Hebriƒuɔ 9:9 - Katɔti Ɔku Kedee

⁹ Mmomu ɔmmɔ ɔdi lɛla lɛni mɔɔtina ka etela ku akpala ani ƒui na bada baabla akpala ammɔ ni, elédie bɔƒiɔ na ukyuli ɔni mɔɔbla akpala ammɔ lɛlɔ.

Hebriƒuɔ 9:9 ပူးပေါင်းရင်းမြစ်များ

Romaƒuɔ 5:14

Nsu ɔ́si Adam uwi úbalɛ Mose uwi ni, kukpi kɔ́di bayawine ƒui lɛlɔ ku bani na bátabla likpidi lɛdi muedi aani kalɛ na Adam útadi Katɔti ɔda bubo lɛlɔ. Na Adam ɔmɛni unye ute ukyuli ɔni mebo.

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Hebriƒuɔ 10:11

Limeyi ndi limeyi ni, Yudani ɔkpane biala uunye taabla nwuna ɔkpane kabla kani ndanku bɔkpa ulu ɔmmɔ lɛlɔ. Ɔɔbla akpala ammɔ udu kani limeyi ndi limeyi ani naaadubo bɔkana na udie likpidi na ukyuli lɛlɔ kudii.

Hebriƒuɔ 11:19

Abraham kasusu klukui ndi ka Katɔti ɔɔkana na ɔɔgyila bekpine na baasɔ teebelie ngba. Na sɔsɔ ni, bɔkana bɔsu ka bɔƒɔ na Katɔti ɔ́ƒɔ Isak ɔ́siku kekpine na úbo uli ngba.

Hebriƒuɔ 5:1

Ɔkpane unengudi biala ni, bekyuli akɔ na baaƒuna-nwu taalɛku. Na anwu muunye bekyuli bammɔ kenye na ala ani ƒui ndanku Katɔti lɛlɔ. Na uuti etela ku akpala teete Katɔti na bana ƒui ekpidi lili.

Hebriƒuɔ 7:11

Katɔti úte kadi ƒui bekyuli ɔda bubo bɔni nkɛnku Lewi ɔkpane bɔdi kabla ulu lɛlɔ. Na si bɔbla na bábla bana kabla na kédu káwɔlɔ ni, bi ɔsu na Katɔti ɔ́sɔ ɔ́ƒuna ɔkpane ɔbambadi ka ubo ɔsiaku Melkisedek ɔkpane bɔdi ulu lɛlɔ na ɔɔɔdi aani kalɛ na ɔ́ƒuna Lewi bebi bani ndi Aaron kaba?

Hebriƒuɔ 8:4

Na si nka kalɔ lɛlɔ mɛni na ɔkya ni, nka ulabla ɔkpane kabla kulaa. Ɔsika bakpane bakya bani mɔɔbla akpala kalɛ na ɔda bubo bɔni ntɛ nse bɔɔtina.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.