Hebriƒuɔ 1:8 - Katɔti Ɔku Kedee

⁸ Nsu na Ubidi ɔmmɔ lɛlɔ ni, Katɔti ɔ́su ɔnini, “Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na ulu siin lɛlɔ.

Hebriƒuɔ 1:8 ပူးပေါင်းရင်းမြစ်များ

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Kɔgya 145:13

Na ƒula lɛga kadikɔ kammɔ keeebo kawɔlɔkɔ na awɔ kani ndubɔdi lɛga buteesie uwi ƒui. Unwoti ɔɔdi nwuna linyese lɛlɔ na ubo lɛƒɔndia na nwuna ablala ƒui kemmo.

Kɔgya 72:7

Ya na ala bɔbla siin bɔƒɔ kalɔ kammɔ ƒui lɛlɔ na nwuna lɛga bɔdi butu uwi. Na atu bɔyɔ ku keyi buɛɛ kaƒɔ-bu akɔ wetédu ka kɔbuli kɔ́da bɔtu teewi-bu lɛlɔ kɔ́ya.

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Yesaia 45:25

Ami Unwoti ndubo bɔya na Israelƒuɔ badi lɛlɔ na lɛya na baƒɔ lɛnyi geen.”

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yeremia 38:15

Amu na lídie kenye nnini, “Bi na aawia ati? Ngyi ka si lɛ́su-ɔ muedi ni, aaadubo bunu na bɔwia na adubɔwia ka badu-mi mmomu!”

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Luka 1:75

Na ɔdubɔbla-bu kedee na buse siin na nwuna anumi na bula ngba emeyi kemmo ƒui.

Yohane 10:30

Ati ku ami ƒui ni, bekyuli benwi na bɔdi.”

Yohane 10:33

Mmɔ na Yudaƒuɔ bammɔ básu banini, “Ɔɔɔdi ala abuni adi ɔsu na bɔɔwia ka buubó-ɔ atabi. Mmomu ɔni na eedumi Katɔti ɔsu! Ukyuli kani na adi, nsu aawia ka eti lɛlɔ enwini Katɔti!”

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.

Korintoƒuɔ 1 15:25

Ɔsika Kristo ɔdubo lɛlɔ butaadi wetédu ka Katɔti úti nwuna bekisine ƒui ɔ́kya Yesu lɛgba kalɔ.

Lɛkpa Ulu 2:37

Nsu bútani bútede Arnonƒuɔ kɔlɔ ku Yabok Ketudɔ ku abinkpo kalɔ lɛma lɛni na bula Unwoti Katɔti úbo-bu ɔda ɔnii butesie. Mmɔ kani na bútesie.

Lɛkpa Ulu 7:14

Katɔti ɔdubute-mii kusɛ kusɛ utulo kadi bamba bekyuli biala. Na uláya na udinkɔ ɔdi wakya amii iye bina bebuo akɔ.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Petro 2 1:11

Si bɛ́bla lɛni ni, bɛdubɔkɛ kuƒi biala biduo Blɔti ku Ɔƒɔne Yesu Kristo ngba ƒui lɛga kadikɔ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.