Ala Kalɔ Buse 4:4 - Katɔti Ɔku Kedee

⁴ Na Abel lɛnɔ útáƒuna nwuna baƒonu bedeedi bani na báka bɔwɔ akɔ unwi na úti kakɛ kani nélie lɛmwi kaduɛ úboku úbete Unwoti Katɔti. Na Abel lɛlɔ lɛ́da Unwoti Katɔti kubiti geen ku nwuna etela.

Ala Kalɔ Buse 4:4 ပူးပေါင်းရင်းမြစ်များ

Ala Kalɔ Buse 15:17

Ɔmmɔ kama ka ɔƒɛ ɔ́nu na kadi kábla suu ni, libui bonwu lɛdi ku uyɔ lɛni kemmo na ɔgya ɔɔda lɛdi lɛ́da lɛ́lɛ. Libui lɛmɛni lɛkɛ lɛ́vi lɛna lɛmmɔ ƒui ntɛ.

Ala Kalɔ Buse 4:3

Na uwi ɔdi kama ni, Kain úti nwuna kemo edula adi úboku úbete Unwoti Katɔti.

Baga 1 18:24

Ɔmmɔ kama na bɛkpali bina Katɔti, na ami lɛnɔ lɛkpali Unwoti. Na ati ɔni nátuna ku ogya bɔda ni, anwu ndi Katɔti geen.” Amu na bekyuli bammɔ ƒui básu banini, “Lɛla lɛni na ásu mɛni lɛdia geen.”

Baga 1 18:38

Amu na kɔnakunwi ni, Unwoti ogya ɔ́si katɔ na úbakyula akpala ammɔ ku ekyweni ammɔ ku atabi ammɔ ku lɛti lɛni nwi mmɔ. Na ogya ɔmmɔ ɔ́ta útéduo ntu bɔni béku ubu na buwi-nwu kemmo mmɔ na ɔ́da na ɔkyula-mu ƒui kede kede.

Ala Alɛdi 1 21:26

Dawid ɔ́tu lɛkpabi lɛmmɔ na ɔ́bla bɔkyula ƒui akpala ani mɔɔyɔ́ Unwoti kaƒɔ úte-nwu ku unwi bɔbla akpala. Na Unwoti únu Dawid buvele na ɔ́ya na ogya ɔ́si katɔ úbo úbayu lɛkpabi lɛmmɔ lɛlɔ.

Ala Alɛdi 2 7:1

Uwi ɔni kani na Salomo ɔ́wɔlɔ Katɔti bɔkpali kani na ogya ɔ́bwɛ ɔ́si kayaa úbo úbakyula akpala ammɔ. Na Katɔti bukeye bɔni mɔɔtu anumi geen búbaƒɔ kakpakɔ kammɔ kemmo ƒui tɛtɛɛtɛ,

Kɔgya 20:3

Na unyimo akpala ani na ábla éte-nwu ku ala ani na ákyula éte-nwu na aƒɔ-nwu anu.

Israelƒuɔ Bɔlɛ 13:12

na bɛnu ka bíti bina bebi bedeedi bani ndi bananabi ku bebuo bagyani bebi bedeedi bíte-nwu, ɔsika bana ƒui badi Unwoti badi.

Agba 3:9

Ti ƒula lɛkɛ teemwi Unwoti. Na eti ƒula edula biala ebi edeedi ete-nwu.

Etemila 4:4

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Lewiƒuɔ Ɔda Bubo 9:24

Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Bumomo Bɔka 16:35

Kɔnakunwi ni, ogya ɔ́si katɔ úbakyula nkyuli eti alɔ bani mɔɔkyula oloƒui mmɔ.

Bumomo Bɔka 18:12

“Na edula edeedi abuni ani na Israelƒuɔ badubɔkɛ aani nnɔ ku ntɛ bɔwɔdi ku edula ebi ani na badubuti beboku Unwoti ni, lɛ́sɔku-nya muute-mii.

Bumomo Bɔka 18:17

“Nsu ɔmantɛ akɔ, ku koƒonu ku ese udeedi biala na báwɔ ɔdi Unwoti ɔdi na utalɛka beti ebuo ɔmmɔ ɔdi beye. Ama bese kedee na ɔlɛka badu-ma na beti bana ubugya bakuna bewi lɛkpabi lɛlɔ na bakya bana lɛmwi lɛmmɔ ogya bakyula na ɔnyi ƒɛƒɛɛ ɔmmɔ ɔyɔ-mi kaƒɔ.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Hebriƒuɔ 9:22

Geen ni, ɔda bubo bɔmmɔ bɔɔtina na bɔkana na bɔsu bɔnii ala ƒui aabla sɛɛn ɔkɛnku ubugya lɛlɔ. Na ɔkɛnku ubugya kalɔ buwi kemmo na Katɔti uuti bula ekpidi taakyiɛ-bu.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Litemi Batɛne 6:21

Na Katɔti ɔtu ɔmmɔ úti ugyii ɔni ɔ́da mmɔ kenye útuku lɛna ku bodobodo ɔmmɔ. Na ogya ɔ́buɛ ɔlɛ lɛtakpɛ lɛmmɔ lɛlɔ na ɔ́kyula lɛna ku bodobodo ɔmmɔ. Mmɔ kani na Unwoti ɔtu ɔmmɔ ɔ́yii ɔ́kya.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.