Ala Kalɔ Buse 38:9 - Katɔti Ɔku Kedee

⁹ Ɔƒɛni ni, Onan ɔgyi ka si anwu ku ɔnwani ulekudi ɔmmɔ báwɔ ni, bebi bammɔ baaadi anwu ɔlati badi. Ɔmmɔ ɔsu si baatɛ na lɛlɔ ntu bɔdubo-nwu ni, na ɔ́ta uleku ɔmmɔ lɛlɔ na ntu bɔmmɔ buwi kalɔ kalɛ na uleku ɔmmɔ ulada kaƒɔ na ɔwɔ ute ɔnwani.

Ala Kalɔ Buse 38:9 ပူးပေါင်းရင်းမြစ်များ

Ala Kalɔ Buse 38:10

Na Katɔti ɔ́nu ka lɛla lɛni na Onan lɛnɔ ɔɔbla mɛni lɛdi kalala na nwuna anumi ɔsu ɔ́ya na anwu lɛnɔ úkpi.

Hiob 5:2

Lɛnungyie ku kogyulo kɔnyi buti bɔɔdú ukyuli.

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Lɛkpa Ulu 25:5

Si banwa inyɔ beli básala na bana kemmo unwi úkpi na útawɔ asa na úkpi ni, ukpinele ɔmmɔ utalɛka utélie kɔgya na ɔtɔ bamba kemmo. Mmomu ɔgyani ɔni nékpi mmɔ ɔnwani ɔlɛka uti-nwu.

Lɛkpa Ulu 25:6

Na si anwu ku uleku ɔmmɔ báwɔ ubi udeedi ni, na ubi ɔmmɔ ɔdubɔbla ɔnwani ɔni nékpi mmɔ ubi. Ɔmɛni ndubɔya na ɔnwani ɔni nékpi mmɔ lɛnyi lilayi na Israel.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Yakobo 3:14

Nsu si ebo lɛnungyie na ƒula kayi kemmo ku enyekpi na aawia awɔ lɛti lɛkɛ ni, takun lɛmɛnɛ ka áda anu. Ɔsika aanyi ɔkɔ, na alásu litemi geen lɛmmɔ.

Yakobo 3:16

Na kasalakɔ kani na lɛnungyie ku ukyuli unwi lɛkɛ kani nkya mmɔ ni, bekyuli bammɔ beeƒú na alaekpidi lidu lidu mɔɔkya-ma akɔ.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Rut Keliela Ɔku 1:11

Nsu Naomi ɔ́su-ma ɔnini, “Mina bebi belekubi, ɔdi ka binwini. Bi ɔsu na bɛɛyɔ́ ka bɛsiaku-mi kama? Nsɔ naaakana bebi bananabi babambadi bɔwɔ bute-mi na bilieku-ma.

Rut Keliela Ɔku 4:10

Ɔƒɛni Rut ɔni ndi Moabni na ɔdi Mahlon ukpinele lɛnɔ ɔdubunwini mina uleku kalɛ na Mahlon lɛnyi lilayi ɔtɔ ɔmmɔ kemmo. Na amii ndi ala amɛni ƒui kenye bediene ɔmwi limeyi lɛmɛni lɛlɔ.”