Hebriƒuɔ 1:1 - Katɔti Ɔku Kedee

¹ Na uwi ɔni návi kemmo ni, Katɔti ɔ́sia nwuna kenye bediene lɛlɔ ɔ́tɛmiku bula bati kuuku kɔlɛ kɔlɛ na lilu bun bun lɛlɔ.

Hebriƒuɔ 1:1 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Kalɔ Buse 6:3

Amu na Unwoti ɔ́su ɔnini, “Mina kɔyu kɔɔɔdubo ukyuli kemmo bɔkya uwi ƒui. Anwuɔsu ukyuli ɔdubo bukpi. Na nwuna ngba emeyi adubɔbla akwa eti anyɔ ku aavlanyɔ kani.”

Yoel 2:28

“Na ɔmmɔ kama ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Luka 1:55

Únyimo ka uti kɔnyana bɔnu ute Abraham ku nwuna bawɔ úsela ƒui!”

Luka 1:72

Ɔ́su ka ɔdubɔnu bula bati kuuku kɔnyana na wenyimo bunyimi kedee bɔni nkya ama ku-nwu ntɛ.

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 16:13

Nsu si uwi ɔni na Katɔti Kɔyu kɔni muudie litemi geen lɛni ndanku Katɔti lɛlɔ mmɔ úbo ni, ɔdubo-mii bɔtɔnku kalɛ na bɛnu litemi geen lɛmmɔ ƒui bɛti. Na ulatɛmi na anwu ɔlati ɔyikun kemmo. Mmomu lɛla lɛni na únu ni, ɔdubo-mii bɔsu na ɔsu-mii ala ani ndubo bɔlɛ.

Yohane 7:22

Mose úbo-mii ɔda ɔnii bikulo bina bebi ago. Nsu ɔɔɔdi anwu ɔmmɔ lɛlɔ na ago bukulo búse kalɔ bɔ́si. Mmomu ɔ́si bati kuuku uwi ƒui. Na biikúlo ago na lɛnwunameyi muedi lɛlɔ.

Yohane 9:29

Bɔgyi ka Katɔti ɔ́tɛmiku Mose. Na ukyuli ɔmmɔ anwu ni, bɔɔɔgyi kesii kani na ɔ́si muedi!”

Batalane Kabla 13:32

“Na ni, abu búbo mɛni bɔnii buuti litemi buni lɛmɛni buboku-mii, ka ni, Katɔti kenye kani na ɔ́su úse na bula banana bene uwi ni, kébo kéte lɛni na bula uwi lɛlɔ. Na aka ndi ɔni na Katɔti ɔ́ya na Yesu ɔ́sɔ ɔ́ta úbo uli ngba. Ɔmɛni ndi lɛla lɛni lɛlɔ na Dawid únweni na nwuna kɔgya kunyɔdi kemmo. Mmɔ ni, Katɔti ɔɔsu taasiku Yesu lɛlɔ ɔnini, “ ‘Awɔ ndi mina ubi. Na ɔmwi ni, línwini-ɔ ɔti.’

Batalane Kabla 2:30

Nsu ɔdi Katɔti kenye udiene. Na Unwoti úse kenye úse ka wabla Dawid kaba kemmo ubi na wadi lɛga aani Dawid ɔmmɔ kalɛ kani.

Batalane Kabla 28:23

Amu na bése limeyi lɛdi bese, na bekyuli pii bébo-nwu kudɔ. Mmɔ na ɔ́tɛmi úte-ma ɔ́siku Katɔti lɛga kadikɔ lɛlɔ. Na ɔ́lɔ-ma kasusu úsienku kesii kani na Mose ku Katɔti kenye bediene bénweni ala bése básiku Yesu lɛlɔ. Na ɔ́tɛmiku-ma ɔ́si ɔtanta útédu useyi uwi.

Batalane Kabla 3:21

Ɔlɛka Yesu ɔƒɔ lɛlɔ ɔkya katɔ mmɔ wetédu uwi ɔni na Ɔti wasɔku lɛla biala webese ligeen aani kalɛ na nwuna kenye bediene básu bése.

Hebriƒuɔ 11:18

Ɔ́bla lɛni ina ka ɔkɛnku ubidi Isak ɔmmɔ lɛlɔ na Katɔti ɔ́su ɔnini, “Ɔkɛnku Isak lɛlɔ na adubudie kaba aani kalɛ na lɛ́su-ɔ líse.”

Hebriƒuɔ 11:2

Ɔkɛnku bɔƒɔtaadi lɛlɔ na bekyuli bani nákya kuuku ni, Katɔti úmwi-ma ka badi bekyuli babuni.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Hebriƒuɔ 2:2

Na ɔƒɛni ni, si kenye kani na Katɔti batu básu bula bati kuuku kábala-ma na Katɔti ɔ́ni ɔdi biala kɔtu kɔni námanku si báƒiɔ ni,

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Hebriƒuɔ 3:5

Mose ɔ́bla lɛla biala ulu lɛlɔ na Katɔti kaduli aani kabla ɔblane. Na údie ala ani na Katɔti ɔdubo ubasu ɔ́tina.

Hebriƒuɔ 4:8

Ɔsika si bɔya na Yosua ɔ́ya na bákɛ bɔnwuna ni, nka Katɔti ɔ́sɔ útasu lɛla lɛdi útasiku limeyi lɛbambadi lɛdi lɛlɔ.

Hebriƒuɔ 5:5

Lɛni kani na Kristo lɛnɔ útaƒuna ɔkpane unengudi kenyekɔ kamɛni útete lɛlɔ kalɛ na bekyuli babu-nwu. Mmomu Katɔti ɔ́su-nwu ɔnini, “Awɔ ndi mina ubi. Na ɔmwi ni, línwini-ɔ ɔti.”

Hebriƒuɔ 9:19

Kudeedi ni, Mose úbo ɔda ute bekyuli na ala ani mɔɔbala na ɔda bubo bɔmmɔ kenye. Ɔmmɔ kama ni, úti bese ku bakɔ ubugya ɔ́salaku ntu na úti ɔ́kuna ubugya ɔmmɔ úwi ɔda bubo ɔku ɔmmɔ lɛlɔ ku bekyuli bammɔ ƒui lɛlɔ. Na úti unwo ugyiedi únyimi evete ani baalɔ bani hisope na úti ɔ́bla ɔdi ɔmmɔ.