Ala Kalɔ Buse 41:57 - Katɔti Ɔku Kedee

⁵⁷ Na kɔlɔ ƒui bekyuli beebo Yoseƒ kudɔ teebeye edula, ɔsika kɔka kɔmmɔ kɔ́ƒɔ kayawi kesii biala.

Ala Kalɔ Buse 41:57 ပူးပေါင်းရင်းမြစ်များ

Ala Kalɔ Buse 12:10

Na uwi ɔmmɔ kemmo ni, kɔka bonwu kɔdi kúbo kalɔ kammɔ ƒui lɛlɔ, anwuɔsu Abram úsie Egyipte na útákya mmɔ uwi ɔdi na kɔka kpakplaa kɔmmɔ ɔsu.

Ala Kalɔ Buse 41:54

Na akwa maatɛ ani kemmo na ɔ́su ka kɔka kɔdubo mmɔ ése kalɔ. Kɔlɔ kɔni náka kɔ́mana ƒui kɔka kúbo sɔsɔ ntu Egyipte lɛti kani na adila akya kesii biala.

Ala Kalɔ Buse 41:56

Uwi ɔni na kɔka kɔmmɔ kɔ́ƒɔ kalɔ kammɔ ƒui lɛlɔ ni, uwi ɔmmɔ asa Yoseƒ ɔ́lɛmi linwu libendi lɛni kemmo na báklibi edula ebi bése mmɔ na úye edula úte-ma. Ɔsika kɔka kɔmmɔ kenye kébo kaayu ɔkplu sɔsɔ na Egyipte kalɔ lɛlɔ ƒui.

Ala Kalɔ Buse 42:1

Ka Yakob únu ka edula akya Egyipte ni, ɔ́su nwuna bebi bananabi ɔnini, “Bitasɔ bitelie mɛni bitataanu lɛlɔ anumi!

Ala Kalɔ Buse 42:5

Ɔmmɔ ɔsu Israel bebi lɛnɔ básiaku bekyuli lisu lɛni nási Kanaan kalɔ lɛlɔ mmɔ bésie betéye adila, ɔsika kɔka kɔmmɔ kɔ́ƒɔ Kanaan kalɔ ƒui lɛnɔ lɛlɔ.

Ala Kalɔ Buse 42:6

Na ɔƒɛni ni, Yoseƒ ndi aban ɔgadine unengu ɔni muuyé edula ammɔ teete kadi biala bekyuli. Ɔmmɔ ɔsu ka Yoseƒ banwani bammɔ lɛnɔ bébo ni, bábayu bébi kalɔ ku ɔbu na bégyele-nwu.

Ala Kalɔ Buse 43:1

Na uwi ɔmɛni kemmo ƒui ni, kɔka kɔmmɔ kɔ́mu kɔ́nyi anyi na kalɔ kammɔ ƒui lɛlɔ.

Ala Kalɔ Buse 47:14

Yoseƒ ɔ́ɔƒɔ egulabi ani na bekyuli bebo ƒui na Egyipte ku Kanaan, ɔsika béti béye edula. Na úti egulabi ammɔ ƒui úboku Ɔga Ƒarao kesii.

Ala Kalɔ Buse 50:20

Ɔsika bɛ́kali bɛnii bɛɛbla-mi likpidi, nsu Unwoti Katɔti ɔ́ya na lɛbuni nálɛ lɛ́si-nwu kemmo kalɛ na ɔbla nwuna kabla kani bɛɛnu ɔƒɛni. Na ɔƒɔ bekyuli pii ngba.

Lɛkpa Ulu 9:28

Si ɔɔɔdi lɛni ni, Egyipteƒuɔ badubɔsu banii átakana na akpanku ƒula bekyuli bammɔ esienku kalɔ kani ásu ése ka éti-ma éselaku mmɔ lɛlɔ. Na badubɔsu lɛnɔ banii bɔkpanku na ákpanku ƒula bekyuli bammɔ esienku kalɔ kakwiidi kemmo na átadu-ma. Ɔsika eekisi-ma.