Ala Kalɔ Buse 24:3 - Katɔti Ɔku Kedee

³ na Unwoti Katɔti ɔni ndi katɔ ku kalɔ ƒui ɔti lɛnyi kemmo ka ni, alawia uleku ɔdi na Kanaanƒuɔ bani akɔ na akya mɛni elete mina ubi ɔnanabi.

Ala Kalɔ Buse 24:3 ပူးပေါင်းရင်းမြစ်များ

Ala Kalɔ Buse 14:19

Úvele kusɛ kusɛ úte-nwu ɔnini, “Katɔti Ɔni Ntulo Ƒui na anwu nédie katɔ ku kalɔ ni, ɔdubɔya na nwuna kusɛ kusɛ ɔsiaku Abram.

Ala Kalɔ Buse 14:22

Nsu Abram údie kenye na ɔ́su Sodom ɔga ɔnini, “Katɔti ɔni Ntulo Ƒui na anwu nédie katɔ ku kalɔ ni, anwu na lɛkɔliku mina enu lite. Na lɛ́kpali ala lɛ́lɔ-nwu lɛnyi lɛ́su nnini,

Ala Kalɔ Buse 21:23

Ɔƒaani ni, mɔɔwia ka ese kenye kadi ete-mi na Katɔti anumi na mɛni ka aaadubo ami iye mina bebi iye bawɔ bɔtɔlɔ. Ka ɔƒɔ na adi na eli kalɔ kamɛni kemmo ɔsu ni, bla lɛbuni lɛni na lɛ́bla líte-ɔ te ami ku mina kalɔ kamɛni lɛlɔ bekyuli ƒui.”

Ala Kalɔ Buse 24:7

Na ɔ́sɔ ɔ́su-nwu ɔnini, “Unwoti ɔni ndi Katɔti ni, anwu nálɔ-mi ɔ́siku mina ɔti kaduli ku mina kalɔ lɛlɔ. Na anwu nákpali lɛlɔ úse-mi kenye ɔnini, ‘Ƒula bawɔ na ndubuti kalɔ kamɛni lite.’ Anwu ɔmmɔ ndubɔya na nwuna ɔtu ɔtɔnku-ɔ. Na ɔdubɔya na akɛ uleku asiku mmɔ eboku mina ubi ɔnanabi.

Ala Kalɔ Buse 27:46

Ɔmmɔ kama ni, Rebeka úsie útásu ɔgyani Isak ɔnini, “Mina ngba bɔni na nli buukpóku-mi na Hetiƒuɔ beleku bamɛni ablala ɔsu. Na si Yakob lɛnɔ úti Hetiƒuɔ beleku bamɛni akɔ ɔdi ni, amu nsɔ lɛɛɛgyi kesii kani na mina ngba búsela.”

Ala Kalɔ Buse 28:1

Ɔmmɔ ɔsu ni, Isak ɔ́ya na bálɔ Yakob béte-nwu na úte-nwu kusɛ kusɛ na úbo-nwu ɔda kpakplaa ɔnini, “Teti uleku ɔdi tasiku Kanaan.

Ala Kalɔ Buse 28:8

Anwuɔsu Esau ɔ́nu ɔ́ti ka Kanaanƒuɔ beleku ala aláda ɔti Isak kubiti.

Ala Kalɔ Buse 34:9

Na bɛya na buteeti lɛlɔ bebi. Biti bina belekubi bite-bu na buti na amii lɛnɔ biti abu badi.

Ala Kalɔ Buse 38:2

Mmɔ na Yuda útánu Kanaanni ɔnana ɔdi baalɔ banii Sua ubidi ulekubi. Yuda úti uleku ɔmɛni na úsie-nwu kudɔ.

Ala Kalɔ Buse 47:31

Mmɔ na Yakob ɔ́su-nwu ɔnini, “Kpali Katɔti na ese-mi kenye ka adubo bɔbla lɛni sɔsɔ.” Yoseƒ lɛnɔ ɔ́kpali Katɔti na ɔ́su-nwu geen ka wabla lɛni. Na Israel ɔ́bu ɔƒa nwuna ugyii ɔdadi lɛlɔ na úmwi Katɔti.

Ala Kalɔ Buse 50:25

Na Yoseƒ ɔ́ya na Israel bebi bákpali Katɔti bése kenye, na ɔ́su-ma ɔnini, “Ngyi geen ka Unwoti Katɔti ɔdubo ubebunku-mii. Na ɔdi ka biti mina ekubi bɛtɔlɔku mɛni.”

Ala Kalɔ Buse 6:2

ɔni na kayaa batu bani náyila bana kenyekɔ na Katɔti kudɔ ni, bánu kalɛ na beleku bammɔ baadia bɔnu ɔsu ni, béti bani na baayɔ́.

Ala Kalɔ Buse 6:4

Na uwi ɔmmɔ kemmo ku nwuna kama ni, bekyuli bani nákuku na bebo ɔlɔkplu bákya. Na bekyuli bamɛni badi ayu ani nébo kalɔ na Katɔti anumi na bana kasikɔ kási beleku bani na bekyuli báwɔ na kalɔ lɛlɔ. Na badi banana bani náƒɔ lɛnyi geen bábavi.

Baga 2 19:15

Na ɔ́kpali Unwoti ɔ́su ɔnini, “O Unwoti, ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Ala Alɛdi 2 2:12

Bekyuli ƒui bemwi Israel Unwoti Katɔti ɔni nédie katɔ ku kalɔ! Úte Dawid ɔnanabi ɔni na ɔ́da anu na ɔɔsia ala anu taabla-nya uwi lɛlɔ. Na ɔɔɔdi ɔmmɔ lɛti mmomu kasusu kásɔ kebo-nwu ka ɔtu kakpakɔ ute Unwoti na ɔtu ɔga kesii lɛnɔ ute lɛlɔ.

Esra 5:11

“Amu na bédie kenye banini, ‘Bɔdi Katɔti ɔni nédie katɔ ku kalɔ kabla bablane. Na Unwoti kakpakɔ kani na Israelƒuɔ ɔga ɔdi ɔni mbo ɔyikun ɔ́tu dii ni, bɔ́sɔku ka bɔɔtú.

Nehemia 13:25

Mmɔ na lɛ́dɔnku-ma na líwida-ma, na líbo bananabi bammɔ badi na lɛ́ni-ma linwini. Na lɛ́ya na bése kenye na Unwoti lɛnyi kemmo banii, “Bɔsɔ buleti bula bebi belekubi bulete kadi bamba banana na beti-ma. Na bula bananabi lɛnɔ ni, beleti kadi bamba belekubi. Na abu lɛnɔ buleti ɔdi lɛnɔ.

Nehemia 9:6

Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Kɔgya 115:15

Unwoti ɔni nédie katɔ ku kalɔ ute-mii kusɛ kusɛ!

Kɔgya 136:26

Bɛgya Katɔti ɔni nkya katɔ enu. Ɔsika ɔɔyɔ́-bu uwi ndi uwi.

Israelƒuɔ Bɔlɛ 20:7

Takpali Unwoti ƒula Katɔti lɛnyi keeke. Ɔsika Unwoti ɔdubɔni ukyuli ɔni mɔɔlɔ-nwu lɛnyi keeke kɔtu.

Israelƒuɔ Bɔlɛ 22:11

ukyuli ɔmmɔ ɔlɛka usie utákpali ala use kenye na Katɔti anumi ka ɔɔɔdi anwu néyu ebuo ɔni bete-nwu bɔda mmɔ. Na si ɔɔɔdi buyu na beyu ebuo ɔmmɔ ni, utalɛka ɔƒɔ ukyuli ɔni néte-nwu ebuo bɔtumini mmɔ kayu kadi. Ebuo ɔlati uti-nwu lɛni kani.

Israelƒuɔ Bɔlɛ 23:13

“Bɛsia anumi na bɛdi ɔda biala na líbo-mii lɛlɔ. Bitakpali baƒiɔ biala bitawia bana kebunku, na bitalɔ ɔdi lɛnyi muedi.

Israelƒuɔ Bɔlɛ 34:16

Mmɔ na bina bebi badubusie betéti bana beleku na ɔmɛni ɔdubɔkpanku-ma na balɛ-mi kama na besie batákpa bana baƒiɔ.

Yesaia 45:23

Líse kenye kpakplaa kani na kalavumana kudii, na ukyuli biala ɔdubo lili kalɔ bɔkya bɔbu-mi.

Yesaia 48:1

“Israelƒuɔ, Yakob ɔtɔ kemmo bebi na bɛdi na bɛ́si Yuda kɔdua. Bɛɛsu taatina bɛnii ami Unwoti Israel Katɔti na bɛɛbu, nsu ɔmmɔ ƒui ɔkɔ na ɔdi.

Yesaia 65:16

Ami kani ndi Katɔti ɔni lɛlɔ na ukyuli ɔdubɔkana na ɔsia lɛnu. Ala ani na ékpoku-mii dii ƒui ávi ni, ami nsɔ neeeti-nya lɛlɔ kasusu. Si biivele kusɛ kusɛ teete ukyuli ɔdi iye biisé kenye kadi ni, bɛbla lɛla biala na mina lɛnyi kemmo. Ami lɛti kani ndi Katɔti ɔni kani na ukyuli ɔsia lɛnu.

Yeremia 10:11

Awɔ násu-mi anii nsu-ma ka ɔɔɔdi baƒiɔ nédie kalɔ kammɔ na adubo baƒiɔ ƒui udu bɔyila.

Yeremia 12:16

Ama nátina mina bekyuli kalɛ na baakpá Baal baƒiɔ uwi ɔdi návi kemmo. Nsu si bánu-mi báti ka ami lɛti kani ndi Katɔti geen ɔmmɔ na bátuna na mina bekyuli bátina-ma kalɛ na bakpa-mi ni, ndubɔƒɔ ama lɛnɔ na babla mina bekyuli.

Yeremia 29:6

Biti lɛlɔ na bɛwɔ na bɛwia beleku ku bagya bite bina bebi kalɛ na ama lɛnɔ bawɔ. Ɔsika naaawia ka bɛsa mmomu kalɛ na bimomo.

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.

Lewiƒuɔ Ɔda Bubo 19:12

“ ‘Ɔdi utakpali-mi lɛnyi keeke na ubile ami bina Katɔti lɛnyi. Ami ndi Unwoti.

Seƒania 1:5

Na bani ƒui muulie bana lɛtɔ katɔ taakpali ayabi iye baakya lili kalɔ teete Milkom baƒiɔ, nsu baanyi ɔkɔ ka basiaku-mi kama siin ni, ndubo bana ƒui udu bɔyila.

Bumomo Bɔka 5:21

mɛni ɔkpane ɔmmɔ ɔdubo uleku ɔmmɔ buti bɔkya Unwoti ewida kalɔ na ɔsu ɔnii, “Unwoti ɔ́ya na enwini ewida ukyuli ete bina bekyuli na ɔya na ƒula kaƒɔna kaƒɔ ɔlɛ na kaƒɔ kasia-a na asɔ alakana bɔwɔ.

Korintoƒuɔ 1 7:39

Uleku ɔni na ulie kɔgya ni, uuubo kuƒi ka ulie kɔgya bamba na uwi ɔni na ɔgyani ɔmu uli ngba. Na si ɔgyani ɔmmɔ úkpi ni, mmɔ asa na ɔdubɔkana na ulieku ɔnana ɔbambadi biala na ɔɔyɔ́. Nsu ɔdi ka ɔnana ɔmmɔ ɔbla ɔƒɔtaadine.

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Lɛkpa Ulu 6:13

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Hebriƒuɔ 6:16

Bekyuli baakpali ala ani ntulo-ma teese kenye taatina ka lɛla lɛni baasu lɛdi litemi geen, na unyeƒi ɔdi uuubo-nwu kemmo.

Yosua 2:12

“Na mɔɔwia ka bise-mi kenye na Katɔti lɛnyi kemmo ka bɛdubɔbla ami ku mina kaduli bekyuli lɛƒɔndia aani kalɛ na lɛ́bla líte-mii. Anwuɔsu bɛbla likpose lɛla lɛdi bɛtina-mi kalɛ na makana maƒɔ-mii madi.

Litemi Batɛne 14:3

Na ɔti ku uni béye-nwu banini, “Uleku ɔdi uuubo na ɔɔdia bɔnu na ɔmanku-ɔ na bula ɔtɔ kemmo? Iye ɔdi uuubo na bula kadi akɔ? Bi ɔsu na Ƒilistiƒuɔ bani neeekulo ago mɛni kudɔ na adubusie etéti uleku?” Nsu Simson únye ɔti lɛlɔ na ɔ́su-nwu ɔnini, “Tévele-nwu te-mi. Ɔsika anwu námanku-mi.”

Samuel 1 20:17

Na Yonatan ɔ́ya na Dawid ɔ́lɛ bunyimi linyese lɛmmɔ ugyii ɔkɛnku bana bɔyɔ kenye, ɔsika ɔɔyɔ́ Dawid aani nwuna lɛlɔ kalɛ.

Samuel 1 30:15

Amu na Dawid úye-nwu ɔnini, “Adubɔkana na atɔnku-mi atátina kesii kani na bekyuli bani nékpoku lɛma lɛmɛni bakya?” Amu na Egyipteni ɔmɛni údie kenye ɔnini, “Si aka kenye buse bute-mi na Katɔti anumi ka aládu-mi iye alasɔku-mi elésienku mina ɔtɔlati ni, ndubɔtɔnku-ɔ lisienku mmɔ.”