Hebriƒuɔ 1:9 - Katɔti Ɔku Kedee

⁹ Awɔ mɔɔyɔ́ lɛla lɛni nse siin, na ekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.”

Hebriƒuɔ 1:9 ပူးပေါင်းရင်းမြစ်များ

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 119:104

Ɔkɛnku ƒula ɔda bubo lɛlɔ ɔsu na mina kasusu kese nwaa. Na ɔmmɔ ɔsu na nkisi likpidi ulu biala.

Kɔgya 119:128

Ɔmmɔ ɔsu nkɛnku ƒula litemi lɛlɔ na mɔɔnu mina kanyakɔ, na naaayɔ ka lɛsia ulu ukpidi ɔdi lɛlɔ.

Kɔgya 2:2

Kayawi baga bábla unwi na benye beekpóku awɔ ku ƒula Ukyuli Ɔƒunadi.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 23:5

Aayá muuwi lɛlɔ buɛɛ taadi adila abuni teemo uwi ɔni na mina bekisine benye baanu. Eewi-mi nnɔmii lili na aanu-mi lɛlɔ geen aani kalɛ na baabla lɛƒɔ teete ɔbune. Na áya na mina ɔɔƒɛɛ úyi ku atu.

Kɔgya 33:5

Ɔɔtɛ litemi ulu lɛlɔ na ɔɔyɔ́ lɛla biala lɛni nse siin. Na nwuna bɔyɔ bɔni naaavumana bɔ́ƒɔ kayawi ƒui.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Kɔgya 45:6

Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na litemi bɔtɛ ulu lɛlɔ.

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Kɔgya 89:20

Lɛ́ƒuna mina kabla ɔblane Dawid na líse-nwu likpo ku nnɔmii kedee bɔni na líwi-nwu lili.

Kɔgya 89:26

Ɔdubɔkpali-mi na ɔsu ɔnini, ‘Awɔ ndi mina Ati ku Katɔti, ɔni ndi mina lɛtakpɛ lɛni mɔɔyá na mɔɔkɛ́ ngba bɔƒɔ.’

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yesaia 61:8

“Ɔsika ami Unwoti ni, litemi bɔtɛ ulu siin lɛlɔ na mɔɔyɔ́. Na nkisi kuyu ku ɔkɔ etemila bɔtɛ ku ekpidi lidu bamba ƒui. Na kalɛ na mɔɔdi mina litemi lɛlɔ ɔsu ni, ndubɔƒɔ-ma kayu na linyimiku-ma bunyimi bɔni ndubɔkya ami ku-ma ntɛ uwi ƒui.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Sakaria 8:17

Bitakya likpidi kɔkwɛ na bina bakpana lɛlɔ kudii na bitakpali ala bitanyi ɔkɔ bitasia bina bekyulikpana. Ɔsika ami, Unwoti, nkisi ala ammɔ udu.”

Bumomo Bɔka 7:43

Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 10:17

Na Ati ɔɔyɔ́-mi, ɔsika lɛ́tuna ka likpi na bana lili. Ɔmmɔ kama na lɛsɔ linwini libo mbelie ngba.

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 4:26

Kayawi baga bábla unwi na benye beekpóku awɔ ku ƒula Ukyuli Ɔƒunadi.’

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Korintoƒuɔ 1 1:9

Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.

Korintoƒuɔ 2 11:31

Katɔti ɔni ndi Blɔti Yesu Kristo Ɔti, na anwu na buumwi uwi ƒui ni, anwu ngyi geen ka ala ani mɔɔsu mɛni ni, sɔsɔ na adi.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Ƒilipiƒuɔ 2:9

Ɔkɛnku ɔmɛni ɔsu ni, Katɔti ɔ́talaku-nwu katɔ na úte-nwu kenyekɔ kenengudi ƒui. Na úte-nwu lɛnyi lɛni ntulo na anyi ƒui akɔ.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Hebriƒuɔ 2:9

Nsu bɔɔnu Yesu ɔni na úbenye kenyekɔ kani náyu kalɔ blii kétulo batu bammɔ kadi ka uukeye na bekyuli baabu-nwu ɔƒɛni, ɔsika úbo kukpi abi. Na Katɔti úte-nwu ɔyikun ka ukpi na bekyuli ƒui lili.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Budie Taatina 2:15

Lɛni kani bibo bekyuli badi na mmɔ bani mɔɔsiaku Nikolatia ala bɔtina kama.