Ala Kalɔ Buse 26:4 - Katɔti Ɔku Kedee

⁴ Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Ala Kalɔ Buse 26:4 ပူးပေါင်းရင်းမြစ်များ

Ala Kalɔ Buse 13:16

Na ndubɔya na ƒula bawɔ bemomo aani kɔnwinimi. Na si ukyuli ɔdi ɔ́kana na ɔka kɔnwinimi kɔmmɔ ni, ɔdubɔkana na ɔka ƒula bawɔ lɛnɔ.

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Ala Kalɔ Buse 15:5

Mmɔ na ɔ́kpanku-nwu úsienku keyi na ɔ́su-nwu ɔnini, “Kɔliku anumi katɔ na anu kayaa na aka ayabi ani na aanu si adubɔkana-nya bɔka.” Amu na Katɔti ɔ́sɔ ɔ́su-nwu ɔnini, “Ƒula bawɔ lɛnɔ badubo bumomo lɛni kani.”

Ala Kalɔ Buse 18:18

Abraham ɔdubo bɔwɔ na nwuna kadi bekyuli baƒɔ lɛnyi na bakɛ ɔyikun. Na ɔkɛnku Abraham ɔmɛni lɛlɔ ɔsu na ndubute kayawi kadi ƒui bekyuli kusɛ kusɛ.

Ala Kalɔ Buse 26:24

Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”

Ala Kalɔ Buse 28:14

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Ala Kalɔ Buse 28:3

Unwoti Katɔti kusɛ kusɛ ɔsiaku-ɔ na ɔya na awɔ bebi na bemomo na benwini kadi bekyuli pii.

Ala Kalɔ Buse 35:12

Na kalɔ kani na líti líte Abraham ku Isak ni, aka kani na líti muute-ɔ. Na kalɔ kamɛni na ndubuti lite ƒula kaba kemmo bebi.”

Ala Kalɔ Buse 47:27

Na uwi ɔmmɔ kemmo ni, Israel kadi bekyuli béelie kalɔ na Gosen kalɛkɛ lɛlɔ. Na báakɛ lɛkɛ na báawɔ geen lɛnɔ na bemomo.

Ala Alɛdi 1 27:23

Amu na uwi ɔni na Dawid ɔ́lɛ ugyii ka ɔka Israel kadi bekyuli ni, úbo-ma ɔda ka bataka bekyuli bani na bana akwa ébo kalɔ étulo akwa aavlanyɔ, ɔsika Unwoti úse kenye úse ɔ́si kuuku ka Israel bekyuli badubo bumomo geen aani kayaa ayabi muedi.

Kɔgya 72:17

Ya na ƒula ɔga ɔƒɔ lɛnyi na lisie ɔgyu lɛkya bekyuli akɔ uwi ƒui kalɛ kani na ɔƒɛ ɔɔtu teekeye. Ala atɛnku kadi ƒui bekyuli na beteete ɔga kusɛ kusɛ.

Israelƒuɔ Bɔlɛ 32:13

Na enyimo ƒula linyese lɛni na éte ƒula kabla bablane Abraham ku Isak ku Yakob ka adubɔya na bana kaba bekyuli bemomo aani katɔ ayabi. Na adubute-ma kalɔ kani na ése kenye ka badubuti-ka babla bana kadikɔ.”

Israelƒuɔ Bɔlɛ 6:4

Na bunyimi bɔni na línyimiku-ma ka meti Kanaan kalɔ kesii kani na bélie dii aani baƒɔ mete-ma ni, lɛ́lɛ-mu ugyii.

Batalane Kabla 3:25

Unwoti nényimi kenye kamɛni ku bina bati ɔkɛ nwuna kenye bediene lɛlɔ. Na amii ndi bunyimi bɔmɛni ala badine. Ɔ́su Abraham ɔnini, ‘Na ɔkɛ ƒula kaba kemmo na ndubute kayawi ƒui bekyuli kusɛ kusɛ.’

Galatiƒuɔ 3:16

Linyese lɛni na Katɔti ɔ́su úse mmɔ lise lite Abraham ku ubidi. Na Bunweni Kedee Ɔku ɔmmɔ kemmo ni, Katɔti útasu ɔnii, “Abraham ku nwuna bebi.” Si ɔ́su ɔnii, “ku nwuna bebi” ni, na ɔɔtina ka bebi bammɔ bemomo. Mmomu bɔsu na ɔ́su ɔnii ku ubidi. Na ɔmɛni ɔɔtina ka ukyuli unwi pɛ. Na ukyuli ɔmmɔ ndi Kristo.

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Lɛkpa Ulu 13:17

Na ɔdi uteti ala ani na ɔ́su-mii ka bɛkyula mmɔ adi utese lɛlɔ. Ɔmɛni ndubɔya na nwuna kɔnyi kati kati kɔyɔ na ɔnu-mii kɔnyana. Ɔdubɔnu-mii kɔnyana na ɔya na bimomo bibu aani kalɛ na ɔ́su bina bati kuuku úse.

Lɛkpa Ulu 9:5

Na ɔɔɔdi ka bɛdi bekyuli babuni na bɛɛbla ala ani nse siin ɔsu na Unwoti ɔ́ya na bísie bitéti bana kalɔ bínwini bina kadikɔ. Mmomu Unwoti ɔdubo-ma bɔbɔku, ɔsika bekyuli bammɔ badi bekyuli bekpidi. Na ka ɔɔyɔ́ ka ɔdi nwuna linyese lɛlɔ ute bina bati kuuku bani ndi Abraham ku Isak ku Yakob lɛnɔ ɔsu na ɔɔbɔku bekyuli bammɔ.

Hebriƒuɔ 11:2

Ɔkɛnku bɔƒɔtaadi lɛlɔ na bekyuli bani nákya kuuku ni, Katɔti úmwi-ma ka badi bekyuli babuni.