Hebriƒuɔ 5:7 - Katɔti Ɔku Kedee

⁷ Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Hebriƒuɔ 5:7 ပူးပေါင်းရင်းမြစ်များ

Kɔgya 22:24

Unwoti ulenwini kama taakya bawabane iye bani muubó abi. Mmomu uunú si bákpali-nwu bévele-nwu kebunku.

Kɔgya 69:1

O Katɔti, die-mi, ɔsika ala eekpóku-mi aani si ketu néyi kábadanku-mi limɔ.

Kɔgya 88:1

O Unwoti Katɔti ɔni mɔɔƒɔ́-mi ngba, ƒula anumi na muunye taakpali usien ku ɔƒɛ.

Yesaia 49:8

“Si mina uwi údu ka lɛƒɔ-mii ngba ni, ndubunu bina bɔkpali na libunku-mii. Na ndubɔgyumana-mii na lɛda-mii kɔkɔɔkɔ. Na ɔkɛnku amii ɔsu ni, ndubo bunyimiku kadi bekyuli ƒui bunyimi bɔdi. Na ndubɔya na bɛsɔ bilie kalɔ kpi na bina kalɔ kani nwi na lɛla biala líbie-ka kemmo ɔƒɛni mɛni kemmo.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Lewiƒuɔ Ɔda Bubo 2:2

Ɔmɛni kama na uti ala ammɔ uboku Aaron bebi bananabi bakpane bammɔ na badubudie ɔlaaƒɔ ɔmmɔ lɛkɔkɔ linwi ku nwuna lɛlɔ nnɔ ku oloƒui ɔmmɔ ƒui. Na badubuti bakyula lɛkpabi lɛlɔ aani enyimo adila bɔsia akpala. Na ɔmmɔ ɔdubɔbla akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Mateo 27:46

Na ɔdɔ ɔtɛdi ɔmɛni kemmo ni, Yesu ɔ́va momoomo ɔ́su ɔnini, “Eli, Eli, lama sabaktani?” Ɔni kalɔ ndi, “Mina Ɔti, mina Ɔti! Bi ɔsu na áda-mi ányonu?”

Mateo 27:50

Yesu ɔ́sɔ ɔ́va momoomo na ɔ́yula.

Marko 15:34

Na lɛdɔ ɛtɛ ɔmmɔ kemmo ni, Yesu ɔ́va momoomo ɔ́su ɔnini, “Eli, Eli, lama sabaktani?” Bɔtɛmi bɔmɛni kalɔ ndi bɔnii, “Mina Ati, mina Ati, bi ɔsu na áda-mi ányonu?”

Marko 15:37

Nsu Yesu ɔ́va momoomo na ɔ́yula.

Luka 23:46

Na Yesu ɔ́va ku lɛdi momoomo ɔnini, “Ati, líti mina kɔyu lɛ́kya-a enu kemmo.” Ka ɔ́su ɔmɛni ni, ɔ́yula.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 11:35

Mmɔ ni, Yesu úwulo.

Yohane 11:42

Na ngyi ka aatuna teete-mi uwi biala kemmo. Nsu bekyuli bani nnye mɛni ɔsu na nsɔ mɔɔsu ɔmɛni kalɛ na baƒɔ badi ka awɔ nátala-mi.”

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Hebriƒuɔ 10:10

Na Katɔti ɔ́bla-bu kedee na nwuna bɔyɔ kenye ɔkɛnku kalɛ na Yesu Kristo úti nwuna ɔlɔna ɔ́kpa úte-nwu kunwi pɛ kani úte uwi ƒui ɔsu.

Hebriƒuɔ 10:5

Ɔmmɔ ɔsu na asa na Kristo webo kayawi kamɛni lɛlɔ ni, ɔ́su ɔnini, “Ati, akpala ku etela alaƒɔ-ɔ anu. Mmomu ɔlɔna ɔni na éti éte-mi ka liti lɛkpa lite-ɔ mɔɔda-a kubiti.

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Yohane 1 4:3

Nsu ukyuli biala ɔni meni ka ɔsu ɔnii Yesu úbo aani ɔyawine kalɛ ni, kɔyu kɔni na ubo mmɔ kútasi Katɔti kudɔ. Kɔyu kɔmɛni kɔdi Kristo ukisine. Na bínu ka kɔyu kɔmmɔ kɔdububo kayawi, na kúubo kɔkya ɔƒaani muedi.

Yohane 2 1:7

Bekyuli bani mɔɔtɔ́lɔ bekyuli béebo bakɛ baaví kayawi. Bekyuli bamɛni muuní ka basu banii Yesu Kristo úbo kayawi aani ukyuli ɔyawine kalɛ. Na ukyuli ɔmɛni udu ni, unye ute ɔkɔ ɔnyine ɔni ndi Kristo ukisine ɔmmɔ.