Hagai 2:4 - Katɔti Ɔku Kedee

⁴ Nsu amii ni, bɛkya ɔkplu na binye kabla kammɔ lɛlɔ! Ɔsika ami, Unwoti Ɔyikune Ƒui, ndubɔkya-mii akɔ mɛni, na libunku-mii na kabla kammɔ kemmo

Hagai 2:4 ပူးပေါင်းရင်းမြစ်များ

Samuel 2 5:10

Na ka Unwoti Katɔti Ɔyikune Ƒui ɔsiaku-nwu ɔsu ni, nwuna ɔyikun ɔ́sɔ úsie anumi kaduɛ.

Ala Alɛdi 1 22:13

Si ádi ɔda bubo bɔni na Unwoti úte Mose lɛlɔ ni, ala adubɔtɛ ete-ɔ. Nye kpakplaa na akya kayi na taya na enu áƒɛ-ɔ uwi ɔdi iye ayia lɛla lɛdi lɛnɔ.

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Esra 10:18

Na banana bani néti kadi bamba beleku anyi ndi amɛni. Yosadak ubidi Yesua ku nwuna banwani ku Maaseia ku Elieser ku Yarib ku Gedalia.

Esra 5:2

Amu na Sealtiel ubidi Serubabel ku Yosadak ubidi Yesua bénu bana etemila ani baasu mmɔ, na básɔ bése kalɔ báatu Unwoti kakpakɔ na Yerusalem. Na kenye bediene inyɔ bammɔ béte-ma kebunku.

Israelƒuɔ Bɔlɛ 3:12

Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Hagai 1:13

Mmɔ na Hagai ɔ́su-ma ɔnii Unwoti úse kenye ka ɔdubulieku-ma.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Sakaria 8:9

“Na enu ataƒɛ-mii, ɔsika Unwoti Ɔyikune Ƒui na ndi. Bɛbla kasusu bɛsiku etemila ani na mina kenye bediene básu-mii uwi ɔni na baakya mina kakpakɔ kowodu kalɔ ɔka.

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Lɛkpa Ulu 31:23

Amu na Unwoti ɔ́su Yosua ɔni ndi Nun ubidi ɔnini, “Nye kpakplaa na akya ɔkplu. Ɔsika awɔ ndubo Israelƒuɔ bamɛni bɔkpanku busienku kalɔ kani lɛ́su líse ka meti mete-ma lɛlɔ. Na ndubulieku-ɔ.”

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Yosua 1:6

“Kya ɔkplu na taya na enu aƒɛ-ɔ. Ɔsika awɔ ndubo bekyuli bamɛni bɔtɔnku butéduo kalɔ kani na líse kenye ka meti mete bina bati kuuku.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”