Ala Kalɔ Buse 45:3 - Katɔti Ɔku Kedee

³ Na mmɔ ni, Yoseƒ ɔ́su nwuna banwani ɔnini, “Ami ndi Yoseƒ! Sɔsɔ na mina ɔti ɔmu uli ngba?” Nsu ka nwuna banwani bénu ɔmɛni ni, bátakana na bedie kenye kadi. Ɔsika liƒu bonwu líƒie-ma na Yoseƒ anumi mmɔ.

Ala Kalɔ Buse 45:3 ပူးပေါင်းရင်းမြစ်များ

Ala Kalɔ Buse 37:20

Na básu lɛnɔ banini, “Bibo na bɔdu-nwu na bubo-nwu bɔkya abiɔ amɛni ɔdi kemmo. Na bɔsu ka eƒiebuo ɔdi néƒie-nwu ɔ́kun. Na bɔsɔ bɔnu kalɛ na nwuna ana ani na úgye mmɔ adubɔbla kabla.”

Ala Kalɔ Buse 42:21

Ɔmmɔ kama básu lɛlɔ banini, “Katuala kadi keeebo ɔmɛni kemmo. Bɔgyi nwaa ka bula ɔnwani ɔni bɔ́bla likpidi ɔsu na buubó abi amɛni udu. Búnyimo kalɛ na ɔ́ƒɛ ɔ́da-nwu uwi ɔni na uuvele-bu ka nka bútabla-nwu lɛla lɛmmɔ udu. Nsu búni na bútanu-nwu kɔnyana. Anwuɔsu na lɛbibo lɛmɛni udu líbo-bu lɛlɔ.”

Ala Kalɔ Buse 42:22

Amu Ruben úye nwuna banwani bakladi ɔnini, “Ńtasu-mii nnii bitaya na bɔbla likpidi bɔƒiɔ ɔnamu ɔmɛni, na bítenuku-mi kalɔ? Ɔƒɛni bula ɔti ubi na ɔdi, na bɔdi ubugya unwi. Bɛɛnu ka nwuna ubugya lɛlɔ kɔtu na baaní-bu ɔmwi.”

Ala Kalɔ Buse 43:27

Na Yoseƒ úye-ma kalɛ na báta. Na úye-ma lɛnɔ ɔnini, “Bina ɔti ɔni na bɛ́su ka ɔ́ɔbi lɛlɔ geen mmɔ ni, ɔmu ɔkya ngba?”

Hiob 23:15

Ɔmmɔ ɔsu na nnye-nwu anumi ku liƒu. Na si mɔɔkali ala amɛni taanu ni, na lɛlɔ lɛɛtɔ́-mi kpakpaakpa.

Hiob 4:5

Na ɔƒɛni amu awɔ ɔlati na ala ammɔ udu aalɛ́ku, amu na alákana ɔkplu bɔkya na áyila lɛnunsia lɛni?

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Marko 6:50

Ɔ́gyu bana ƒui ɔtɔtɔ ka bánu-nwu na ntu bɔmɛni anumi. Nsu Yesu útemiku-ma kɔnakunwi ɔnini, “Bitayia! Ami mmɔ. Bɛkɛ kayi!”

Luka 5:8

Ka Simon Petro ɔ́nu lɛla lɛni nálɛ mɛni ni, ɔ́lɛ akɔnkɔ na Yesu anumi na ɔ́su-nwu ɔnini, “Blɔti, takpɛ tede-mi, ɔsika alaekpidi ɔblane na ndi.”

Batalane Kabla 7:13

Na ka Yakob bebi básɔ bésie mmɔ kunyɔdi banii betéye adila ni, Yoseƒ údie nwuna lɛlɔ ɔ́tina-ma, na údie-ma ɔ́tina Ɔga Ƒarao.

Batalane Kabla 9:5

Amu na Saulo úye ɔnini, “Ati, ɔma na adi?” Amu na lɛdi lɛmɛni lídie kenye ɔnini, “Ami ndi Yesu ɔni na eekpóku kpakplaa.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.