Hebriƒuɔ 3:1 - Katɔti Ɔku Kedee

¹ Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Hebriƒuɔ 3:1 ပူးပေါင်းရင်းမြစ်များ

Kɔgya 110:4

Unwoti úse kenye na uláda ulavia kenye kammɔ. Ɔ́su ɔnini, “Adi ɔkpane úsela uwi ƒui na Melkisedek ɔkpane bɔdi ulu lɛlɔ.”

Yesaia 1:3

Ɔmantɛ akɔ ɔgyani ɔgyi nwuna ɔtɔlati. Na ebuo ala utine ɔgyi kalɛkɛ kani kemmo na nwuna ɔtɔlati uuwi-nwu adila. Nsu mina kadi bekyuli Israelƒuɔ ni, ama beeese lɛni. Na belenu tɔ lɛla lɛdi kalɔ úti úbedu ɔƒɛni.”

Yesaia 41:20

Na bekyuli ƒui badubɔnu ɔmɛni na bati na ɔbla-ma nwaa ka ami Israel Unwoti Katɔti kedee nédie ala amɛni ƒui.”

Yesaia 5:12

Biiti lɛnu lɛni mɔɔdia bunu ku ntɛ bɔbuni teesienku bina emeyi kadikɔ ku lɛbentaa ku ese ku atoloyii ku kɔkpɛɛ lidu lidu. Nsu bina kasusu kadi biala kelesie Unwoti ku nwuna ablala lɛlɔ.

Esekiel 12:3

“Anwuɔsu asa na ɔƒɛ wasa ni, si atu na enu lɛla lɛni na mɔɔyɔ́ ka abla. Bo ƒula ala alɛɛ ani obo aani si buti bada-a batɔlɔku aani ɔtɔntɛne kalɛ. Na alɛ eténye kesii kani na ukyuli biala wanu-ɔ kaduɛ na akɛ eteesie taavi. Ɔƒɛni kalɛ si benye baanu lɛla lɛni na aabla ni, badubo bɔnu bɔti lɛsɛ bakyane bani udu na badi.

Esekiel 18:28

Badubo bana alaekpidi ani na bábla bávi bɔkali bɔnu na bada-nya bɔbla baya kalɛ na baládu-ma.

Hagai 1:5

Amii alati binwini bɛnu lɛla lɛni mɔɔlɛ́!

Hagai 2:15

Nsu ɔ́si ɔƒɛni úsela ni, bɛbla kasusu bɛsiku ala ani ndubo abalɛ lɛlɔ asa na bise kalɔ bitaakya kowodu kalɔ ɔka ute Katɔti kakpakɔ kammɔ bɔtu.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 20:21

Ɔmmɔ kama ni, Yesu ɔ́sɔ ɔ́su-ma ɔnini, “Keyi buɛɛ kasiaku-mii. Kalɛ na Ati ɔ́tala-mi ni, lɛni kani na ami lɛnɔ mɔɔtala-mii.”

Yohane 20:27

Amu na ɔ́su Toma ɔnini, “Bo, na ebeti ƒula lɛnimi akya mɛni. Na anu mina enu. Na eti ƒula kɔnu akya-mi ɔƒɛnyi. Na ada ƒula taƒɔ tadi aya. Na aƒɔ adi ɔƒɛni kani!”

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Romaƒuɔ 11:17

Na si kɔgba kɔdi kɔ́ƒɛ kɔ́lɛ kugyii kɔmmɔ lɛlɔ na békulo-mii aani lɛku kemmo kugyii kagba blii kadi bébenyimi báda kesii kani na kugyii kɔmmɔ ntu bɔɔyu na ɔ́kun ɔ́da ni, bɛɛní ntu taasiku kugyii kɔmmɔ ligyiitu kudɔ.

Romaƒuɔ 15:27

Ɔ́yɔ-ma kaƒɔ ka babla lɛni. Na badi-ma bayune sɔsɔ! Ɔsika si bekyuli bani naaadi Yudaƒuɔ bákɛ kadikɔ ku Yudaƒuɔ kɔyu kemmo ala abuni ni, agyi anii ama lɛnɔ ɔlɛka bebunku Yudaƒuɔ ku bana akɛla.

Romaƒuɔ 15:8

Ɔsika mɔɔsu-mii nwaa nnii Kristo únwini Yudaƒuɔ ubunkune kalɛ na udie ɔtina ka kenye kani na Katɔti ɔ́su Yudaƒuɔ ɔtɔ eƒi benengu úse ni, ɔ́di-ka lɛlɔ na kébo kete lɛni sɔsɔ.

Romaƒuɔ 9:24

Anwuɔsu na ɔ́ƒuna abu lɛnɔ, na ɔɔɔdi Yudaƒuɔ lɛti. Mmomu ku bani naaadi Yudaƒuɔ lɛnɔ.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 1 10:17

Na ina ka bumomo ni, bɔdi ɔlɔna unwi pɛ. Ɔsika bodobodo unwi kani na bula ƒui bɔɔdi.

Korintoƒuɔ 1 9:23

Ala amɛni ƒui na mɔɔbla na litemi buni lɛmmɔ ɔsu kalɛ na ami lɛnɔ lɛkɛ lɛlɔyɔ lɛni nkɛnku kabla kammɔ kemmo.

Korintoƒuɔ 2 1:7

Bubo lɛnunsia lɛni naaayuɛ na bina lɛlɔ, ɔsika bɔgyi ka kalɛ na biibó abi ani udu na abu lɛnɔ buubó mɛni ni, lɛni kani na Katɔti ɔdubɔsia-mii kɔnu aani kalɛ na ɔɔsia abu lɛnɔ kɔnu.

Korintoƒuɔ 2 9:13

Bina kaƒɔ ƒaa kebunku kani biite bekyuli mɛni mɔɔtina ka bɛɛdi Kristo litemi buni lɛmmɔ lɛlɔ geen. Na kalɛ na biidie bina bɔƒɔtaadi keyi ku kalɛ na biile ala ani nse-mii teete lɛlɔ ku bekyuli bamba lɛnɔ ɔsu ni, bekyuli pii badubuti ɔbu bete Katɔti.

Eƒesoƒuɔ 3:6

Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Eƒesoƒuɔ 4:4

Ɔlɔna unwi pɛ ku Kɔyu kunwi pɛ nkya aani kalɛ na Katɔti ɔ́lɔ-bu na bubo lɛnunsia linwi pɛ na bɔlɔ bɔmmɔ kemmo.

Ƒilipiƒuɔ 3:14

Anwuɔsu muukeli usi na likulo kabuli kalɛ na lɛkɛ lɛyuƒɔla lɛni na Katɔti ɔ́lɔ-mi ka libo mbaƒɔ na katɔ na Kristo Yesu ɔsu.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 1 5:27

Mɔɔsu-mii kpakplaa aani Blɔti Yesu Kristo kenye unyene nnii bɛka ɔku ɔmɛni bite baƒɔtaadine bammɔ ƒui.

Tesalonikaƒuɔ 2 1:11

Ɔmɛni ɔsu na bɔɔkpali katɔ na bina lili uwi ndi uwi. Na buuvele bula Katɔti bɔnii bina ɔbladu ɔmanku bɔlɔ bɔni na ɔ́lɔ-mii. Na nwuna ɔyikun ubunku-mii na ɔkya bina kasusu buni biala ogya kalɛ na lɛla biala lɛni na bɛdubɔbla na anwu ɔsu lɛtɛ.

Tesalonikaƒuɔ 2 2:14

Na ɔkɛnku bula litemi buni lɛmɛni bɔsu kemmo ni, Katɔti ɔ́lɔ-mii ɔnii bibo na bɛƒɔ lɛnyi aani kalɛ na Blɔti Yesu Kristo ubo lɛnyi.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Timoteo 1 6:2

Na bekyuli bani mɔɔbla kabla teete benwoti bani ndi baƒɔtaadine ni, beteti bana bɔƒɔtaadi kɔnwa bɔdi batata betenye bana benwoti lɛlɔ. Mmomu ɔlɛka beboku lɛlɔ kalɔ na bete-ma kebunku bebu. Ɔsika bekyuli bani na beete kebunku mɛni ni, basiaku Yesu kama. Na ama ku-ma ƒui badi nwuna ala badine bani na ɔɔyɔ́ geen. Ɔmɛni na ɔlɛka atina-ma anii babla na akya-ma ogya.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Timoteo 2 2:7

Kali ala ani mɔɔsu-ɔ mɛni ƒui nu, ɔsika ngyi nnii Blɔti ɔdubɔya na enu ana ƒui kalɔ.

Hebriƒuɔ 10:19

Ɔmɛni ɔsu ni, banwa, ulu ɔtɛ ute-bu ka bɔkana na buduo katɔma kani nse kedee ntulo ƒui mmɔ kemmo ɔkɛnku Yesu ubugya lɛlɔ.

Hebriƒuɔ 10:21

Na ka bubo ɔkpane unengudi na Katɔti kakpakɔ kani na katɔ mmɔ ɔsu ni,

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Hebriƒuɔ 13:22

Banwa, muuvele-mii geen nnii binu-mi ala ani na mɔɔsu-mii ku ogya ɔni mɔɔkya-mii. Ɔsika ɔku klukui ɔdi kani na línweni-mii.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Hebriƒuɔ 6:20

Mmɔ na Yesu ɔ́gyu ɔtɔ útéduo na abu ɔsu. Na únwini ɔkpane unengudi úte uwi ƒui na Melkisedek ɔkpane bɔdi ulu lɛlɔ.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Hebriƒuɔ 7:28

Ɔsika ni, ɔda bubo bɔmmɔ bɔɔƒuna bakpane bani naaakana bunye kpakplaa ama alati. Nsu linyese lɛni nébo na ɔda bubo bɔmmɔ kama ni, bɔ́ƒuna Ubi ɔmmɔ na ɔ́ya na ɔ́wɔlɔ nwuna kabla úte uwi ƒui.

Hebriƒuɔ 9:11

Uwi ɔni na Kristo úbo aani ɔkpane unengudi kalɛ úte ala abuni ani náada alɛ ni, ɔ́vi úduo kakpakɔ kani náƒɔ kuye na kadia ketulo ƒui kemmo. Na ɔɔɔdi ukyuli enu na béti bátu-ka. Na bɔkana budie kalɔ bɔnii ɔɔɔkɛnku kalɛ na bédie kayawi kamɛni lɛlɔ ala kalɛ.

Hebriƒuɔ 9:15

Ɔmɛni ɔsu na Kristo ndi ukyuli ɔni nnye bunyimi bɔwɔdi bɔmɛni kenye kalɛ na bekyuli bani na Katɔti ɔ́lɔ ka babla anwu badi ni, bana kɔnu kutuku linyese lɛni ndi ngba bɔni nsɔ naaadubo bɔsa kudii. Ɔmɛni uubo teete lɛni, ɔsika Kristo kukpi ɔsu na Katɔti uuti ekpidi ani na bekyuli bábla na bunyimi bɔkukudi kemmo taakyiɛ-ma.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 3:5

Lɛni kani na kuuku beleku bani néti lɛlɔ básia Katɔti lɛlɔ báda bana adala, na béboku lɛlɔ kalɔ béte bana bagya.

Petro 1 5:1

Muuvele amii bani ndi baƒɔtaadine benengu na bina akɔ, ɔsika ami ɔlati lɛ́nu kalɛ na Kristo úbo abi na muudie ɔmmɔ kenye. Na mina anu asia ka ami ku-nwu bɔdubɔdi lɛga na nwuna bukeye bɔmmɔ kemmo na uwi ɔni na wasɔ webo.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”