Hebriƒuɔ 2:9 - Katɔti Ɔku Kedee

⁹ Nsu bɔɔnu Yesu ɔni na úbenye kenyekɔ kani náyu kalɔ blii kétulo batu bammɔ kadi ka uukeye na bekyuli baabu-nwu ɔƒɛni, ɔsika úbo kukpi abi. Na Katɔti úte-nwu ɔyikun ka ukpi na bekyuli ƒui lili.

Hebriƒuɔ 2:9 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Yesaia 11:1

Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Mateo 6:28

“Anwuɔsu bɛsɔ biteti kasusu pii na adala lɛlɔ. Bɛnu kalɛ na egyii anwula aalɛ́ lili. Alábla kabla kadi na beledi adi lɛnɔ teete lɛlɔ.

Marko 9:1

Amu na Yesu ɔ́sɔ ɔ́su-ma ɔnini, “Mɔɔsu-mii geen ka bina akɔ badi bilekpi tɔ wetédu ka bɛ́nu ka Katɔti lɛga bɔdi búbo ku ɔyikun.”

Luka 9:27

Mɔɔsu-mii geen nnii bina akɔ badi na mɛni ni, belekpi wetédu uwi ɔni na Katɔti wedie nwuna lɛga bɔdi ɔyikun keyi na limeyi likplodi lɛmmɔ lɛlɔ.”

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Yohane 10:17

Na Ati ɔɔyɔ́-mi, ɔsika lɛ́tuna ka likpi na bana lili. Ɔmmɔ kama na lɛsɔ linwini libo mbelie ngba.

Yohane 12:32

Na si uwi ɔni na bekyuli bákɔliku-mi katɔ ni, ndubɔya na bekyuli ƒui bebo-mi kudɔ.”

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Batalane Kabla 2:33

Na ɔƒaani ni, Katɔti úte-nwu kenyekɔ kenengudi na nwuna kɔdianu, na úti nwuna Kɔyu úte-nwu aani kalɛ na ɔ́su úse. Lɛni na anwu lɛnɔ ɔ́tala-ku ɔ́kya-bu. Anwuɔsu na bɛɛnu na biinú lɛla lɛni mɔɔlɛ́ mɛni.

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.

Romaƒuɔ 5:18

Anwuɔsu ni, kalɛ kani na ɔkɛ likpidi linwi lɛlɔ na bekyuli ƒui bákɛ kɔtɔ bɔdu ni, lɛni kani na ɔkɛ lɛbuni linwi lɛlɔ na Katɔti ɔdubute bekyuli ƒui ubo.

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Korintoƒuɔ 2 5:15

Kristo nékpi na bekyuli ƒui lili kalɛ na bekyuli bani nli ngba ni, basɔ belelie ngba belete bana lɛlɔ. Mmomu belie ngba bete Kristo. Ɔsika ama ɔsu na Kristo úkpi na Katɔti ɔ́gyila-nwu ɔ́lɛku bekpine akɔ.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Timoteo 1 2:6

Anwu néti lɛlɔ ɔ́kpa na bayawine ƒui lili. Na Yesu ɔ́bla ɔmɛni na uwi ɔni lɛlɔ geen na Katɔti úse ka udie nwuna bekyuli bɔƒɔ keyi ɔtina bayawine ƒui.

Hebriƒuɔ 1:9

Awɔ mɔɔyɔ́ lɛla lɛni nse siin, na ekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.”

Hebriƒuɔ 10:5

Ɔmmɔ ɔsu na asa na Kristo webo kayawi kamɛni lɛlɔ ni, ɔ́su ɔnini, “Ati, akpala ku etela alaƒɔ-ɔ anu. Mmomu ɔlɔna ɔni na éti éte-mi ka liti lɛkpa lite-ɔ mɔɔda-a kubiti.

Hebriƒuɔ 11:5

Ɔkɛnku Enok bɔƒɔtaadi lɛlɔ na Katɔti útiku-nwu ɔ́tɔlɔku ngba bɔmɛni kemmo ɔni na útekpi. Ɔdi biala útanu-nwu kesii kadi, ɔsika Katɔti útiku-nwu ɔ́tɔlɔku. Na asa na ɔdubutiku-nwu ɔtɔlɔku ni, ɔdi ukyuli ɔni na bémwi na Bunweni Kedee Ɔku kemmo ka nwuna lɛlɔ lɛ́da Katɔti kubiti.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 2:7

Na áya na úbo úbenye kenyekɔ kani náyu kalɔ blii kétulo Katɔti batu bammɔ kadi. Na áya na uukeye na bekyuli baabu-nwu.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Hebriƒuɔ 8:3

Báƒuna ɔkpane unengudi biala ka uti ala ani na béte ku ani na badubuti bakpa ƒui ɔkpa ute Katɔti. Na lɛni kani na ɔlɛka ɔkpane ɔmɛni lɛnɔ uti lɛla lɛdi ɔkpa ute Katɔti.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Yohane 1 2:2

Na Kristo ɔmmɔ ɔlati úti nwuna ngba ɔ́kpa na bula lili, kalɛ na ɔklibi abu ku Katɔti ntɛ. Nsu ɔɔɔdi abu lɛti ekpidi lili, mmomu ku bayawine ƒui ekpidi lili.

Budie Taatina 19:12

Nwuna anumi ese aani ogya na kɔgabwa pii kubi-nwu lili. Na bénweni lɛnyi lɛdi básia-nwu lɛlɔ lɛni na ukyuli ɔdi ɔɔɔgyi ntu anwu kani.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.