Hebriƒuɔ 8:4 - Katɔti Ɔku Kedee

⁴ Na si nka kalɔ lɛlɔ mɛni na ɔkya ni, nka ulabla ɔkpane kabla kulaa. Ɔsika bakpane bakya bani mɔɔbla akpala kalɛ na ɔda bubo bɔni ntɛ nse bɔɔtina.

Hebriƒuɔ 8:4 ပူးပေါင်းရင်းမြစ်များ

Bumomo Bɔka 16:40

aani kalɛ na Unwoti úbo Mose ɔda. Na ɔmɛni ɔ́bla bɔlɛ úte Israelƒuɔ kaduɛ ka ukyuli ɔni nátasi Aaron kaba kemmo utalɛka usie Unwoti lɛkpabi kudɔ ɔnii utákyula oloƒui ute Unwoti. Na si ɔdi ɔ́bla lɛni ni, Unwoti ɔdubɔyila-nwu udu aani kalɛ na ɔ́bla Kora ku nwuna bekyuli. Na Eleasar ɔ́bla lɛla biala ɔ́siaku pɛpɛɛpɛ aani kalɛ na Unwoti úbo Mose ɔda.

Bumomo Bɔka 18:5

“Amii na ɔlɛka bitaanu Adi Kevo kammɔ lɛlɔ ku lɛkpabi lɛmmɔ lɛlɔ, kalɛ na mina kɔnyi kɔsɔ kuláda kulálɛ Israelƒuɔ lɛlɔ.

Hebriƒuɔ 10:11

Limeyi ndi limeyi ni, Yudani ɔkpane biala uunye taabla nwuna ɔkpane kabla kani ndanku bɔkpa ulu ɔmmɔ lɛlɔ. Ɔɔbla akpala ammɔ udu kani limeyi ndi limeyi ani naaadubo bɔkana na udie likpidi na ukyuli lɛlɔ kudii.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Hebriƒuɔ 5:1

Ɔkpane unengudi biala ni, bekyuli akɔ na baaƒuna-nwu taalɛku. Na anwu muunye bekyuli bammɔ kenye na ala ani ƒui ndanku Katɔti lɛlɔ. Na uuti etela ku akpala teete Katɔti na bana ƒui ekpidi lili.

Hebriƒuɔ 7:27

Na uuuse aani bakpane benengudi babambadi bammɔ kalɛ bani nálɛ ka bataabla akpala na ama ku bekyuli bakladi lili taasia kama limeyi ndi limeyi. Mmomu kunwi kɔni na anwu úti lɛlɔ ɔ́kpa na bekyuli ƒui lili ni, ɔ́kpa kunwi pɛ kɔmmɔ kani na ɔ́sa.

Hebriƒuɔ 8:3

Báƒuna ɔkpane unengudi biala ka uti ala ani na béte ku ani na badubuti bakpa ƒui ɔkpa ute Katɔti. Na lɛni kani na ɔlɛka ɔkpane ɔmɛni lɛnɔ uti lɛla lɛdi ɔkpa ute Katɔti.

Hebriƒuɔ 9:9

Mmomu ɔmmɔ ɔdi lɛla lɛni mɔɔtina ka etela ku akpala ani ƒui na bada baabla akpala ammɔ ni, elédie bɔƒiɔ na ukyuli ɔni mɔɔbla akpala ammɔ lɛlɔ.