Hebriƒuɔ 7:16 - Katɔti Ɔku Kedee

¹⁶ Ɔdi ukyuli ɔni nébenwini ɔkpane na ɔɔɔkɛnku ɔda bubo bɔni ndanku kaba kemmo ɔkpane bɔdi ulu lɛlɔ. Mmomu únwini ɔkɛnku ɔkpane ɔyikun ɔni nkya nwuna ngba bɔni naaadubo bɔsa kudii kemmo.

Hebriƒuɔ 7:16 ပူးပေါင်းရင်းမြစ်များ

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Hebriƒuɔ 10:1

Ɔda bubo ndi ekposela úte ala abuni ani ndubo. Na ɔɔɔdi ɔda bubo bɔmmɔ ndanku ala abuni ammɔ alati geen tɔ. Ɔmɛni ɔsu ni, akpala ani nkɛnku ɔda bubo bɔmɛni ani na baabla lɛkwa ndi lɛkwa ni, alakana bekyuli bani mɔɔwia ka bakpa Katɔti bɔbla sɛɛn bɔwɔlɔ.

Hebriƒuɔ 7:28

Ɔsika ni, ɔda bubo bɔmmɔ bɔɔƒuna bakpane bani naaakana bunye kpakplaa ama alati. Nsu linyese lɛni nébo na ɔda bubo bɔmmɔ kama ni, bɔ́ƒuna Ubi ɔmmɔ na ɔ́ya na ɔ́wɔlɔ nwuna kabla úte uwi ƒui.

Hebriƒuɔ 7:3

Na bétenweni lɛla lɛdi bátasiku ɔti iye uni, iye kaba lɛlɔ, iye nwuna bɔwɔ iye kukpi lɛlɔ. Na Katɔti ɔ́ya na use aani anwu Katɔti Ubidi, ɔsika ɔdi ɔkpane ute uwi ƒui.

Koloseƒuɔ 2:14

Katɔti úkulo lɛla biala nétile-bu ulu na lɛ́bala-bu na bula ngba bulie ablala kemmo ƒui na ɔda bubo bɔmmɔ etemila kenye údie-bu lɛlɔ kede kede. Na úti-nya ɔ́kana ɔ́mana ugyii lɛlɔ ku Kristo.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Galatiƒuɔ 4:3

Lɛni kani na use abu lɛnɔ uwi ɔni na bɔdi banamu. Na ala ani na baatina na kayawi mɛni nátaadi-bu lɛlɔ.

Hebriƒuɔ 7:21

Nsu Yesu úbenwini ɔkpane ɔkɛnku Katɔti linyese lɛlɔ uwi ɔni na ɔ́su ɔnini, “Unwoti úse kenye kpakplaa kadi na ulavumana-ka kudii ɔnini, ‘Adi ɔkpane úsela uwi ƒui.’ ”

Hebriƒuɔ 7:17

Ɔsika Katɔti ɔ́su nwaa ɔnini, “Adi ɔkpane úsela uwi ƒui na Melkisedek ɔkpane bɔdi ulu lɛlɔ.”

Romaƒuɔ 7:14

Bula ƒui bɔgyi ka ɔda bubo bɔdanku kɔyu kemmo ala. Nsu ami nli ngba aani ɔyawine, na likpidi bɔbla bɔɔdi-mi lɛlɔ.

Hebriƒuɔ 7:15

Na ɔƒɛni ɔni na ɔkpane ɔbambadi ɔdi ɔ́da ɔ́lɛ aani Melkisedek kalɛ ni, lɛla lɛni na bɔ́su mɛni lɛdubɔbla-mii nwaa libu.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.