Ala Kalɔ Buse 4:1 - Katɔti Ɔku Kedee

¹ Ɔmmɔ kama ni, Adam ku Hawa bélie aani ɔgya ku ule kalɛ. Na Hawa ɔ́da kaƒɔ na ɔ́wɔ Kain. Na ɔ́su ɔnini, “Katɔti úbunku-mi na lɛ́wɔ ɔnanabi.”

Ala Kalɔ Buse 4:1 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Kalɔ Buse 3:24

Na ka ɔ́bɔku-ma ɔ́lɛku ɔ́wɔlɔ ni, ɔ́ya na nwuna batu bagyumanane badi benye ku kewii kadi mɔɔbwɛ ogya teesie anumi teebo kama taabala Eden kemo kammɔ ɔƒɛ katukɔ. Na bétile ukyuli biala kuƒi kalɛ na ulakana kugyii kɔni mɔɔyá na ukyuli uulie ngba mmɔ kudɔ bɔni bude.

Ala Kalɔ Buse 4:2

Na ɔmmɔ kama ɔ́sɔ ɔ́wɔ ɔnwani Abel. Na Abel ɔmɛni ɔdi bebuo ɔnyuɛne. Na Kain ɔdi umonsene.

Ala Kalɔ Buse 4:25

Amu na Adam ku ulekudi básɔ báwɔ ɔnanabi bamba na ɔ́sia-nwu lɛnyi ɔnii Set. Na ɔ́su ɔnini, “Katɔti úte-mi ubi ɔbambadi na Abel ɔni na Kain ɔ́du kenye.”

Ala Kalɔ Buse 5:29

Na ɔ́sia-nwu lɛnyi ɔnii Noa. Mmɔ na ɔ́su ɔnini, “Ubi ɔmmɔ ndubɔda-bu udie abi ani na buubó na buunú ɔlɛ geen na bula enu kabla kani na bɔɔbla kemmo ka Katɔti úwida kalɔ kammɔ ƒui ɔsu.”

Kɔgya 127:3

Nu! Unwoti Katɔti muute bebi na baawɔ. Na bani mɔɔlɛ́ taasi uwele kaƒɔ kemmo ni, ɔdi nwuna lɛƒɔndia.

Bumomo Bɔka 31:17

Ɔmɛni ɔsu bɛdu banana bammɔ ƒui ku beleku bani na ama ku ɔnana báatɛ dii.

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.