42:12

Na Katɔti úte Hiob kusɛ kusɛ útulo kudeedi ƒui. Na ɔ́ya na ɔ́kɛ baƒonu mpim leevu-ine ku bebuo ala betine benengudi mpim ɛku ku ɔmantɛ bakɔ mpim inyɔ ku bebuo ala betine apim unwi.

Kɔgya 107:38

Na uute nwuna badi kusɛ kusɛ na baawɔ taasia kama. Na bana bebuo lɛnɔ baláƒana kudii.

Kɔgya 34:7

Unwoti ɔtu ɔɔnu taamana bekyuli bani mɔɔyia Unwoti na uudie-ma.

Kɔgya 5:12

Unwoti, bekyuli bani mɔɔsiaku-ɔ kama siin ni, eete-ma kusɛ kusɛ. Gyumana-ma ku ƒula lɛƒɔndia aani kalɛ na kekpo lɛgyumanala lɛɛgyumana ukyuli.

Kɔgya 71:21

Na adubɔya na lɛsɔ lɛƒɔ lɛnyi litulo kudeedi na ayala-mi kaƒɔ lɛnɔ.

Kɔgya 80:12

Na bi ɔsu na ɔban ɔni na ágyi ámana-ku ni, ábwɛ-nwu, na ukyuli ndi ukyuli ɔni mɔɔsia mɛni uudie kɔnu na ude egyiibi ammɔ.

Kɔgya 90:17

Unwoti Katɔti, ya na ƒula kusɛ kusɛ ɔsiaku-bu na aya na ala ani na bɔɔbla ƒui alɛ-bu kɔsia.

Agba 10:22

Unwoti kusɛ kusɛ mɔɔyá na ukyuli uunwíni ɔlakɛne, na kɔnyana kɔdi kulásia ɔmmɔ lɛlɔ.

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Yesaia 5:5

“Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Sakaria 2:5

Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”

Sakaria 2:8

Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Lɛkpa Ulu 33:11

Unwoti ute-mii kusɛ kusɛ na lɛla biala bɛɛbla kemmo. Na ɔya na bɛyu ɔkplu na bɛkana-ma lɛlɔ bɔdi.”

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’

Lɛkpa Ulu 7:13

Na ɔmɛni ɔdubɔya na ɔyɔ-mii litemi na bimomo na ute amii ku bina bebi kusɛ kusɛ na bɛkɛ edula pii na bina adingyii ku nnɔ egyii mmo bɔbla kaduɛ. Na bina ɔmantɛ bakɔ ku baƒonu lɛnɔ bawɔ pii na kalɔ kani na ɔ́su bina bati kuuku úse ka wete-mii lɛlɔ.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Samuel 1 25:16

Bénwini aani kowodu kɔni náka kɔ́mana-bu usien ku ɔƒɛ na bágyumana-bu ku bula bebuo uwi biala na bɔkya kadikɔ.