Hebriƒuɔ 2:3 - Katɔti Ɔku Kedee

³ dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Hebriƒuɔ 2:3 ပူးပေါင်းရင်းမြစ်များ

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 20:6

Na uwi ɔmmɔ kemmo ni, kadi bani nli Ƒilistia ɛpu kɔtɔ badubɔsu banii, ‘Bɛnu lɛla lɛni nálɛku kadi bani bekyuli na bɔɔkali ka bukeli butátamiku na bebunku-bu na bɔlɛ Asiriaƒuɔ enu kemmo. Bi na badubo bɔbla ɔƒɛni? Na wɛ na bɔdubɔsɔ bukeli busie?’ ”

Yesaia 51:5

Uwi ɔsɔ uletu asa na ndubɔda bɔlɛ na bɛnu kalɛ na nse siin. Ɔsika mina bekyuli bɔƒɔ uwi údu na ndubɔtɛku bekyuli ƒui litemi. Kadi bekyuli bani na ketu ɔvi ƒui benye baanu-mi ulu ka libo mbedie-ma.

Yesaia 51:8

Badubo udu bɔyii aani kalɛ na kubweyi kɔɔkun adala teebile. Nsu mina ngba bɔƒɔ ku ala bɔbla ulu lɛlɔ siin ute bekyuli ƒui bulebo kawɔlɔkɔ kudii.”

Yesaia 62:11

Na bati ka Unwoti muute-ma bɔti ɔnini, “Yerusalem bebi bɛnu, bina Ɔƒɔne ɔ́si ɔdubo! Na ɔda lɛyuƒɔla ɔduboku-mii.

Esekiel 17:15

“Nsu ukyuli ɔni na bése lɛga mɛni ɔ́ta únye Babilon lɛlɔ na ɔ́tala nwuna benengu bamba ɔnii besie Egyipte kalɔ lɛlɔ na betétiku bapɔnkɔ ku bekpone basiku mmɔ beboku. Aabu anii ɔga ɔmɛni kasusu kani na ɔ́bla mɛni kadubo-nwu bɔsia na ɔkana na ɔbwɛ lɛla lɛni na bényimiku Babilon mɛni bubile? Munuu kɔtu na badubo-nwu bɔni na lɛla lɛni na ɔ́bla ɔsu?

Esekiel 17:18

Yudaƒuɔ ɔga útadi nwuna linyese lɛlɔ na útabu lɛla lɛni na únyimiku Babilonƒuɔ. Anwuɔsu badubo-nwu kɔtu bɔni!

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Mateo 4:17

Ɔ́si uwi ɔni na Yesu útélie Kapernaum ni, úse kalɔ ɔɔkɔ́ lɛsa ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Marko 1:14

Uwi ɔni na béƒie Yohane ɔni mɔɔbla ntu bɔkpila ɔdi bákya ɔtɔ ni, Yesu ɔ́tɔlɔ úsie Galilea na útásu Katɔti litemi buni mmɔ.

Luka 1:2

Bénweni-nya aani kalɛ na bekyuli bani nánu ala amɛni ɔ́si nyana kalɔ kesekɔ básu-bu na bákɔ-nya lɛsa lɛnɔ.

Luka 1:69

Úti Ɔƒɔne Ɔyikune ɔdi úte-bu ɔni na ɔdi anwu ɔlati kabla ɔblane Dawid kaba kemmo ubi.

Luka 24:19

Amu na Yesu úye-ma ɔnini, “Bi ala?” Na bédie kenye banii, “Ala ani nálɛku Yesu Nasareni. Ukyuli ɔmɛni ɔdi Katɔti kenye udiene ɔni na Katɔti ku bekyuli ƒui bánu ka ubo ɔyikun geen na nwuna ablala ku ala ani na ɔ́su ƒui kemmo.

Yohane 15:27

Na amii lɛnɔ bɛsu bekyuli ala bɛsiku-mi lɛlɔ, ɔsika bɛ́ɛsiaku-mi kama ɔ́si kalɔ kesekɔ ƒui.”

Batalane Kabla 2:22

“Ati bene biinú? Yesu Nasareni ɔdi Ukyuli Ɔƒunadi ɔni lɛlɔ na Katɔti ɔkɛ údie nwuna ɔyikun ku akɔla bɔbla keyi ɔ́tina-mii aani kalɛ na amii alati lɛnɔ bɛgyi.

Batalane Kabla 4:12

Anwu lɛti ndi bekyuli Ɔƒɔne, ɔsika anwu kani na Unwoti úte lɛnyi ku ɔyikun na bekyuli ƒui akɔ ɔni makana waƒɔ-bu ngba.”

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Romaƒuɔ 2:3

Na si awɔ aani ukyuli ɔyawine kani aabla ala amɛni udu na aadú bekyuli bamba kɔtɔ ni, aakali anii adubukeli Katɔti litemi bɔtɛ?

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Tito 2:11

Ɔsika Katɔti údie nwuna lɛƒɔndia ɔ́tina-bu na ngba bɔƒɔ bɔni na ubo ute bekyuli bayawine ɔsu.

Hebriƒuɔ 1:1

Na uwi ɔni návi kemmo ni, Katɔti ɔ́sia nwuna kenye bediene lɛlɔ ɔ́tɛmiku bula bati kuuku kɔlɛ kɔlɛ na lilu bun bun lɛlɔ.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Hebriƒuɔ 4:1

Anwuɔsu ka linyese lɛni na úte-bu ka buduo nwuna bɔnwuna ƒui kemmo kamu kese kéte-bu ɔsu ni, bɛya na bɔnu lɛlɔ kemmo kaduɛ kalɛ na ɔdi ulásɔ na kenye kammɔ lɛlɔ.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Yohane 1 1:1

Katɔti ngba litemi ndi anwu ɔni nkya ɔ́si kayawi kalɔ kesekɔ. Na ngba litemi lɛmmɔ lɛsa na bɔɔkɔ́. Búnu-nwu ala bɔsu na bɔ́nu-nwu ku anumi. Na sɔsɔ ni, búti bula enu bútuku-nwu. Uwi ɔni na ɔ́da ɔ́lɛ ni, abu bɔ́nu-nwu bɔ́ti.

Yuda 1:17

Nsu ni, mina banwa, bɛkali etemila ani na Yesu Kristo batalane básu-mii.

Budie Taatina 7:10

Na básu ku lɛdi momoomo banini, “Ngba bɔƒɔ bɔɔsí bula Katɔti ɔni nlie lɛgaboku lɛlɔ ku Koƒonu Ubi ɔmmɔ kudɔ.”