Hebriƒuɔ 9:4 - Katɔti Ɔku Kedee

⁴ Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.

Hebriƒuɔ 9:4 ပူးပေါင်းရင်းမြစ်များ

Baga 1 7:50

Ɔ́bla sika ugyiedi akyami bonwu ku asogya linenela ku lɛsii lɛni kemmo na beewi ntu taakuna ku ebui ani kemmo na beewi oloƒui taakyula ku akyami ku sika ugyiedi abuala ani muunwíni ku lɛlɔ na aada kɔyakun kɔlɛmikɔ úte katɔma kedee kammɔ ku kakpakɔ kasalakɔ ɔtɔ ɔmmɔ kɔlɛmikɔ lɛnɔ.

Baga 1 8:21

Na lɛ́wia kesekɔ lɛnɔ líte Bunyimi Adaka ɔmmɔ na kakpakɔ kammɔ kemmo. Bunyimi Adaka ɔmmɔ kemmo na atabi anyɔ ani ndanku Unwoti bunyimi bɔni na únyimi-ku bula bati kuuku uwi ɔni na ɔ́da-ma údie Egyipte kalɔ lɛlɔ akya.”

Baga 1 8:9

Na Bunyimi Adaka ɔmmɔ kemmo ni, lɛla biala liiibo liiitulo atabi anyɔ ani na Mose úti ɔ́kya-nwu kemmo na Horeb uwi ɔni bási baalɛ́ Egyipte kalɔ lɛlɔ.

Ala Alɛdi 2 5:10

Na ala ani kani nkya adaka ɔmmɔ kemmo ndi atabi bɛbɛɛbɛ anyɔ ani na Mose úti ɔ́kya mmɔ uwi ɔni na Katɔti únyimiku Israel bekyuli bammɔ bunyimi bɔmɛni na Sinai Kɔbi lɛlɔ uwi ɔni na ɔ́kpanku-ma ɔ́lɛku Egyipte kalɔ lɛlɔ.

Israelƒuɔ Bɔlɛ 26:33

Kɔdi kɔmmɔ kutaaƒa sika ugyiedi kɔkwɛnimi kɔmmɔ lɛlɔ lɛni na eti Bunyimi Adaka ɔni kemmo na atabi anyɔ akya mmɔ ese kɔdi kɔmmɔ kama. Na kɔdi kɔmmɔ ndubule kakpakɔ kammɔ kedeedikɔ bɔsiku kesii kani nse kedee ketulo ƒui kudɔ.

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Israelƒuɔ Bɔlɛ 32:15

Amu na Mose únwini ɔ́yu kɔbi kɔmmɔ lɛlɔ na ɔdanku bunyimi atabi anyɔ ani na Unwoti ɔ́nwi na únweni ɔda bubo ɔ́sia-nya lɛlɔ mmɔ úboku.

Israelƒuɔ Bɔlɛ 34:29

Uwi ɔni na Mose ɔ́yu Sinai kɔbi úbo na ɔda Ɔda Bubo Leevu ni, nwuna anumi eekeye, ɔsika ɔ́kya Unwoti kudɔ na bátɛmi. Nsu na ɔɔɔgyi ɔnii nwuna anumi eekeye lɛni.

Israelƒuɔ Bɔlɛ 37:25

Amu na úti akasia kugyikɛ na ɔ́nwi oloƒui bɔkyula lɛbi. Na nwuna bune bɔdi ɔgba unwi ku kakɛ na nwuna bɔbɛbɛ bɔdi ɔgba unwi ku kakɛ na nwuna bɔkuku bɔdi lɛgba ɛtɛ. Na lɛbi lɛmmɔ ku ese ani nlɛ-nwu atu ene ammɔ ƒui adanku lɛlɔ ɔ́bla unwi.

Israelƒuɔ Bɔlɛ 39:35

Na ɔ́nu Bunyimi Adaka ɔmmɔ ku nwuna ligyii ku likpidi kɔtu bɔni budie libila lɛmmɔ.

Israelƒuɔ Bɔlɛ 40:3

Na eti Bunyimi Adaka ɔmmɔ alɛ-nwu kemmo na eti kakpakɔ bule kɔdi kɔni mɔɔbala adaka ɔmmɔ anumi aƒala.

Lewiƒuɔ Ɔda Bubo 16:12

Ɔmmɔ kama ɔdubuti oloƒui bɔkyula libui lɛni na ɔdubuyile ku agyabi bɔsiku Unwoti lɛkpabi lɛmmɔ lɛlɔ ku oloƒui ɔni bákɔ kaduɛ akɔkɔ anyɔ na uti uduoku kakpakɔ bule kɔdi kɔmmɔ kama.

Bumomo Bɔka 17:10

Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.”

Bumomo Bɔka 17:5

Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”

Bumomo Bɔka 17:8

Ka kadi kégye ni, Mose úsie Unwoti Kevo kemmo na ka ɔ́nu ni, na Aaron ugyii ɔni nnye nte Lewiƒuɔ mmɔ ɔ́ta na údie evete ku anwula na ɔ́nwu ebi.

Lɛkpa Ulu 9:11

Na emeyi aavlene ammɔ kama na Unwoti úti atabi anyɔ ani lɛlɔ na únweni kenye kani na únyimiku-mii ɔ́sia mmɔ úte-mi.

Lɛkpa Ulu 9:9

Lɛ́kɔ lísie kɔbi kɔmmɔ lili nnii ntáƒɔ kenye kani na únyimiku-mii na únweni ɔ́sia atabi bɛbɛ anyɔ ammɔ lɛlɔ. Lílie kɔbi kɔmmɔ lili emeyi aavlene usien ku ɔƒɛ ɔni na ńtadi na ńtani.

Budie Taatina 11:19

Amu na bálɛmi Katɔti kakpakɔ kedee, na bánu Bunyimi Adaka kedee ka use mmɔ. Na kayaa kábwɛ ogya ku kɔku bonwu. Na katɔ keedu taasia kama. Kalɔ kákunku, na etubankɛ áyu pii!

Budie Taatina 8:3

Na Katɔti ɔtu ɔbambadi ɔ́da ɔ́lɛ ɔni nda sika ugyiedi libwi lɛni kemmo na baakyula oloƒui, na úbenye lɛkpabi lɛmmɔ kudɔ. Béte-nwu oloƒui pii kalɛ na ɔkyula-nwu na sika ugyiedi lɛkpabi lɛni nnye lɛgaboku lɛmmɔ anumi lɛlɔ. Na oloƒui ɔmmɔ ku Katɔti bekyuli ƒui katɔ bɔkpali bɔbla akpala enwi.