Ala Kalɔ Buse 7:9 - Katɔti Ɔku Kedee

⁹ Na badi ɔgya ku ule na bébeduo ɔkɔlɔ bonwu ɔmmɔ kemmo aani kalɛ na Katɔti úbo-ma ɔda.

Ala Kalɔ Buse 7:9 ပူးပေါင်းရင်းမြစ်များ

Ala Kalɔ Buse 2:19

Anwuɔsu Unwoti Katɔti ɔ́kpanku bebuo ku baasɛ ku bebweyi bani ƒui na úti kalɔ lɛti ɔ́bla mmɔ úboku ukyuli ɔmmɔ kudɔ ɔnii ɔsia-ma anyi. Na lɛnyi lɛni na ukyuli ɔmmɔ úte kebweyi biala ni, ani nénwini-nwu lɛnyi.

Ala Kalɔ Buse 6:22

Na Noa lɛnɔ ɔ́bla kalɛ na Katɔti ɔ́su-nwu pɛpɛɛpɛ.

Ala Kalɔ Buse 7:10

Na ɔmmɔ kama ka emeyi maatɛ ammɔ ávi ni, ɔnantu ɔmmɔ úse kalɔ ɔɔna na úyi ɔ́ƒɔ kalɔ ƒui lɛlɔ.

Ala Kalɔ Buse 7:15

Bebweyi bani ƒui mbo ngba na bana kemmo ɔgya ku ule bébo Noa kudɔ mmɔ. Na bébeduo ɔkɔlɔ bonwu ɔmmɔ kemmo.

Ala Kalɔ Buse 7:16

Na ka bebuo bammɔ ƒui béduo ɔkɔlɔ ɔmmɔ kemmo báwɔlɔ aani kalɛ na Katɔti úbo Noa ɔda ni, ɔ́kalɛ-ma ɔ́kya-nwu kemmo.

Ala Kalɔ Buse 7:8

Bebuo bani nse sɛɛn ku bani neeese sɛɛn ƒui ku baasɛ ku bebweyi bani ƒui mɔɔví kalɔ kammɔ lɛlɔ inyɔ inyɔ bébo Noa kudɔ.

Yesaia 65:25

Begidi ku baƒonubi badubɔdi basala na bagyata ku bakɔ ƒui badubɔkun keti. Na balakpi badubɔkun lɛti kani! Na baladu iye babla ɔdi lɛla lɛdi na mina kɔbi kedee lɛlɔ mmɔ. Lɛni na ami Unwoti mɔɔsu!”

Yeremia 8:7

Betusɛ ku babloduma ku bakpaƒɛɛlɛ ku baasɛ bamba bagyi uwi ɔni na beeveyi taatɔlɔ na beekeli kɔyɔ uwi ku uwi na bɔsɔ benwini bebo. Nsu amii mina bekyuli bɛɛɛgyi lɛla lɛni mɔɔwia ka bɛbla.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.