Hebriƒuɔ 12:3 - Katɔti Ɔku Kedee

³ Bɛtɛya Yesu ɔni nákya ɔkplu na úbo abi na ala ekpidi bablane bamɛni enu kemmo, kalɛ na enu alaƒɛ-mii na binwini kama.

Hebriƒuɔ 12:3 ပူးပေါင်းရင်းမြစ်များ

Agba 24:10

Si ánu ka átakana lɛla lɛdi bɔbla na bukpoku bɔdi ɔsu ni, agyi anii ƒula ɔyikun ɔmmɔ lɛnɔ ɔ́sɔ.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Mateo 11:19

Nsu uwi ɔni na ami ɔni ndi Ukyuli Ɔyawine Ubi líbo ni, lɛ́di na lɛ́ni. Na ukyuli biala ɔ́su ɔnii, ‘Bɛnu ɔdivone ɔmɛni! Uukpi ntɛ! Anwu ku kuyi baƒɔne ku bekyuli bekpidi muusié.’ Nsu takpete-ma. Katɔti lɛnunda lɛdubudie lɛlɔ keyi na lɛla lɛni na ukyuli ɔɔbla kemmo.”

Mateo 12:24

Amu na uwi ɔni na Ƒarisiƒuɔ bénu ɔmɛni ni, básu banini, “Ɔkɛnku ayu ekpidi unengu Beelsebul lɛlɔ na ukyuli ɔmɛni ɔɔgyá ayu ekpidi taalɛku bekyuli lɛlɔ kemmo.”

Mateo 15:2

“Bi ɔsu na ƒula batɛyane balásiaku bula bati kuuku ɔda bubo kama? Baláƒɔ bana enu kalɛ na bula ɔdi ɔɔtina asa na baadi.”

Mateo 21:23

Amu na Yesu únwini úbo Katɔti kakpakɔ mmɔ. Na ka ɔɔtina ala ni, Katɔti bakpane benengu ku Yudaƒuɔ benengu bammɔ bébeye-nwu banii, “Kenyekɔ kamani na ebo asa na aabla ala amɛni udu? Na ɔma néte-ɔ kenyekɔ kammɔ?”

Mateo 21:46

Anwuɔsu báwia ka beƒie-nwu. Nsu baayia bekyuli pii bammɔ, ɔsika bana ƒui baabu Yesu aani Katɔti kenye udiene.

Mateo 22:15

Ƒarisiƒuɔ badi bátása na bábla kasusu banii betéwi Yesu kenye benu na bawia-nwu litemi.

Luka 14:1

Na lɛnwunameyi lɛdi lɛlɔ ni, Yesu úsie Ƒarisiƒuɔ benengu akɔ unwi ɔdi kesii likpo lɛni na bálɔ-nwu banii ubadi. Na bekyuli bakya baatú-nwu kpakplaa.

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Luka 16:14

Uwi ɔni na Ƒarisiƒuɔ bénu ala ani na Yesu ɔ́su ni, báma-nwu ɔsika baayɔ́ egulabi geen.

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Luka 5:21

Amu na Ƒarisiƒuɔ ku ɔda bubo ala batinane bákya anumi ku lɛlɔ buye banii, “Ɔma na ɔdi mɛni na úti lɛlɔ ɔɔkɔ́ku Katɔti lɛni! Katɔti lɛti pɛ kani ndubɔkana na uti ukyuli ekpidi ɔkyiɛ-nwu!”

Yohane 10:20

Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 18:22

Ka Yesu ɔ́su-nwu lɛla lɛmɛni ɔ́wɔlɔ ni, bagyumanane bammɔ akɔ unwi úbo-nwu kɔnu ɔtugya na úye Yesu ɔnini, “Ɔkpane Unengudi na eedie kenye lɛni?”

Yohane 5:16

Anwuɔsu bése kalɔ ku Yesu bukpoku, ɔsika lɛnwunameyi lɛlɔ na ɔ́bwi-nwu.

Yohane 7:12

Na lɛni kani na nwuna lɛlɔ atɛ ada na bana akɔ mmɔ. Badi baasu banii, “Ukyuli ɔbuni na ɔdi.” Na babambadi lɛnɔ banini, “Oowo! Bekyuli na uuƒú taakya!”

Yohane 8:13

Amu na Ƒarisiƒuɔ básu-nwu banini, “Awɔ ɔlati muudie ƒula lɛlɔ kenye. Anwuɔsu ƒula kenye budie buuubo unu.”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Yohane 8:59

Mmɔ ka ɔ́su lɛni ni, bála atabi banii beebó-nwu, nsu Yesu ɔ́bɛla lɛlɔ na ɔ́vi ɔ́lɛ-ma akɔ na kakpakɔ mmɔ.

Yohane 9:40

Ka Ƒarisiƒuɔ bani nkya-ma akɔ bénu lɛla lɛni na Yesu ɔ́su ni, béye-nwu banini, “Bi na aasu? Abu lɛnɔ banumbwɛne na bɔdi?”

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Galatiƒuɔ 6:9

Bitaya na enu aƒɛ-bu ku lɛbuni bɔbla. Ɔsika si enu átaƒɛ-bu ni, uwi ɔdubo ɔni na bɔdubɔkɛ edula ani na bɔ́va ebi.

Lɛkpa Ulu 20:3

“Israel bananabi, bise atu na binu. Ɔmwi kadi ni, bísela bitékpo. Bitayia bina bekisine bammɔ na enu ataƒɛ-mii na ɔtɔtɔ utagyu-mii.

Tesalonikaƒuɔ 2 3:13

Nsu amii ni, banwa, bitaya na enu aƒɛ-mii na lɛbuni bɔbla kemmo.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 12:5

Munuu bɛ́ɛyiƒala Katɔti etemila ani na ɔ́su-mii úti ɔ́kya-mii ogya aani bebi kalɛ? Ɔ́su ɔnini, “Mina ubi, teti Katɔti kɔtu bɔni tabla lɛla keeke. Na enu ataƒɛ-ɔ si ɔɔdɔnku-ɔ.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Petro 1 2:23

Bédumi-nwu, nsu anwu útedumi ɔdi. Úbo abi, nsu útewida nwuna bekisine. Mmomu úti lɛla biala úte Katɔti ɔni mɔɔtɛ litemi na ulu lɛlɔ.

Budie Taatina 2:3

Ngyi ka binye lɛbibo lɛmmɔ kenye kpakplaa na bɛɛkya ɔkplu na ami ɔsu, na enu átaƒɛ-mii.

Samuel 1 12:24

Nsu bɛsia anu na bitaayia Unwoti, na bɛsiaku-nwu kama siin, na bitaadi nwuna litemi lɛlɔ ku bina kayi ƒui. Na biteenyimo ala ebendi ani na ɔ́ɔbla úte-mi.