Hebriƒuɔ 1:7 - Katɔti Ɔku Kedee

⁷ Na etemila ani ndanku Katɔti batu lɛlɔ ni, ɔ́su ɔnini, “Lɛ́bla mina batu na bese aani ɔƒɛƒɛɛ. Na ama bani mɔɔbla mina kabla ni, lɛ́bla-ma na bese aani ogya linyemi.”

Hebriƒuɔ 1:7 ပူးပေါင်းရင်းမြစ်များ

Ala Kalɔ Buse 3:24

Na ka ɔ́bɔku-ma ɔ́lɛku ɔ́wɔlɔ ni, ɔ́ya na nwuna batu bagyumanane badi benye ku kewii kadi mɔɔbwɛ ogya teesie anumi teebo kama taabala Eden kemo kammɔ ɔƒɛ katukɔ. Na bétile ukyuli biala kuƒi kalɛ na ulakana kugyii kɔni mɔɔyá na ukyuli uulie ngba mmɔ kudɔ bɔni bude.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Baga 2 2:11

Na uwi ɔni na bátɛmi bésela ni, kɔnakunwi kani na ɔpɔnkɔ kɛɛkɛ ɔni na ɔɔda ku ogya ku bapɔnkɔ bani mɔɔda ku ogya báda bálɛ na béle Elia ku Elisa ntɛ. Na Elia ɔ́kɔ úduo bapɔnkɔ kɛɛkɛ ɔmmɔ kemmo na béti-nwu bésienku katɔ.

Baga 2 6:17

Amu na Elisa ɔ́kpali Katɔti ɔ́su-nwu ɔnini, “O Unwoti, bimi mina kabla ɔblane ɔmɛni anumi na ɔnu.” Mmɔ na Unwoti lɛnɔ úbimi kabla ɔblane ɔmmɔ anumi na ɔ́nu ka bapɔnkɔ ku bapɔnkɔ kɛɛkɛ lɛni mɔɔda ku ogya benye abi lɛlɔ na báka bámana Elisa.

Kɔgya 104:4

Na éti ɔƒɛƒɛɛ ábla ƒula batalane. Na éti ogya linyemi ƒula kabla bablane.

Yesaia 6:2

Na Katɔti batu benengudi badi muukeye na bebo avwi aku aku na baalɔ-ma Seraƒim benye bámana-nwu. Ɔdi biala avwi anyɔ ebi-nwu anumi na anyɔ ebi-nwu lɛgba asa na ɔda anyɔ akladi uuveyi.

Daniel 7:10

Na ogya uudie linyemi ɔdubo aani ketu bɔgba taasi nwuna lɛƒɛnyi ƒui lɛlɔ taaka taamana-nwu. Na bekyuli bani na balakana-ma bumomo bɔka benye bámana-nwu baabla-nwu kabla. Na mpim leevu leevu benye-nwu anumi. Litemi bɔtɛ uwi údu. Na bébimi lɛku lɛni kemmo na bénweni bekyuli lɛlɔ ala bákya béwi.

Sakaria 6:5

Mmɔ na údie kalɔ ɔnini, “Ayu ene ani nási katɔ béti lɛlɔ atátina Unwoti ɔni mɔɔdi kalɔ kammɔ ƒui lɛlɔ asa na badubusie batávi na badi.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?