Hebriƒuɔ 3:2 - Katɔti Ɔku Kedee

² Ɔ́bla ala ulu lɛlɔ úte ukyuli ɔni náƒuna-nwu úse aani kalɛ na Mose ɔ́bla ala ulu lɛlɔ na Katɔti kaduli.

Hebriƒuɔ 3:2 ပူးပေါင်းရင်းမြစ်များ

Israelƒuɔ Bɔlɛ 40:16

Na Mose ɔ́bla ɔsiaku kalɛ kani na Unwoti úbo-nwu ɔda.

Bumomo Bɔka 12:7

Nsu mina kabla ɔblane Mose anwu ni, ɔɔɔdi lɛni na mɔɔbla-nwu. Ɔdi ukyuli ɔni mɔɔbla ala ulu lɛlɔ na mina kaduli.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 17:4

Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Yohane 7:18

Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.

Yohane 8:29

Na anwu ɔni nátala-mi ni, unyeku-mi. Na útada-mi útese, ɔsika mɔɔbla lɛla lɛni mɔɔyɔ́-nwu kaƒɔ uwi biala.”

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.

Lɛkpa Ulu 4:5

Binu! Mina Unwoti Katɔti bunyimi bɔni na úbo-mi ɔda ka ntina-mii ni, lɛ́tina-mii ƒui. Na mɔɔsu-mii nnii bɛdi-mu lɛlɔ ƒui na kalɔ kani bísela bitéti binwini bina kadikɔ mmɔ lɛlɔ.

Timoteo 1 1:12

Naaakana Blɔti Yesu Kristo enu bɔgya na ɔyikun ɔni na úte-mi ɔnii ntaabla kabla kamɛni ɔsu. Na sɔsɔ ni, úti-ka ɔ́kya-mi enu kemmo. Ɔsika ɔ́nu-mi ɔ́ti ka naaalɛ-nwu kama.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Samuel 1 12:6

Ɔmmɔ kama Samuel ɔ́sɔ ɔ́su-ma ɔnini, “Unwoti ɔlati náƒuna Mose ku Aaron ka batɔnku bula bati kuuku. Na ama nákpanku-ma bálɛku Egyipte kalɔ lɛlɔ.