Hebriƒuɔ 11:9 - Katɔti Ɔku Kedee

⁹ Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.

Hebriƒuɔ 11:9 ပူးပေါင်းရင်းမြစ်များ

Ala Kalɔ Buse 12:8

Ka ɔ́si mmɔ ni, údi úsie abi ammɔ kudɔ na Betel ɔƒɛ katukɔ kakɛ na ɔ́lɛ nwuna adi kevo na mmɔ na Betel ku Ai lɛma ntɛ. Anwuɔsu Betel ɔkya ɔƒɛ kanukɔ na Ai ɔkya ɔƒɛ katukɔ. Mmɔ lɛnɔ ɔ́lɛ lɛkpabi na ɔ́kpali Unwoti.

Ala Kalɔ Buse 13:18

Anwuɔsu Abram ɔ́ta mmɔ ku nwuna ala ƒui na úsie kesii kani na Mamre egyii enengudi enye na Hebron kalɔ lɛlɔ. Na mmɔ na ɔ́tu lɛkpabi úte Katɔti.

Ala Kalɔ Buse 13:3

Ka ɔ́si Negev mmɔ ni, úsie ɔ́vi ekpo ekpo laa na úbedu lɛma lɛni ndi Betel ku Ai. Lɛma lɛmɛni ntɛ na ɔ́ka nwuna kevo bɔtu.

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Ala Kalɔ Buse 18:6

Ɔmmɔ ɔsu ni, Abraham úkeli úsie ulekudi Sara kudɔ na kevo kemmo na ɔ́su-nwu ɔnini, “Babla na ama ɔlaaƒɔ lɛɛƒɛɛ ɛtɛ na anwu na eƒi bodobodo ɔdi.”

Ala Kalɔ Buse 18:9

Amu na béye-nwu banini, “Wɛ na ƒ'ulekudi Sara ɔkya?” Údie kenye ɔnini, “Ɔkya kevo kemmo ngye.”

Ala Kalɔ Buse 21:34

Na Abraham úlie Ƒilistiƒuɔ kalɔ lɛlɔ uwi gyɔlɔɔ.

Ala Kalɔ Buse 23:4

“Kadi bamba ukyuli na ndi. Na ndi ɔƒɔ na bina akɔ. Mɔɔyɔ́ ka bibo kabuli kalɔ kadi bite-mi na liye na bina kudɔ mɛni, na liti linwini bekyuli kavakɔ kalɛ na lɛkana na lɛva mina uleku.”

Ala Kalɔ Buse 25:27

Bebi bammɔ bálɛ lili na Esau úbenwini ɔgbini geen, na aku kemmo kani na ɔɔví. Na Yakob anwu ni, nwuna udu use kpoo ɔni na uwi biala kevo kemmo kani na ɔkya.

Ala Kalɔ Buse 28:4

Na Unwoti Katɔti uti kusɛ kusɛ ɔni na úte Abraham ute awɔ ku ƒula kaba kemmo bebi. Na ɔya na kalɔ kani kemmo na eli ɔmwi mɛni aani ɔƒɔ kalɛ kenwini amii kadi. Kalɔ kamɛni na Katɔti úti úte Abraham.”

Ala Kalɔ Buse 31:25

Na uwi ɔmmɔ kemmo ni, Yakob ɔ́ɔtu nwuna adi kevo na abi lɛlɔ na Gilead kalɔ lɛlɔ mmɔ. Na uwi ɔni na Laban ku anwu badi bávi bátáda-nwu ni, ama lɛnɔ bátu bana keliekɔ na mmɔ.

Ala Kalɔ Buse 35:27

Na Yakob ulu busie kemmo ni, úbedu ɔti kudɔ na bana ɔma Mamre ɔni na ude Kiriat Arba ɔni basɔ baalɔ banii Hebron. Mmɔ na Abraham ku Isak bélie dii.

Ala Kalɔ Buse 36:7

Bana inyɔ ala ani bebo emomo geen ɔsu ni, balakana likuku linwi bulie. Na kalɔ kani lɛlɔ na bakya mmɔ keledu bana bebuo akpa anyɔ ammɔ bɔdi.

Ala Kalɔ Buse 47:9

Amu na Yakob údie kenye ɔnini, “Akwa eti anyɔ ku avlaatɛ mɛni ka nkɛ muusié mina ngba ulu. Akwa alɛɛ kani na lɛ́ɛƒɔ na adanku lɛbibo geen. Na mina akwa étedu ngba ulu ɔni na mina bati bésie.”

Kɔgya 105:12

Na uwi ɔmmɔ kemmo ni, beeemomo. Na lɛnɔ ni, baƒɔ na badi na kalɔ kammɔ kemmo.

Yeremia 35:7

Na ɔ́su-bu lɛnɔ ɔnini, ‘Bitatu lɛtɔ na bitesie adingyii mmo bɔdi lɛnɔ. Mmomu biteelie taata ɔ́si likpo linwi úsie likpo bamba. Na si bɛ́di ɔmɛni lɛlɔ ni, bɛdubulie ngba gyɔlɔɔ.’

Hebriƒuɔ 6:17

Na ka Katɔti ɔɔwia ka bekyuli bani na úse kenye ƒui bati nwaa ka kavumana kadi kelebo nwuna linyese kemmo ɔsu ni, ɔ́kpali lɛlɔ úse kenye kammɔ.