Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ala Kalɔ Buse 26:3 - Katɔti Ɔku Kedee

3 Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

အခန်းကိုကြည့်ပါ။ ကော်ပီ




Ala Kalɔ Buse 26:3
42 ပူးပေါင်းရင်းမြစ်များ  

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.


Na kalɔ kani ƒui na aanu ka kewi mmɔ ni, aka na ndubuti lite-ɔ ku ƒula bawɔ uwi ƒui.


Sie na atáka amana kalɔ kammɔ ƒui linene ku bɔbɛbɛ, ɔsika aka na liti muute-ɔ.”


Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.


Mmɔ na Katɔti ɔ́su ɔnini, “Ɛɛn! Nsu ƒ'ulekudi Sara ɔdubɔwɔ ɔnanabi ute-ɔ. Na adubɔsia-nwu lɛnyi anii Isak. Ndubɔlɛ mina bunyimi ugyii ku anwu ɔmmɔ aani bunyimi bɔni makya ami ku-nwu ntɛ usela uwi ƒui ku nwuna bawɔ lɛnɔ ntɛ.


Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”


Na uwi ɔmmɔ kemmo ni, Abraham ɔ́ta kesii kani na úlie mmɔ na úsie Negev kalɛkɛ lɛlɔ. Na útélie Kades ku Sur lɛma ntɛ. Na ɔ́ƒɔ lɛlɔ ɔ́kya Gerar ɔma kemmo uwi blii ɔdi.


Na Abraham kukpi kama ni, Katɔti úte Isak kusɛ kusɛ. Na uwi ɔmmɔ ni, Isak ɔmu ɔkya kalɔ kani nde kesii kani baalɔ banii Beer Lahai-Roi kemmo.


Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.


Ubo baƒonu ku ɔmantɛ bakɔ pii. Na ubo kabla bablane ɔni na ɔ́ya na Ƒilistiƒuɔ anumi égyie na Isak lɛlɔ.


Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”


Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.


Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”


Ɔmmɔ kama ni, Unwoti Katɔti ɔ́ya na Yakob ɔ́ti ɔnini, “Nwini teesie ƒula ɔti bene kalɔ lɛlɔ na ƒula ɔtɔ bekyuli kudɔ. Na ndubulieku-ɔ uwi biala.”


Na kalɔ kani na líti líte Abraham ku Isak ni, aka kani na líti muute-ɔ. Na kalɔ kamɛni na ndubuti lite ƒula kaba kemmo bebi.”


Ɔƒɛni Yoseƒ ɔmɛni ni, ɔdi ukyuli ɔni na Unwoti Katɔti uliku-nwu kaduɛ. Na nwuna ablala ƒui álɛ-nwu kɔsia geen na nwuna Egyipteni ɔtɔlati ɔmmɔ kesii kani na ɔkya mmɔ.


Unwoti Katɔti ɔsiaku Yoseƒ geen na ɔ́bla-nwu lɛƒɔndia ɔni na nwuna lɛlɔ lɛ́da ɔgyumanane unengu ɔmmɔ kubiti.


Ɔmmɔ kama ni, Israel ɔ́su Yoseƒ ɔnini, “Uwi údu ka likpi. Nsu Unwoti Katɔti ɔdubulieku-ɔ na ɔsɔku-ɔ usienku ƒ'ɔti bene kalɔ lɛlɔ.


Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”


Bunyimi bɔmmɔ na únyimiku Abraham na úse kenye ɔnii bɔdubɔkya anwu ku Isak lɛnɔ ntɛ.


Nwuna anu asia lɛla lɛni na únyimi lɛlɔ uwi ƒui. Na nwuna linyese lise lite kaba mpim mpim bekyuli.


Bunyimi bɔmmɔ na únyimiku Abraham na úse kenye ɔnii bɔdubɔkya anwu ku Isak lɛnɔ ntɛ.


Unwoti ɔnini, “Ndubɔtina-a kesii kani ɔlɛka asia ku lɛla lɛni na ɔlɛka abla. Na ami ɔlati ndubutaanu-ɔ lɛlɔ.”


“Nu-mi buvele, O Unwoti, na abla ete-mi na keku kani muuwulo taakya-a ɔsu. Tetile atu na mina mmii pii bɔmɛni kama. Ɔsika nse aani ƒula ɔƒɔ ɔni nálɛlɛ-ɔ aani mina bati kuuku kalɛ kani.


Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob.


Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”


Na bunyimi bɔni na línyimiku-ma ka meti Kanaan kalɔ kesii kani na bélie dii aani baƒɔ mete-ma ni, lɛ́lɛ-mu ugyii.


Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.


Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”


Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.


Bitayia, ɔsika nliku-mii. Na ndubɔsala-mii lɛsiku ɔƒɛ katukɔ ku kanukɔ ƒui liboku liku linwi.


Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.


Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?


Bɛnu bɛti ka kalɔ kamɛni ƒui na líti muute-mii. Biteesie na bitéti-ka binwini bina kadikɔ. Kalɔ kammɔ na Lɛ́su líse ka ndubuti lite bina bati kuuku bani ndi Abraham ku Isak ku Yakob ku nwuna bawɔ.”


Amu na Unwoti ɔ́su Mose ɔnini, “Kalɔ kamɛni na líse kenye ka meti mete Abraham ku Isak ku Yakob ku bana bawɔ. Ɔƒɛni lɛ́ya-na éti ƒula anumi ánu kalɔ kammɔ. Nsu aaadubo mmɔ busie.”


Biti mina ɔbladu ku mina etemila ani ƒui na bínu na bɛ́tɛya bɛsiku-mi kudɔ bɛkya kabla bɔbla kemmo. Na Katɔti ɔni muute keyi buɛɛ ni, ɔdubulieku-mii.


Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.


Na ka Katɔti ɔɔwia ka bekyuli bani na úse kenye ƒui bati nwaa ka kavumana kadi kelebo nwuna linyese kemmo ɔsu ni, ɔ́kpali lɛlɔ úse kenye kammɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ