Ala Kalɔ Buse 27:2 - Katɔti Ɔku Kedee

² Amu na Isak ɔ́su-nwu ɔnini, “Ɔƒɛni amu líinwini unengu geen na lɛɛɛgyi limeyi lɛni na ndubo bukpi.

Ala Kalɔ Buse 27:2 ပူးပေါင်းရင်းမြစ်များ

Ala Kalɔ Buse 27:3

Anwuɔsu ti ƒula kataminta na esie kabuinkɔ atáwia lɛna lɛdi eboku-mi.

Ala Kalɔ Buse 47:29

Na ka nwuna ukpiwi ɔ́ni úde ni, ɔ́ya na bálɔ Yoseƒ béte-nwu. Mmɔ na ɔ́su-nwu ɔnini, “Si mina lɛlɔ lɛ́da-a ebiti ni, na ete-mi kɔnu na akpali Katɔti ese-mi kenye ka adubɔbla-mi lɛƒɔndia lɛdi. Na adubɔdi-ka lɛlɔ lɛnɔ. Tava-mi na Egyipte mɛni.

Ala Kalɔ Buse 48:21

Ɔmmɔ kama ni, Israel ɔ́su Yoseƒ ɔnini, “Uwi údu ka likpi. Nsu Unwoti Katɔti ɔdubulieku-ɔ na ɔsɔku-ɔ usienku ƒ'ɔti bene kalɔ lɛlɔ.

Agba 27:1

Takun lɛmɛnɛ na kɔnaadi kadi kani mebo lɛlɔ, ɔsika aaagyi lɛla lɛni mebo kɔnaadi.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Yesaia 38:1

Uwi ɔmmɔ kemmo ni, Ɔga Hesekia úbo uuƒi ɔlɛ kpakplaa ɔdi ɔni na ubu bli na ukpi. Amu na Amos ubidi Kenye Udiene Yesaia úsie utánu-nwu, na ɔ́su-nwu ɔnini, “Unwoti ɔnii klibi ƒula kaduli ala ƒui se, ɔsika adubo bukpi na aaadubo bɔta ɔlɛ ɔni na eeƒi.”

Yesaia 38:3

“Unwoti, nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Marko 13:35

“Lɛni kani na ɔlɛka amii lɛnɔ binye kagyumana. Ɔsika bɛɛɛgyi lebo lɛni na bina Unwoti webeduo. Ɔkana na ɔbla useyi uwi, iye usientɛ, iye uwi ɔni na bakɔkɔ béte kenye, iye ɔtanta.

Yakobo 4:14

Nsu bɛɛɛgyi kɔnaadi lɛla lɛni malɛku-mii. Bise aani uyɔ ɔni na si ɔƒɛƒɛɛ úduo-nwu akɔ pɛ na ɔɔyii taakya.

Samuel 1 20:3

Nsu Dawid ɔ́su ɔnini, “Litemi lɛmmɔ lɛkya-nwu kemmo sɔsɔ. Ƒ'ɔti ɔgyi nwaa ka ami ku-ɔ bɔdi bakpana kpakplaa. Anwuɔsu ulasu-ɔ ka ɔɔwia-mi ɔdu, ɔsika ɔmmɔ ɔdubo-ɔ bukpoku geen. Mɔɔsu-ɔ na Katɔti ɔni nli ngba lɛnyi kemmo ka mina ngba bɔkya ɔgbankpi kemmo, ɔsika ƒ'ɔti ɔɔwia ka ɔdu-mi.”