Hebriƒuɔ 5:1 - Katɔti Ɔku Kedee

¹ Ɔkpane unengudi biala ni, bekyuli akɔ na baaƒuna-nwu taalɛku. Na anwu muunye bekyuli bammɔ kenye na ala ani ƒui ndanku Katɔti lɛlɔ. Na uuti etela ku akpala teete Katɔti na bana ƒui ekpidi lili.

Hebriƒuɔ 5:1 ပူးပေါင်းရင်းမြစ်များ

Lewiƒuɔ Ɔda Bubo 8:2

“Sie na etétiku Aaron ku nwuna bebi bananabi eboku ku lɛwu gyɔlɔɔ lɛni baakya mmɔ. Na eti likpose nnɔmii ku ɔmantɛ akɔ ɔgyani ɔni na badubuti bakyula babla likpidi lili buvele akpala ku baƒonu inyɔ. Na eti kagyigyɛ ku bodobodo ɔni kemmo na bɔnyii buuubo ada.

Lewiƒuɔ Ɔda Bubo 9:7

Amu na Mose ɔ́kpali Aaron na ɔ́su-nwu ɔnini, “Kpɛ de lɛkpabi lɛmmɔ na abla ƒula likpidi lili buvele akpala ku akpala bɔkyula ɔdi ɔmmɔ. Na Unwoti udie kɔtu bɔni biala na awɔ ku ƒula kadi bekyuli ƒui lɛlɔ aani kalɛ na Unwoti úbo ɔda.”

Romaƒuɔ 15:17

Ɔmɛni ɔsu na mɔɔkun lɛmɛnɛ na lɛla lɛni na Yesu Kristo ɔ́bla ɔkɛnku kabla kani na mɔɔbla teete Katɔti ɔsu.

Korintoƒuɔ 1 15:3

Lɛla lɛni na lɛ́ƒɔ lɛ́siku Blɔti kudɔ ni, ani kani na líti muute-mii. Na ani ndi lɛla lɛni náƒɔ kuye lítulo ƒui, ka Kristo úkpi úte-bu na bula alaekpidi ɔsu aani kalɛ na bénweni bákya Bunweni Kedee Ɔku kemmo.

Hebriƒuɔ 10:11

Limeyi ndi limeyi ni, Yudani ɔkpane biala uunye taabla nwuna ɔkpane kabla kani ndanku bɔkpa ulu ɔmmɔ lɛlɔ. Ɔɔbla akpala ammɔ udu kani limeyi ndi limeyi ani naaadubo bɔkana na udie likpidi na ukyuli lɛlɔ kudii.

Hebriƒuɔ 10:12

Nsu uwi ɔni na Kristo anwu úbo úbeti lɛlɔ ɔ́kpa kunwi úte bekyuli ƒui ekpidi lili ɔni ndanku utédu kayawi kawɔlɔkɔ ni, ɔ́yu úlie Katɔti kɔdianu kesii kani náƒɔ kuye.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 7:27

Na uuuse aani bakpane benengudi babambadi bammɔ kalɛ bani nálɛ ka bataabla akpala na ama ku bekyuli bakladi lili taasia kama limeyi ndi limeyi. Mmomu kunwi kɔni na anwu úti lɛlɔ ɔ́kpa na bekyuli ƒui lili ni, ɔ́kpa kunwi pɛ kɔmmɔ kani na ɔ́sa.

Hebriƒuɔ 8:3

Báƒuna ɔkpane unengudi biala ka uti ala ani na béte ku ani na badubuti bakpa ƒui ɔkpa ute Katɔti. Na lɛni kani na ɔlɛka ɔkpane ɔmɛni lɛnɔ uti lɛla lɛdi ɔkpa ute Katɔti.

Hebriƒuɔ 8:4

Na si nka kalɔ lɛlɔ mɛni na ɔkya ni, nka ulabla ɔkpane kabla kulaa. Ɔsika bakpane bakya bani mɔɔbla akpala kalɛ na ɔda bubo bɔni ntɛ nse bɔɔtina.

Hebriƒuɔ 9:9

Mmomu ɔmmɔ ɔdi lɛla lɛni mɔɔtina ka etela ku akpala ani ƒui na bada baabla akpala ammɔ ni, elédie bɔƒiɔ na ukyuli ɔni mɔɔbla akpala ammɔ lɛlɔ.